Epaileak ekainaren 9an jakinaraziko du Jakes Esnal ETAko presoa aske utziko duen ala ez
Jakes Esnal ETAko presoaren askatasunaren inguruko erabakia ekainaren 9an jakinaraziko du Parisko Apelazio Auzitegiko zigorren aretoak. Atzo jakinarazi zuen data areto horretako presidenteak, eta ez zuen baztertu Segurtasun Neurrien Diziplina Anitzeko Batzordeari auziairi buruzko txostena eskatzea. Azken hori, erakunde aholku-emailea da, eta Esnalen askatasunaren aldeko iritzia eman zuen, azkena kontsulta egin ziotenean.
70 urte ditu preso lohitzundarrak, eta 32 daramatza kartzelan, biziarteko espetxe-zigorra betetzen. Espainian 80ko hamarkadan ETAk egindako hainbat atentatutan parte hartzea egozten diote.
1990ko apirilean atxilotu zuten Esnal Baionan, Frederique Haranburu Xistor eta Jon Parotekin batera, 'Argala' taldeko kide izatea leporatuta.
Hirurek frantziar nazionalitatea dute, eta garai hartan Frantziak ez zituenez bere herritarrak estraditatzen, Parisen epaitu zituzten eta biziarteko espetxe-zigorra ezarri zieten.
Haranburu iazko azaroan utzi duten baldintzapean aske, baina beste biak preso mantentzea ebatzi zuen epaileak, eta Lannemezango eta Mureteko kartzeletan ari dira zigorra betetzen. Etxetik gertuago egoteko lekualdatu zituzten espetxe horietara.
Ekainaren 9an Apelazio Auzitegiak Esnal askatzea ebatziko balu, Fiskaltzak erabakiaren kontrako helegitea jartzeko aukera izango luke, baina prozedura arrazoiengatik bakarrik, eta ez edukiarekin lotutakoengatik.
Ateratzekotan, baldintzapean aterako litzateke; besoko elektronikoa eta etxeko atxiloaldia izango lituzke lehendabiziko bi urteetan, eta ondorengo hamarretan, joan-etorriak egiteko murrizketak ere bai.
Aske ez uztea erabakiko balu epaileak, Esnalen defentsak ere izango du helegitea aurkezteko aukera.
Zure interesekoa izan daiteke
Peinado epailea oporretan dago eta ordezko batek erabakiko du Begoña Gomez NATOren goi-bilerara joan ote daitekeen
Gomezen defentsak uztailaren 7tik 10era Espainiatik irtetea eskatu du, Turkiara joateko eta, ondoren, Londresera, alabaren graduaziora.
Hamasek Gazako gobernua utzi du eta Palestinako batzorde teknokrata bati eman dio boterea
Hamas desegin ondoren, organo horrek eskualdea kudeatu beharko du, su-etenean jasotako jarraibideei jarraituz.
Lehendakari bat aurrenekoz txupinazoan: "Beste herritar bat bezala, kalean ibiltzea da nire helburua"
Lehen aldia da jardunean dagoen lehendakari bat San Fermineko txupinazoan udaletxean dagoela gonbidatu gisa eta ETBko saio berezian izan da. "Jendeak gozatzea, bakean eta errespetuz", hori espero du Imanol Pradalesek.
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".