Navarra Suma koalizioa bere kabuz amaitutzat ematea egotzi dio Esparzak PPri
Haserre mintzatu da Javier Esparza UPNren presidentea, PPri "Navarra Suma koalizioa —UPNk, PPk eta Ciudadanosek osatzen dute—aldebakarrez amaitutzat ematea eta bere siglak lehenestea" egotzi dio.
Miguel Tellado PPren Antolaketa idazkariordeak ABC egunkariari egindako adierazpenen harira egin ditu hitz egin du Esparzak. Alderdi Popularreko buruzagiaren arabera, datozen hauteskunde autonomikoetarako "planteatzen duen aukera bakarra" bere markarekin aurkeztea da. Dena dela, Telladok ez zuen Navarra Suma (NA+) koalizioa erabat baztertu.
Esparzak Europa Press albistea agentziari adierazi dioenez, "begi bistakoa da PPk amaitutzat eman duela Navarra Suma, eta aldebakarrez eta komunikabideen bitartez, Espainia osoan zentro-eskuina batzeko gai izan den proiektu bakarra apurtu duela".
Telladoren beste adierazpen batzuk ere estu hartu ditu Esparzak. PPren buruzagiak nabarmendu zuenez, "zentro-eskuina PPren siglen inguruan batzen da". Esparzak, ordea, bestela uste du: "Zentro-eskuina UPNren inguruan antolatzen da Nafarroan, eta ez PPren inguruan, UPN baita Nafarroako alderdi nagusia eta PPk askoz pisu gutxiago duelako. Nafarroako politikan Hezkuntzako 1. mailakoa da hori. Espainian zentro-eskuina UPNren inguruan biltzen dela esatea bezala da; edozeinek esango luke beste planeta batean bizi naizela. Bada gauza bera da. Nafarroan zentro-eskuina zuzentzen duena, duela urte asko, gainera, UPN da".
Esparzaren hitzetan, "UPN oso eskuzabala izan zen PPrekin 2019an. Gure siglari muzin egin genion, eta PP gurekin hartu genuen, krisi betean zegoenean, Nafarroarentzat onena zelakoan".
Datorren urteko foru hauteskundeei begira alderdi erregionalistak NA+ koalizioren inguruan duen jarreraz galdetuta, Esparzak erantzun du uda ostean erabakiko dutela zer egin.
Albiste gehiago politika
Vox: "Langabezia-prestazioen kudeaketaren eskualdatzea txiringito berri bat sortzeko aitzakiarik onena izango da"
Amaia Martinez Voxeko legebiltzarkideak abiatu du Politika Orokorreko Osoko Bilkuraren arratsaldeko saioa. Migrazioaren gaia hizpide izan du behin eta berriz, eta Pradalesen Gobernuaren lehen urteari buruz "oso emaitza kezkagarriak" eman dituela esan du.
Sortuk bi pankarta eskegi ditu Cuelgamurosen, autodeterminazio eskubidea aldarrikatzeko
“Gora Euskal Herria askatuta” irakur daiteke pankarta batean, eta bi guardia zibilik ikus daitezke bestean, pertsona bat fusilatzen.
Vianako Printzea erakundeak bide eman dio Iruñeko Erorien Monumentuaren erreformari
Monumentuari buruzko xedapen espezifiko bat sartzeko memoria historikoaren araudia aldatu zuen Foru Legean oinarritzen da erabakia. Lege horrek monumentuari esanahi berri bat ematea derrigortzen du, haren erabilerak hezkuntza eta memoria demokratikorako helburuetara mugatzen ditu, eta frankismoa goraipatzeko elementuak kentzea ezartzen du.
Lehen Mailako Arretarako psikologo gehiago eta nerabeei zuzendutako ongizate-programa pilotu bat iragarri du Pradalesek
Emozioekin eta osasun arloarekin lotutako zenbait neurri zehaztu ditu lehendakariak Politika Orokorreko Osoko Bilkuran, "ongizatea euskal kontratu sozial berriaren parte izan behar delako".
Estatutu berria adosteko dei egin die lehendakariak alderdiei, Euskadirentzat "garai zailak" datozela eta
"Orain alderdien garaia da; hitz egin, negoziatu eta adosteko garaia", azpimarratu du lehendakariak. Ildo horretan, iragarri du ekainean berriro alderdiekin bilera erronda egingo duela egindako ibilbidea aztertu, ebaluatu eta ondorengo urratsak aztertzeko. Autogobernuari lotuta, urtea amaitu arteko epea eman dio Pedro Sanchez Espainiako gobernuburuari Gernikako Estatutua osorik betetzeko.
"Gure garapena oztopatu dezakeen garai txarra" etor daitekeela ohartarazi du Pradalesek
Politika Orokorreko Osoko Bilkuran lehendakariak iragarri duenez, "erasoaldi autoritario baten aurrean gaude, eta gure autogobernua eta nortasuna zalantzan jartzen ari dira".
Pradales: "Euskal zerbitzu publikoak indartzeko dugun konpromisoa negoziaezina da"
Politika Orokorreko Osoko Bilkuran lehendakariak adierazi duenez, "gure erantzukizuna da euskal ongizate-ereduaren iraunkortasuna bermatzea eta eredu hori eraldatzen asmatzea". Bestalde, "negoziazioaren eta akordioaren" alde egin du, "lubakiak eta marra gorriak" alde batera utzita.
Espainiako Fiskaltzak Israelek Gazan egindako "krimenak" ikertuko ditu
Alvaro Garcia Ortiz Espainiako fiskal nagusiak Zigor Kodearen "urraketa larriak" aipatzen ditu, genozidioa eta gizateriaren aurkako delituak tartean.
Pradales: "Europak autonomia politikoa irabazi eta lidergo etikoa ezarri behar du"
"Europako eredua definitzen duten balioak defendatzearen" alde egin du lehendakariak Politika Orokorreko Osoko Bilkuran. "Orain da momentua. Amaitu da guztiak pozten saiatzeko denbora ", gaineratu du.
Gazako "genozidioa" salatzeko minutu bateko isilunearekin abiatu dute Politika Orokorreko Osoko Bilkura
Ikasturte politiko berriaren Politika Orokorreko lehen Osoko Bilkura egiten ari dira gaur Eusko Legebiltzarrean. Eguna Imanol Pradales lehendakariak abiatu du, "Gazako genozidioa" gaitzestuz. "Nazkatuta gaude [....]. Indarkeria horrek atsekabea, amorrua eta ezintasuna eragiten ditu ", salatu du.