Amatasun eta aitatasun baimenak 18 astera luzatzea eskatu du Legebiltzarrak
Euskal Autonomia Erkidegoko erronka demografikoari buruzko saio monografikoa egin dute asteazken honetan Eusko Legebiltzarrean. Goizeko saioan, Iñigo Urkullu lehendakariak bere gobernuaren asmoak iragarri ditu eta talde parlamentarioek ere hainbat neurri zehatz proposatu dituzte.
Arratsaldean, ekimen horietako asko onartu dituzte, eta, besteak beste, amatasun eta aitatasun baimenak esparru pribatuan 16 astetik 18ra luzatzeko eskatu dio Legebiltzarrak Eusko Jaurlaritzari. Proposamen hori EAJk, PSE-EEk eta Elkarrekin Podemos-IUk adostu dute.
Horrez gain, pertsona migratzaileei eta errefuxiatuei hemen bizitzeko egin behar dituzten tramiteak murriztu ditzala eta gizarte-laguntzak jasotzeko prozesuetan laguntza eman diezaiela eskatu diote administrazioari.
Halaber, Ganberak EH Bilduk proposatutako zenbait ekimen onartu ditu, hala nola, garraio publikoaren tarifak berrikustea, gazteen eskuragarri jartzeko; hutsik dauden etxebizitzak mobilizatzeko neurri fiskalak aztertzea; belaunaldien arteko erreleborako plan bat lantzea; eta baserri eta landa-eremuetan garraio publikoaren zerbitzua hobetzea.
2030 urterako emantzipaziorako bataz besteko adina 28 urtetik behera egotea eta jaiotze-tasa % 15 handitzea jarri dute helburutzat EAJk, PSE-EEk eta PP+Cs koalizioak.
Ildo berean, eskuineko koalizioak proposatuta, umea izateko arazoak dituzten emakumeei ugalketa-lagundurako tratamenduak bermatzeko galdegin dio Legebiltzarrak Osakidetzari.
Gainera, lan-hitzarmenetan kontziliaziorako eta ardurak banatzeko neurriak jasotzeko urratsak eman ditzala eskatu diote Eusko Jaurlaritzari.
Elkarrekin Podemos-IUk etxebizitza komunitarioak sortzeko proiektuak martxan jartzea proposatu du, besteak beste, pertsona nagusiak bakardadean bizi ez daitezen. Neurri hori ere onartu du Legelbitzarrak.
EH Bilduren proposamen nagusiak baztertu dituzte
Bestalde, EH Bilduk seme-alaba bakoitzeko hilean 150 euroko diru-laguntza ematea proposatu du, horrek 18 urte izan arte, baina ekimena atzera bota dute.
Koalizioak egindako beste hainbat neurri ere ez dituzte onartu, hala nola, 0 eta 12 urte arteko umeentzat garraio publikoa eta sendagaiak doakoak izatea, alokairuaren prezioa mugatzea eta lau eguneko edo 32 orduko lan-asteak bultzatzea.
Elkarrekin Podemos-IUk zerga-sistema erreformatzea proposatu du, kenkari fiskalen bidez seme-alaba bakoitzeko 100 euroko laguntzak bermatzeko hilero, honek 18 urte izan arte. Baina neurri hori ere baztertu egin du Legebiltzarrak.
Zure interesekoa izan daiteke
Pradalesek diasporako gazteei esan die "Euskadiren ezinbesteko parte" direla
Imanol Pradales lehendakaria Euskal Herriko eta diasporako (AEB, Kanada, Argentina, Uruguai eta Australia) 200 gazte ingururekin elkartu da Tolosan, euskal komunitate globalaren erronken inguruan hausnartzeko. Gaztemunduri Ateak Ireki programako eta EuskarAbentura espedizioko gazteek hartu dute parte topaketan.
PSE-EEren eta EAJren arteko enegarren polemika, euskara dela eta
Eneko Anduezak Voxek eta PPk defendatzen duten lehentasun nazionalarekin parekatu du EAJk eta EH Bilduk adostutako Enplegu Publikoaren Legearen erreforma.
EAJ-PSE "koalizioa osasuntsu" dagoela azpimarratu du Antxustegik, "egunero akordioak lortzeko gaitasuna" duelako
PSErekin izandako azken ika-mika baretu nahi izan du Joseba Diez Antxustegi EAJren Eusko Legebiltzarreko bozeramaileak, eta Eneko Andueza buruzagi sozialistak esandakoak "komunikabideen ingurura eta hauteskunde-kanpainara" mugatu ditu, "oraindik hilabete asko falta badira ere".
Aizpurua (EH Bildu): “Euskara menpeko da, eta berdintasunean egotea eskatzen dugu. Ez dago lehentasun nazionalik"
Mertxe Aizpuruak, EH Bilduren Kongresuko bozeramaileak, kritikatu egin du Eneko Andueza sozialisten idazkari nagusiak “lehentasun nazionalaz” esandakoa, EAJ eta EH Bildu PP eta Voxekin parekatu baititu. “Euskara menpeko da, eta berdintasunean egotea eskatzen dugu. Ez dago lehentasun nazionalik”.
Aitor Estebanek "antzezpen hutsa" dela dio Anduezak PSE-EEren Batzorde Nazionalean eginiko diskurtsoa
EAJko presidente Aitor Estebanen ustez, "antzezpen handiegia" izan da Eneko Anduezarne, PSE-EEko idazkari nagusiaren, diskurtsoan. Izan ere, Radio Euskadiko 'Ganbara' saioan egindako adierazpenetan, Estebanek esan du Anduezak badakiela ez dela Enplegu Publikoaren Legearen aurka jarri behar. Horren harira, Estebanek dio sozialisten idazkari nagusia jada hauteskunde kanpainari begira dagoela. Jatorrizkoa: Gaztelaniaz.
UPNk Jose Javier Mugica gogoratu du, ETAk hil zuela 25 urte bete direnean
25 urte bete dira ETAk Jose Javier Mugica UPNko zinegotzia hil zuenetik, Leitzan. 59 urte zituen. Gaur, alderkideek antolatuta, omenaldia egin diote Leitzan bertan. Lore-eskaintza egin dute, haren omenez jarrita dagoen plakaren aurrean.
Anduezak "lehentasun sozialaren alde" egin du, PP, Vox eta abertzaleen "lehentasun nazionalaren" aurrean
PSE-EEren idazkari nagusiak emaitzak hobetzen jarraitzea jarri du helburu, 2027ko udal eta foru hauteskundeetan; eta gaitzetsi egin du EAJk eta EH Bilduk Enplegu Publikoaren Legea aldatzeko lortutako akordioa.
David Sanchezi enplegu publikorako bederatzi urteko inhabilitazioa ezarri diote
Badajozko Auzitegiak prebarikazio administratiboko delitu baten egile jo du Espainiako Gobernuko presidentearen anaia.
David Sanchez errugabea dela probatuko den itxaropena agertu du Espainiako Gobernuak
Erreakzio soka luzea eragin du Espainiako Gobernuko presidentearen anaiari ezarri dioten zigorrak. Enplegu publikorako bederatzi urteko inhabilitazioa ezarri dio epaileak, prebarikazio administratiboko delitu baten egilea izateagatik.
Mikel Uribe ertzainaren aldeko omenaldia egin dute Beasainen, ETAk hil zuela 25 urte bete direnean
Beasaingo ertzain-etxearen aurrean izan da omenaldi-ekitaldia; minutu bateko isilunearen ondoren, Mikel Uribe gogora ekarri dute hainbat ertzainburuk, tartean bere kide izan zirenak. Mikel Uribe Ertzaintzako komisariordea hil zuen ETAk duela 25 urte gaurko egunez, Leaburun, elkartean lagunartean afaltzera zihoala. Elkarte ondoan autoa aparkatu zuenean, ETAko bi kidek kotxea tirokatu eta bertan hil zuten.