Yael Braun-Pivet, Frantziako Asanblada zuzenduko duen lehen emakumea
Yael Braun-Pivet Emmanuel Macron presidentearen alderdiko diputatua Asanblada Nazionaleko presidente izendatu dute astearte honetan. Ganbera zuzenduko duen lehen emakumea izango da. Frantziako Estatuan laugarren kargu garrantzitsuena da.
Braun-Pivet abokatua duela 51 urte jaio zen Nancyn (Frantziako iparraldea) jatorri juduko familia batean. Hautagaiak bigarren itzulian erdietsi du garaipena Ensemble! zentroko aliantzaren botoei esker. Macronen LREM alderdia koalizioaren barruan dago.
Ganberako presidente berria Itsasoz Bestaldeko Lurraldeen ministroa izan da azken hilabetean. Hain zuzen ere, Ministerioa utzi zuen Asanbladako hautagaitza aurkezteko.
1958an V. Errepublika hasi zenetik egon den Parlamenturik zatituena zuzendu beharko du Braun-Pivetek; izan ere, ez dago gehiengo absoluturik.
Macronek eta bere aliatuek gehiengo erlatiboa dute, baina lege eta neurri garrantzitsuak beste indar politiko batzuekin adostu beharko dituzte, Estatuko aurrekontuak, esaterako.
Braun-Pivet Asanbladako Lege Batzordeko presidentea (2017-2022) izan zen. Richard Ferranden tokia hartuko du; izan ere, Macronen aliatu fidelak ez zuen ordezkaritza berritzea lortu ekainaren 12ko eta 19ko hauteskundeetan.
Abokatuak bost seme-alaba ditu, eta L'Orealeko exekutibo batekin ezkonduta dago. Militante sozialista ohiak Macronen alderdiarekin bat egin zuen 2016an.
Zure interesekoa izan daiteke
Donosti Cupen epaile lanetan ari zen ertzain batek eskoltatuta utzi du zelaia, jokalarien eta ikusleen jazarpenagatik
Epaileak partida bat behar baino lehen amaitu nahi zuen, jokalarien jokabidea bortitzegie zela iritzita, eta horrek jokalarien eta ikusleen haserrea piztu zuen. Donosti Cupeko antolatzaileek esan dutenez, "horrelako jokabideek ez dute lekurik gure txapelketan".
Pedraz epaileak Sanchezen kabineteburu eta Correoseko presidente ohia inputatu du Leire auzian
Epaileak argitu egin nahi du Serranok ikerketa judizialak oztopatzeko egindako ustezko ekintza batzuetan izandako parte-hartzea. Ildo horretatik, 2024ko apirilaren 26ko bilera bat eta Leire Diezekin izandako elkarrizketak daude, besteak beste, aztertutako jardueren artean.
Ermuko Udalak Miguel Angel Blancori egindako omenaldian ahanzturan ez erortzearen alde egin du
29 urte dira ETAk Miguel Angel Blanco bahitu eta hil zuela, euskal gizartean sekulako astindua eman zuen gertaera. Gaur bere jaioterrian, Ermuan, omenaldia eskaini diote, eta mezu bat zabaldu horrelako gertaerak ahanzturan ez geratzeko.
Jaurlaritzak uste du Feijoo Espainiako gobernuburu izatea "langileentzat arriskutsua" dela
Laneko absentismoari buruz Alberto Nuñez Feijook egindako adierazpen polemikoak hizpide izan ditu gaur Mikel Torres bigarren lehendakariorde eta Ekonomia, Lan eta Enplegu sailburuak. Horren iritzian, Feijook "ezjakintasun handia" erakutsi zuen, eta frogatuta geratu da Espainiako Gobernura iritsiz gero, "langileentzako arriskutsua" dela.
Correoseko presidente ohiak Leire Diezi kargu bat eman ziola uste du UCOk
UCOren arabera, Juan Manuel Serranok parte-hartze aktiboa izan zuen ikertutako gertakarietan, "bai SEPIren enpresa-eremuan etekinak lortzearekin lotuta, bai PSOEko kide jakin batzuen zein Espainiako Gobernuaren interesen defentsarekin lotuta".
Espainiako Gobernuak biktima gisa aitortu du Josu Zabala Erasun, duela 50 urte Guardia Zibilak tiroz hildako irundarra
"Arrazoi politiko eta ideologikoengatik jazarpena" jasan zuela, eta "aitortzarako eta erreparaziorako eskubidea" dio onartutako adierazpenak.
Fiskaltzak Begoña Gomezen absoluzioa eskatu du, deliturik egin ez zuela iritzita
Ministerio Fiskalak Gomezi pasaportea kentzearen aurkako helegitea aurkeztu du ere, eta Peinado epaileak hartutako beste erabaki batzuk "zentzurik gabekoak" direla adierazi du.
Jaurlaritzak "positibotzat" jo du Konstituzionalak euskarari buruz hartutako erabakia, eta Bilduk ohartarazi du "oldarraldia ez dela eten"
Ibone Bengoetxearen esanetan, EAEko Auzitegi Nagusiak oraindik erabaki behar du PPk eta Voxek Enplegu Publikoaren Legeari jarritako helegiteari buruz.
Sanchezek, Trumpen kritiken ostean: "AEBren eta Espainiaren arteko harremanak oso positiboak dira"
Espainiako Gobernuko presidenteak azaldu du Estatu Batuetako presidentearekin hitz egiteko aukera izan duela, azken horrek Espainia beste behin kritikatu eta gero. "Solasaldi informala" izan dela azaldu du, eta "adeitsu"jardun dutela.
"Ez litzateke lehen aldia presidente batek ihes egiten duena", erantzun dio Peinado epaileak Begoña Gomezi
Magistratuak ekainaren 30ean sinatutako auto batean defendatu du bere erabakia, bere ordezkoak gai horren inguruan beste erabaki bat hartu baino lehen. Azken horrek baimena eman dio Gomezi Londresera bidaiatzeko, baina ez Ankarara.