"Salbuespeneko espetxe politikarekin amaitzeko" eskatu du Etxeratek 15 hondartzatan egindako mobilizazioetan
Urtero abuztuko lehen igandean egin ohi duenez, Etxerat euskal presoen senide eta lagunen elkarteak mobilizazioak egin ditu eguerdian Euskal Herriko 15 hondartzatan, "salbuespeneko espetxe politika bertan behera uztea" eskatzeko.
Duela bi urte hurbiltzeak "tantaka-tantaka ez egitea" eskatu zuten bezala, orain, ETAko 180 presoetatik 122 Euskal Herrian dauden honetan, "salbuespenezko espetxe politikekin amaitze eta legedia betetzea" eskatu dute.
Hori bai, oraindik ere Euskal Herritik kanpo dauden 58 presoen hurbilketa ere aldarrikatu dute: 41 preso daude Espainian eta 17 Frantzian.
Xochitl Karasatorre bozeramaileak azaldu du salbuespenezko politika horren ondorio dela "gaixotasun larriak dituzten 17 preso aske ez uztea edota 70 urtetik gorako 7 preso espetxean mantentzea".
Salatu duenez, "6 presok bakarrik dituzte irteera baimenak 151k izan behar lituzketenean eta 27 preso bakarrik daude hirugarren graduan, 122 egon behar liratekeenean".
"24 erbesteratu eta 8 deportatuen itzulera" ere eskatu du.
Presoentzat zein euren senideentzat egoera "nabarmen hobetu" dela aitortu arren, Karasatorrek tamalgarritzat jo du ETAk jarduera armatua 'behin betiko' amaitu zuenetik 11 urtera, Espainiako eta Frantziako gobernuek "espetxe politika salbuespenekoari eta anakronikoari eustea".
"Mendeku gisa" mantentzen dutela gaineratu du eta muzin egiten diotela "euskal gizarteak aurrera egiteko hartutako erabakiari". Izan ere, Etxeratek uste du "inmobilismoari" heldu diotela, "epaile, politikari, komunikabide eta biktimen elkarteetako sektore batzuen mendeku nahia" asetzeko.
"Ezin da euskal gizartea kondenatu konponbidea eta bizikidetzaren eraikuntza behin betiko atzeratzera", amaitu du.
Zure interesekoa izan daiteke
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.