Ramon Alzorriz: "Nafarroako alderdi progresistok eskuinean dagoen banaketa aprobetxatu behar dugu"
Ramon Alzorriz PSNko bozeramaile eta antolakuntza idazkariak eskuinaren barruan dagoen "egoera aprobetxatzeko" deia egin du. Izan ere, Navarra Suman "banaketa" dago, eta UPN-n, bi iheslariekin,"bereizketa". Horrela, legealdiko akordioa berriro egin nahi du, "Nafarroari beste lau urteko progresismoa eta ezkerra emateko". "Badakigu non egon ginen eta nora ez dugun itzuli nahi", esan du Radio Euskadin, EITB Focusen inkestaren balorazioan.
EITB Focusen arabera, PSN eserleku kopuruan mantendu arren, sozialistek boto asmoan eta "babes sozialean" gora egin dutela nabarmendu du Alzorrizek. "Gauzatzen ari garen politikak Nafarroako herritarrek behar eta nahi dituztenak dira", azpimarratu du.
EH Bildurekin egin daitezkeen itunei dagokienez, bozeramaileak bereizi egin ditu aurrekontuen inguruko akordioa (egungo legegintzaldian bi alderdiek dutena), "batzen gaituzten gai sozialak mahai gainean jarrita", eta gobernu akordioa. "Gobernuan sartzeko, EH Bilduk ibilbide etiko garrantzitsua egin behar du", esan du.
Alzorrizek ez ditu argitu nahi izan udal hauteskundeen ostean egin daitezkeen itunak, PSN aukerak dituen udaletan "buru" izateko aurkeztuko baita.
Geroa Bairekiko harremanei dagokienez, Alzorrizek Uxue Barkosek "xantaia" hitza erabili izana kritikatu du: "Hitzak pixka bat zaindu behar dira". Azpimarratu duenez, aurrera atera diren lege gehienek PSNren eta Geroa Bairen aldeko botoekin onartu dira, eta seitan bakarrik sartu da jokoan "geometria aldakorra", batzuetan PSNren eta Navarra Sumaren arteko akordioarekin eta, beste batzuetan, Geroa Bairen eta Navarra Sumaren arteko akordioarekin. Baina, edonola ere, "gehiago da batzen gaituena".
Etxebizitzaren legearen kasu zehatzari dagokionez, Alzorrizek ziurtatu du mahai gainean dauden zuzenketei buruzko negoziazioaren arabera erabakiko dutela beren botoa. "Azkeneraino aztertu eta negoziatuko ditugu, eta horretan oinarrituta emango dugu gure botoa", esan du. "Politikan dena negoziatu eta eztabaidatu" egiten dela azpimarratu du.
Zure interesekoa izan daiteke
PSOEren inguruan ikertzen ari direna larria dela aitortu du Pedro Sanchezek, baina ez ditu hauteskundeak aurreratuko
Espainiako presidenteak Erroman hitz egin du PSOEren inguruan izandako azken gertaeren inguruan. Bere ustez hauteskundeek "paralisia" ekarriko lukete eta horren aurrean "oreka" defendatu du.
Cerdan, PSOEko gerentea eta Zarrias, Leire Diez auzian inputatuta Auzitegi Nazionalak eskatuta
Ikerketak erabaki judizial berriekin egiten du aurrera: kontratu publikoei lotutako eta informazio sentikorra lortzeko ustezko sare bat aztertzen du auziak.
Lehenbailehen hauteskundeak deitzeko eskatu dio Feijook Sanchezi, "egoera agoniko eta patetiko honen aurrean"
Bestalde, Gabriel Rufian ERCk Kongresuan duen bozeramailearen hitzetan, "anomalia izugarria da" alderdi politiko baten egoitza miatzea. "Hauteskunde-kanpaina edo egia den jakin ezinda gaude une honetan", esan du.
Guardia Zibilaren Unitate Zentral Operatiboa PSOEren Ferrazen da, Leire Diezi egindako ordainketen inguruko dokumentazio bila
Guardia Zibilaren Unitate Zentral Operatiboko (UCO) agenteak asteazken honetako lehen ordutik daude PSOEren egoitza nagusian, Madrilgo Ferraz kalean; dokumentazio-errekerimendua da egiten ari direna, ez erregistro bat. Leire Diez PSOEko militante ohiari alderdiaren kontrako prozedura judizialak zapuzteko lanengatik ustez egindako ordainketekin lotutako auziari lotuta dago jarduketa.
Kortajarenaren ustez, Zupiria "justifikaezina justifikatzen" saiatu da, eta neurriak eskatu dizkio
Legebiltzarreko EH Bilduko bozeramailearen hitzetan, neurriak hartu ezean, "inpunitateari autobide bat irekitzen" zaio.
Rufian: "Beti esan izan da legealdiek EAJk dioena irauten dutela"
EAJk Pedro Sanchez Espainiako Gobernuko presidenteari hauteskunde orokorrak ez aurreratzea "arduragabea" litzatekeela esan ostean, Gabriel Rufian ERCk Kongresuan duen bozeramaileak esan du beti esan izan dela EAJk erabakitzen duela legealdien iraupena. Kongresuko pasilloetan egindako adierazpenetan, buruzagi kataluniarrak azaldu du bere alderdiak hauteskundeak aurreratzea eskatuko lukeela PSOEren finantziazio irregularra frogatuko balitz.
Vaquerok uste du arduragabea dela Espainiako legealdia 2027ra arte eramatea
Maribel Vaquero EAJren Diputatuen Kongresuko bozeramailearen arabera, Espainiako legealdia ezin da 2027an bukatu, amaierara arte eramanda, aurreikusita dagoen moduan. Bere ustez, Espainiako Gobernua arduragabe jokatzen ari da, eta azken auzi judizialek amorrua areagotu dute Kongresuan.
Loiun gertatutakoaren kronologia, Zupiriaren arabera
Bingen Zupiria Eusko Jaurlaritzako Segurtasun sailburuak adierazi duenez, Ertzaintzak Loiuko aireportuan egindako esku-hartzea agenteen aurkako "aldez aurreko eraso" eta "probokazio" bati emandako erantzuna izan zen, baina dispositiboaren kudeaketa "beste modu batera" egin behar zela onartu du. Zupiriak ordena publikoko arazo bat izan zela defendatu du, eta barne ikerketa batek indarraren erabilera proportzionala izan ote zen zehaztuko duela baieztatu du.
Oposizioak salatu duenez, "neurriz kanpoko jokaera basati batek Ertzaintzaren irudia kaltetu du"
Bingen Zupiria Segurtasun sailburuaren agerraldiaren ostean, EH Bilduk esan du "polizia ereduaren arazo bat" dagoela. Sumarrek sailburuari leporatu dio bere azalpenak "poliziaren jarduera justifikatzera bideratuta" egon direla. Bestalde, PPk jazotakoa ikertzeko eskatu dio, indarkeriaren erabilera proportzionala izan ote zen jakiteko.
Epaileak ekainaren 17 eta 18ra atzeratu du Zapaterok Plus Ultra auzian ikertu gisa egin beharreko agerraldia
Plus Ultra auzia ikertzen ari den Jose Luis Calama epaileari ekainaren 2rako aurreikusita zegoen deklarazioa atzeratzea eskatu dio gaur goizean Espainiako Gobernuko presidente ohiaren abokatuak, kausa ongi aztertu ahal izateko, iturri juridikoek jakitera eman dutenez.