Jaurlaritzak EAEtik kanpo dauden trenbide batzuen eskumena ere bere egitea proposatu du, Garamendiren ahotan
Olatz Garamendi Eusko Jaurlaritzako Gobernantza Publiko eta Autogobernu sailburuak iragarri duenez, trenbideen transferentzian "harago" jotzea proposatu dio Euskadik Espainiako Gobernuari, eta Euskal Autonomia Erkidegoko (EAE) mugetatik kanpo igarotzen diren trenbide zati batzuk kudeatzea ere eskatu dio. Horien artean leudeke, zehaztu duenez, Bilbo-Karrantza artekoa, Villaverde Turtziozetik (Kantabria) igarotzen dena; Bilbo-Balmaseda, Bizkaiko hiriburutik La Roblara (Leon) doana, eta Irun-Gasteiz tartea, Sakanatik (Nafarroa) pasatzen dena. Dena dela, azpimarratu du negoziatzen jarraitzen dutela; "oraindik asko dago lantzeko", ohartarazi du.
Radio Euskadiren "Boulevard" saioari eskainitako elkarrizketa batean, Garamendik kritikatu du ez dela aurrerapausorik egon transferentzien alorrean eta "zabalik dagoen negoziazio bakarra" trenbideen kudeaketa dela. Argitu duenez, bera "pertsonalki" ari da auzia lantzen. Sailburuak ez du negoziazioaren inguruko xehetasunik eman, "aldeei zor diedan errespetuagatik" —argudiatu du—, baina argitu du euren proposamenean EAEko mugaz harago doazen tren lineen ardura hartzea dagoela, baita Bilboko Metroaren 4. lineari dagozkion azpiegituren inguruko zenbait kontu ere. Ez du zehaztu, ordea, Renfeko linean Euskotrenen menpe geratuko ote diren, eta itxaropena agertu du urte amaierarako eskumena lortzeari dagokionez. "Gustatuko litzaidake, baina ez dago nire esku, eta eskarmentuak diost ezin naizela baikorra izan", deitoratu du.
Era berean, salatu du Lurralde Politikako Ministerioak joan den astean bidalitako azken idatzi teknikoan "transferentzien bideragarritasun juridikoa" aipatzen zela, eta, beraz, Espainiako Gobernuak oraindik ere horren inguruko zalantzak dituela. Garamendiren aburuz, "bada garaia Ministerioak argitzeko zeintzuk diren arazo juridiko horiek, guk geure burua defendatu ahal izateko".
Eneko Andueza PSE-EEren buruak "lasaitasuna" eskatu duela eta, honakoa ihardetsi du sailburuak: "Anduezak 11 eskuduntza aipatu ditu, nik 43 urte igaro direla erantzuten diot".
Funtzionarioentzat Espainiako Gobernuak egin asmo duen soldata igoeraz galdetuta —informazio batzuen arabera, % 3,5eko igoera proposatuko du—, Garamendik argitu du ez duela horren inguruko informaziorik jaso. Dena dela, sindikatu batzuek iragarritako plantoari buruz esan du ez dela garaia "ziurgabetasun gehiago sortzeko, laguntzeko baizik".
Azkenik, adierazi du Eusko Jaurlaritzako zerbitzu juridikoak aztertzen ari direla EAEko Auzitegi Nagusiak emandako azken epaia (Gabonetan covid ziurtagiria eskatzen jarraitzeari oniritzia eman zion erabakia bertan behera uztea), Gorenean kasazio errekurtsoa aurkeztu ala ez erabakitzeko.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.