Solana: "PSNk euskarafobia dela-eta ezarri nahi du PAI programa Nafarroan"
Maria Solana Geroa Baiko parlamentaria oso kritiko azaldu da PSNk gaur Nafarroako Parlamentura eraman behar duen lege proposamenaren kontura. PAI ingelesez ikasteko programa blindatzeko zirriborroa aurkeztu dute sozialistek, eta itxura guztien arabera, Navarra Sumaren botoekin aterako dute aurrera (exekutiboaren gainerako bi bazkideak —Geroa Bai eta Ahal Dugu— eta EH Bildu eta I-E kontra daude).
Auziaren jatorrian "euskarafobia" dagoela salatu du parlamentariak Euskadi Irratiko "Faktoria" saioan egin dioten elkarrizketan. Izan ere, azaldu duenez, PSOEk "oso kontrako jarrera" du PAIren edo ingelesa lehenesten duten programen kontura, "Nafarroan izan ezik. Zergatik? Euskara dela eta. Estatuan ematen ez dena, Nafarroan ezarriko dute, euskarafobia dela eta", nabarmendu du.
PAI ingelesezko irakaskuntza programa (ikasgaien % 40 atzerriko hizkuntza horretan ematen dira) 2011-2012 ikasturtean ezarri zuen UPNren Gobernuak. Gaur egun, Nafarroako 116 ikastetxetan dago programa eta irakasleriaren % 70 behin-behinekoa da. Hain justu, 350 irakasle horien lanpostuak egonkortzea "ezinbestekoa" dela argudiatuta aurkeztu du lege proposamena PSNk, urgentziaz.
Solanaren hitzetan, "PSNk ekarri zuen lege proposamenak zalantza asko sortu zizkigun, segurtasun juridikoari dagokionez batez ere, baina gerora Navarra Sumak aurkeztu dituen zuzenketak ikusita, aurrera atera daitekeen legea delirantea izango da". Esparzaren koalizioak PAI programa hizkuntza eredu bihurtu nahi du, D ereduaren pareko izan dadin.
Azaldu duenez, sozialistekin batera Nafarroako Gobernua osatzen duten bi alderdiek, Geroa Baik eta Ahal Duguk, irizpena eskatu zioten Nafarroako Kontseiluari. PSNren proposamenaren arabera, lanpostua eskuratu nahi duten irakasleei ingeleseko C1 hizkuntza eskakizuna eskatuko zaie derrigorrez, baina Estatuko araudiak gazteleraz edo euskara bakarrik eska daitekeela dio. Legearen segurtasun juridiko eza "egundokoa" dela uste du Solanak, "baina ez guk bakarrik, hainbat adituk, teknikarik eta gehiengo sindikala oso zabal batek ere hala uste du. "Ingelesa Nafarroako hizkuntza propio bihurtu nahi dute", salatu du.
Horrez gain, PSN "kolore bakarreko gobernuan egongo balitz bezala" jokatu duela kritikatu du Solanak. "Ez du aintzat hartu koalizio gobernu batean dagoela, Geroa Bai eta Ahal Dugu kontra gaude. 3tik 2 ari dira esaten hori ez dela bidea, eta halere, PSNk bidea egin du, Navarra Sumaren babesa izango duelakoan. Ez da lehen aldia", deitoratu du.
Zure interesekoa izan daiteke
Loiun gertatutakoaren kronologia, Zupiriaren arabera
Bingen Zupiria Eusko Jaurlaritzako Segurtasun sailburuak adierazi duenez, Ertzaintzak Loiuko aireportuan egindako esku-hartzea agenteen aurkako "aldez aurreko eraso" eta "probokazio" bati emandako erantzuna izan zen, baina dispositiboaren kudeaketa "beste modu batera" egin behar zela onartu du. Zupiriak ordena publikoko arazo bat izan zela defendatu du, eta barne ikerketa batek indarraren erabilera proportzionala izan ote zen zehaztuko duela baieztatu du.
Oposizioak salatu duenez, "neurriz kanpoko jokaera basati batek Ertzaintzaren irudia kaltetu du"
Bingen Zupiria Segurtasun sailburuaren agerraldiaren ostean, EH Bilduk esan du "polizia ereduaren arazo bat" dagoela. Sumarrek sailburuari leporatu dio bere azalpenak "poliziaren jarduera justifikatzera bideratuta" egon direla. Bestalde, PPk jazotakoa ikertzeko eskatu dio, indarkeriaren erabilera proportzionala izan ote zen jakiteko.
Epaileak ekainaren 17 eta 18ra atzeratu du Zapaterok Plus Ultra auzian ikertu gisa egin beharreko agerraldia
Plus Ultra auzia ikertzen ari den Jose Luis Calama epaileari ekainaren 2rako aurreikusita zegoen deklarazioa atzeratzea eskatu dio gaur goizean Espainiako Gobernuko presidente ohiaren abokatuak, kausa ongi aztertu ahal izateko, iturri juridikoek jakitera eman dutenez.
Zupiria: “Gure herrian, herritar batzuek ez dute Poliziarik nahi, ezta Euskal Polizia bada ere”
Bingen Zupiriak Ertzaintzaren jarduna defendatu du Loiuko aireportuan Global Sumud flotillako kideekin izandako istiluetan, eta adierazi du oraindik ere badirela poliziaren figura ukatzen duten herritarrak. Halaber, gogorarazi du Ertzaintzako kideek ETAren terrorismoa eta kale indarkeria jasan zituztela, eta "gaur egun ere iragan horren arrastoak" gizartearen zati batean mantentzen direla.
Peinado epaileak Begoña Gomez epaiketa aurreko entzunaldi batera deitu du, ekainaren 9an
Epaile instruktoreak ikertuei —Begoña Gomez, Cristina Alvarez eta Juan Carlos Barrabes—ohartarazi die epaitegira agertu beharko dutela eta saio horretan kautelazko neurriak hartu daitezkeela.
Zupiriak akatsak onartu ditu Ertzaintzak Loiun izandako jardunean, eta ukatu egin du motibazio politikorik egon zela
Ingelesez hasitako agerraldi batean, Segurtasun sailburuak onartu du Ertzaintzak Loiuko aireportuan izan zuen jokabidea "ez zela gertatu behar", eta barkamena eskatu du nazioartean eragina izan zuten gertakari batzuengatik. Halaber, Zupiriak esan du agenteak oldartu zirela "erasoak" jasan zituztelako.
Nazionalisten arteko "elkar hartzeaz" eta "euskal prozesuaren" arriskuaz ohartarazi du Anduezak
Eneko Andueza PSE-EEko idazkari nagusiaren esanetan, EAJk eta PSE-EEk hizkuntza eskakizunen inguruan landutako adostasunetik atera dira jeltzaleak eta hori dago azken asteetako tentsioaren atzean.
ZUZENEAN | Zupiriaren agerraldia Legebiltzarrean
Bingen Zupiria Segurtasun sailburuak agerraldia egingo du 12:00etan Eusko Legebiltzarreko Erakunde, Gobernantza Publiko eta Segurtasun Batzordean, larunbatean Global Sumud Flotillako sei kide iritsi zirenean Ertzaintzak Loiuko aireportuan izandako jokabideari buruzko azalpenak emateko.
Global Sumudeko kideen aurka Ertzaintzak izandako jokabidea salatu dute hainbat lagunek Legebiltzarraren atarian
Eusko Legebiltzarrean eguerdian Bingen Zupiria Segurtasun sailburuak Loiuko aireportuan ertzaintzak Global Sumudeko kideen aurka kargatu izanari buruzko azalpenak emango ditu. Hori baino lehen, goizeko 09:00etan hasita, Ertzaintzaren jokabidea gogor salatu Legebiltzar atarian 50 lagun inguruk. Ertzainez inguratuta ari dira egiten protesa Gasteizen; oso haserre daudela esan dute eta ertzaintza egin dute gertatu zen guztiaren errudun.
Gurutzetako batzokian Ertzaintzaren aurkako pintadak egin dituztela salatu du Bizkaiko EAJk
EAJk Gurutzeta auzoan, Barakaldon, duen egoitzan, pintadak agertu dira fatxadan, mezu iraingarriekin. Alderdiak gertatutakoa gaitzetsi du, eta egin dituztenak zein "beste aldera begiratzen dutenak" kritikatu ditu.