Espainiako Armadaren soldadu talde batek bere banderatxoa bedeinkatu du Erorien Haranean
Lurreko Armadaren soldadu talde batek ekitaldi erlijioso batean parte hartu zuen Erorien Haranean. Lurreko Armadak ikerketa abiatu du erantzukizunak garbitzeko. Lurreko Armadak kapitaina kargutik kendu du, eta espedientea zabaldu dio.
Uad-Ras II Batailoiko soldaduak dira, Asturias 31 (RI 31) Infanteria Errejimentuko kideak, Guadarrama XII Infanteria Brigadako taldea, Colmenar Viejoko (Madril) El Goloso base militarrekoak.
Bideo batean, soldaduak ikus daitezke konpainiako banderatxoa bedeinkatzen. Lurreko Armadaren iturriek azaldu dutenez, "ez zuten baimenik" egiteko, baina aldez aurretik programatutako martxa batean egin zuten.
Jon Iñarritu EH Bilduko diputatuak sare sozialetan aurreratu duenez, Margarita Robles Defentsa ministroari gaiaren inguruan galdetuko dio Diputatuen Kongresuan.
Esquerra Republicanak eta Mas Paisek ere ekimenak aurkeztu dituzte Kongresuan, Defentsa Ministerioari azalpenak eskatzeko. Era berean, Unidas Podemosek Roblesen agerraldia beharrezkoa dela uste du.
"Gertakari oso larria da, Konstituzioaren aginduak eta arau demokratikoak onartzen ez dituzten indar militarren autonomia inplikatzen duelako, baita euren araudi propioa urratzea ere, diktadura frankistako fede ekitaldi batean, gotorleku sinboliko eta erlijiosoan egina", azpimarratu du Iñigo Errejon Mas Pais-Equoko ordezkariak.
ERCk, ostera, J.L.P. kapitainaren inguruan galdetuko du. Duela bi urte Akademia Militarreko apaizak konpainia bereko banderatxoa bedeinkatu zuela ziurtatu du Esquerrak.
"Erorien Harana bezalako izaera faxistako tokietan ekitaldiak egiten dituzten kapitainak eta soldaduak zigortuko dituzue?", galdetu du Gerard Alvarez diputatuak.
Erorien Haraneko sarreran, eskaileratan, daude, eta apaiz batek konpainiaren banderatxoa bedeinkatu du. "Alemaniako Armada Hitlerren mausoleoan bedeinkatzen imajinatzen al duzue?", galdetu du Jaume Asens Unidas Podemoseko bozeramaileak Twitter sare sozialean.
"Onartezina, Estatu demokratiko batekin bateraezina", esan du Gloria Elizo (UP) Kongresuko presidenteordeak.
Zure interesekoa izan daiteke
Pradales: "Europak ez badu meneko izan nahi, bere erabakiak hartu behar ditu"
Imanol Pradales lehendakariak adierazi duenez, Europak "ez badu beste lider batzuen interesen mendeko izan nahi, bere erabakiak hartu behar ditu eta aktore globala izan behar du".
Gasteizko aurrekontuen onarpenean hauteskunde interesen arabera jokatzea egotzi diote elkarri EAJk eta EH Bilduk
Gasteizko aurrekontuen onarpena ika-mika iturri izaten ari da EAJren eta EH Bilduren artean. Batak besteari leporatzen diote hauteskunde interesak bultzatuta jokatu izana. Jone Berriozabal Arabako jeltzaleen buruaren arabera, EH Bilduk "argazki bat nahi zuen". Pello Otxandiano EH Bilduko ordezkariaren hitzetan, berriz, EAJk "hautu politikoa" egina du, koalizioarekin akordiorik ez ixteko.
Pradales lehendakariaren jardunaldi bizia Davosko Foroan
Gaur, Imanol Pradales lehendakariak, besteak beste, Bill Gates, Jens Stoltenberg, Paschal Donohoe eta Justin Trudeaurekin hitz egiteko aukera izan du. "Garrantzitsua zen Euskadi erakusleiho honetan egotea, harremanak egitea, epe luzera biltzeko orain ereitea", azpimarratu du lehendakariak.
"Pozik gaude erabakiarekin, eta orain errespetua eskatzen dugu"
Joxemari Mitxelenak, Euskadiko Pilota Federazioaren presidenteak, "federazio independente gisa" errespetatzea nahi dutela azpimarratu du, Espainiakoa, Frantziakoa, Argentinakoa edo Mexikokoa bezala. "Bakoitzak bere etxeko lanak ondo egin ditzala. Gu saiatuko gara gureak ondo egiten", gaineratu du Mitxelenak.
Nazioarteko Euskal Pilota Federazioaren arabera, Kirola Arbitratzeko Auzitegiaren erabakiak "11 hilabeteko kalumniak itxi ditu"
FIPVk ohar batean adierazi duenez, "Euskal Pilotaren mundu mailako garapen eta batasunaren alde lan egiten jarraituko dugu, erakundeekiko errespetutik eta gure erakundea arautzen duen araudi-esparrutik abiatuta".
Pradales lehendakariak Davoseko Forora egindako bisitaren gakoak
Imanol Pradales lehendakariak Euskadi herrialde egonkor eta erakargarri gisa aurkeztu du munduko ekonomia eta finantza-foro handienean. Lehendakaria Davosera joan da, lehen aldiz Munduko Ekonomia Foroan parte hartzeko. Bertan, munduko lehen mailako ordezkari ekonomiko eta politikoak izango dira.
Zupiria: "Prozesu judizialak atzeratu egiten dira, eta, bitartean, delituak egiten dituztenenek arau-hausteak egiten jarraitzen dute"
Bingen Zupiria Segurtasun sailburuaren iritziz, "Poliziak eta Justiziak azkar erantzungo balute, modu eraginkorragoan helduko liokete arazoari, eta horrek eragiten duen segurtasun-gabezia sentsazioari". "Horregatik da garrantzitsua Espainiako Gobernuak aintzat hartzea Eusko Jaurlaritzak eta eremu judizialak planteatzen dituzten eskaerak, kasu horiei aurre egin behar dieten epaileen kopurua handitzeko, eta lege-aldaketak egitea, beldur handiena sortzen duten delituei dagozkien zigorrak gogortzeko", nabarmendu du.
Pradales: “Etorkizuna irabazteko Davoseko foroan egon beharra daukagu”
Mundua blokeka banarazi nahi duten horien aurrean, "Europara eta Euskadira demokrazia eta askatasunak ekarri zituen gizarte eradua defendatzeko" asmoz hartuko du parte lehendakariak Suitzan egiten ari diren foro ekonomikoan.
KAAk atzera bota du Euskadiko Euskal Pilota Federazioaren ofizialtasunaren aurka Espainiak jarritako helegitea
Kirola Arbitratzeko Auzitegiak erabaki du ez duela eskumenik Euskadiko Federazioa Euskal Pilotaren Nazioarteko Federazioan sartzearen aurka Espainiako Pilota Federazioak aurkeztutako errekurtsoa ebazteko. Ebazpen horren kontra ezin da helegiterik jarri, eta, beraz, auzia bere horretan geratuko da; alegia, euskal pilota federazioak ofiziala izaten jarraituko du.
Accionaren presidentea ez da joan Nafarroako Parlamentuko Ikerketa Batzordera, eta berriro deitu dute
Otsailaren 9an aurkeztu beharko da. Hala ez balitz, delitu bat egin lezakeela gogorarazi du Batzordearen presidenteak.