Felipe VI.a eta Juan Carlos I.a bi urtetan lehen aldiz jendaurrean elkarrekin; irudiak hautsak harrotu ditu
Felipe VI.a Espainiako erregearen eta Juan Carlos I.a aitaren elkartzearen irudiak hautsak harrotu ditu. Izan ere, azken bi urteetan lehen aldiz elkarrekin azaldu dira jendaurrean, astelehen honetan Londresen egindako Elizabeth II.aren hiletan, emeritua Abu Dhabira bizitzera joan zenetik.
Juan Carlos eta Sofia Felipe VI.aren eta Letiziaren alboan eseri dira, Westminster abadiako banku batean. Haiek dira Espainiaren ordezkari ofizialak subirano britainiarraren hileta elizkizunetan.
Juan Carlos VI.aren eta semearen arteko azken topaketa maiatzean izan zen Espainian, estatuburu ohia estropadetan parte hartzera Vigora bertaratu zenean, baina ez zen argazki publikorik izan orduan.
Aita eta semearen irudia une kritiko batean atera da, izan ere, lehenengo hori auzitara eramango du Corinna Zu Sayn-Wittgengstein maitale ohiak, Erresuma Batuan. Zalantza sortu du, emeritua ez ote hemendik aurrera presenteago egongo Espainiako bizitza publikoan.
Hala ere, Espainiako Gobernuak azpimarratu du maila diplomatikoan Felipe VI.ak bakarrik ordezkatzen duela Estatua. espainiak Erresuma Batuan duen enbaxadaren aurrean prentsari eskainitako adierazpenetan, Jose Manuel Albares Kanpo ministroak baietsi du "argi" dagoela "estatuburua Felipe VI.a dela".
Aitzitik, Podemosen arabera, errege emerituaren figura "lotsagarria da herrialde honentzat, eta Espainiaren zein espainiar monarkiaren irudia zikintzen ditu". Alderditik nabarmendu dutenez, Juan Carlos VI.ak epailearen aurrean agertu beharko du, "nahasita dagoen ustelkeria kasuen berri emateko".
Pablo Fernandez Podemoseko bozeramaileak azpimarratu du Felipe VI.aren aitak izan dituenen gisako jokabideek eragiten dutela monarkiak egunero babes gutxiago izatea eta "entzutea galtzea".
Juan Carlos Borboikoaren bisita bat etorri da iaz Corinna Zu Sayn-Wittgengstein britainiar Justiziaren aurrean jarritako demandarekin. Izan ere, Londresen bizi da azken hori.
Datozen asteetan, entzunaldi berri bati aurre egin behar izango dio emerituak, uztailean Londresko Apelazio Auzitegiak baimena eman ostean helegite partziala jartzeko martxoan Auzitegi Gorenak igorritako epaiari. Horren arabera, ezin zuen immunitate errealaren pean babestu.
58 urteko Corinnak "jazarpena" egotzi dio, bai pertsonalki baita bere zerbitzura dauden "agenteen" bitartez ere. Ustez, Felix Sanz Roldan Adimen Zentro Nazionaleko (CNI) zuzendari ohiak koordinatu izan zituen batzuetan, 2012 eta 2020 artean, baina Juan Carlos I.ak ukatu egin du hori.
Zure interesekoa izan daiteke
Iriartek kudeaketa berria aldarrikatu du, eskumen gehiago eta aurrekontu handiagoarekin
Elkarlanean aritzeko gogoz agertu da Alain Iriart, Euskal Hirigune Elkargoko presidente berria: oreka bilatu nahi du kostaldeko eta barnealdeko guneen artean. Iriartek kudeaketa berria aldarrikatu nahi du, eskumen gehiago eta aurrekontu handiagoarekin. Horrez gain, euskara sustatu nahi du, bat-bateko itzulpena bermatuz Euskal Hirigune Elkargoaren bileretan.
II. Errepublikaren 95. urteurrenaren kariaz, ekitaldia egin dute Ezker Anitza-IUk eta PCE-EPKk Eibarren
Ekitaldian, "indarrak batzeko beharra" aldarrikatu dute, "erabateko demokrazia" eta "bakearen aldeko jarrera" bermatuko duen Errepublika lortzeko bidean. Era berean, ohartarazi dute faxismoaren oinordekoen asmoak ez direla aldatu, garai bateko asmo berberak dituztelako.
Saibigaingo guduan desagertutako gudari eta milizianoak omendu dituzte
Saibigain mendian, Gerra Zibilean desagertu ziren euskal gudari eta milizianoak omendu dituzte. Lore eskaintza egin diete mendi puntan dagoen monolitoan. Bertan bildutakoek gertakari horiek inoiz ez ahazteko eskatu dute.
Ansolak uste du EAJk zeregin nabarmena beteko duela Euskal Hirigune Elkargoan
Iñigo Ansola BBBko presidenteak nabarmendu du Peio Etxeleku jeltzaleen ordezkariak aldaketaren alde egin duela Euskal Hirigune Elkargoan, Hegoaldearekiko harremana sendotzeko asmoarekin. Ildo horretatik, jeltzaleen babesa Ipar Euskal Herriko logikan ulertu behar dela berretsi du.
Espetxe eskumenak eskuratu zituenetik Eusko Jaurlaritzak "indarrean dagoen legedia bete" duela esan du Zupiriak
Bingen Zupiria Segurtasun sailburuak azpimarratu duenez, Eusko Jaurlaritzak "legea bete du" espetxe eskumenak bere gain hartu zituenetik, eta, nolanahi ere, Justizia da "azken hitza izango duena". Horrez gain, azken egunotan agertutako pintaketak gaitzetsi ditu.
EAJk salatu du pintaketak agertu direla Mendaroko batzokian
Pintura beltza baliatuz, besteak beste, "EAJ español. Faxistak kanpora!" idatzi dute pintaketa horietan, baita igitaiaren eta mailuaren irudia egin ere.
Omenaldia egin diete Gerra Zibilean hildako Iruñeko zinegotzi eta udal langileei
Gerra Zibilean fusilatu zituzten Iruñeko udal beharginei omenaldia egin diete gaur haien senitartekoek Nafarroako hiriburuan, eta gertatu zenari buruz kontatutakoa "gezurra" dela esan dute ekitaldian. "Ez da egia gerran denok galdu genuela, irabazleak egon baitziren. Horregatik, egia, justizia eta ordaina aldarrikatzen jarraituko dugu", azpimarratu dute.
Alain Iriart hautatu dute Euskal Hirigune Elkargoko lehendakari
Hiriburuko (Lapurdi) ezker abertzaleko auzapeza bederatzi urtez lehendakari izan den Jean-Rene Etchegarayri gailendu zaio. Bigarren bozketan lortu du Iriartek Lehendakaritza, aurrenekoan ezein hautagaik ez baitu gehiengo osorik lortu. Iriartek alkate izateari utziko diola iragarri du, Elkargoan buru-belarri aritzeko.
Jean-Rene Etchegaray eta Alain Iriart, Euskal Hirigune Elkargoko lehendakari izateko borrokan
Bi hautagaiek bildu dituzte boto gehien lehen bozketan: Etchegarayk 99 eta Iriartek 80. Etxeleku jeltzalea eta Lesellier eskuin muturreko hautagaia ez dira bigarren bozketara aurkeztu, eta lehenengoak iragarri du Iriarten alde egingo duela.
Frantziako Fiskaltzak bete beharrekoa ez den bost urteko zigorra eskatu du Josu Urrutikoetxearentzat
Frantziako estatutik behin betiko kanporatzeko ere eskatu du fiskalak; defentsak, berriz, ez kanporatzeko deia egin du. Auzia epaiaren zain geratu da. Uztailaren 2an emango dute jakitera.