EAE, azken hamarkadan eskumen gehien bereganatu dituen erkidegoa
Azken urteetan Euskadi da eskumen gehien bereganatu dituen erkidegoa, Radio Euskadik Espainiako Estatuko 17 autonomia estatutuen betetze mailaren inguruan egin duen azterketaren arabera. 2018tik, 10 transferentzia egin ditu bere Euskal Autonomia Erkidegoak (EAE) eta, azken hamarkadan ere, Espainiako Gobernuak egin dituen eskualdatzeetatik (44) erdia (22) Euskadiri egin dizkio. Hala, guztira, 32 transferentziaren jabe egin da EAE 2011tik.
Autonomia Estatutuak 1979 eta 1983 artean onartu zituzten. Ordutik, betetze maila eta eskumenak transferitzeko abiadura gorabeheratsua izan da, are gehiago, erkidego ezberdinen artean.
Azken lau urteotako datuei erreparatuta, EAEk (10), Valentziak (2) eta Nafarroak eta Kataluniak (biak ala biak, bana) bakarrik izan dituzte eskualdatzeak. Azken hamarkadari dagokionez, erkidego gehiago ageri dira zerrendan, hala nola, Gaztela eta Leon (4), Andaluzia, Kanariak eta Balearrak (3), Aragoi (2) eta Madril eta Gaztela-Mantxa (1). Tarte horretan, EAEk 12 eskuratu ditu; Kataluniak, 2, eta Valentziak, beste bat.
Bildutako datuen arabera, transferitzeko eskumen gehien dituen erkidegoa Katalunia da. 56 eskualdatze ditu egiteke. Ondoren dator Galizia, 27 ditu faltan. Gainera, azken erkidego horrek ez du eskumenik jaso 2008tik, Xuntan izandako gobernu aldaketa gorabehera (PSOE eta PP izan dira boterean).
Nafarroak transferentzia bakarra jaso du azken 20 urteotan: 2021ean eskuratu zuen espetxeetako osasunaren eskumena. Hori horrela, Foru Amejoramenduak aitortzen dizkionetatik zazpi ditu oraindik eskualdatu gabe, eta tartean dago, esaterako, trafikoaren eskumena.
Zure interesekoa izan daiteke
Frantziako Fiskaltzak bete beharrik gabeko bost urteko zigorra eskatu du Josu Urrutikoetxearentzat
Frantziako estatutik behin betiko kanporatzea ere eskatu du fiskalak. Defentsak, berriz, ez kanporatzeko deia egin du. Auzia epaiaren zain geratu da. Uztailaren 2an emango dute jakitera.
Sanchezek eskatu du EB-Israel akordioa bertan behera uzteko, eta Netanyahuk Espainia kanporatu du Gazarako koordinazio zentrotik
Espainiako Gobernuko presidenteak ohartarazi du Israel nazioarteko zuzenbidea "nabarmen" urratzen ari dela Palestinan eta Libanon. Israelgo lehen ministroak, bestalde, Israelgo Armadako soldaduak difamatzea leporatu dio Espainiari.
Fiskaltzak ETAko buruzagi ohi Marisol Iparragirreri emandako erdi-askatasuneko erregimenaren aurka egin du
Fiskaltzak Espetxe Araudiaren 100.2 artikuluaren aplikazioa berrikusteko eskatu du; txostenak, baina, ez du Eusko Jaurlaritzaren erabakia eten.
Chivitek asteazkenean sinatuko du Hithiumen inbertsioa Nafarroan gauzatzeko akordioa, Pekinen
Horren helburua 400 milioi euroko inbertsioa eta 1.000 lanposturaino beharko dituen bateria enpresa ezartzeko urratsak aurreratzea da.
Fiskaltzak helegitea jarri du Konstituzionalean, Garcia Ortiz fiskal nagusi ohiaren aurkako epaiaren kontra
Ministerio Publikoaren arabera, Garcia Ortizen errugabetasun printzipioa urratu da prozesuan zehar eta ez dago froga nahikorik Alberto Gonzalez Amadorren abokatuak bidalitako mezu elektronikoa Fiskaltzak bidali zuela esateko.
Aitor Estebanek euskal selekzioen ofizialtasuna aldarrikatu du, “nazioarte mailan ikusgarritasuna izateko”
EAJren EBBko presidentea Mendozan izan da, Munduko Pilota Txapelketa antolatu duen hirian. Pilotako euskal selekzioaren ofizialtasuna lortu izanak duen “garrantzia” nabarmendu du bertan.
Euskal Hirigune Elkargoak larunbatean hautatuko du lehendakaria, eta gutxienez lau hautagai izango dira
09:00etan bilera hasi arteko epea duten arren, lau dira, momentuz, Elkargoa gidatzeko nahia adierazi dutenak: Jean Rene Etchegaray, Baionako auzapeza eta Elkargoko lehendakaria orain arteko bi agintaldietan; Alain Iriart, Hiriburuko ezker abertzaleko auzapeza; Peio Etxeleku, Kanboko auzapez jeltzalea, eta Pascal Lesellier, Baionako eskuin muturreko hautetsia.
Rufianek eta Monterok ezkerra batzea eskatu dute, Voxi aurre egiteko: "Bestela, banan-banan hilko gaituzte"
Gabriel Rufian ERCk Kongresuan duen bozeramaileak eta Irene Montero Podemoseko bigarrenak PSOEren ezkerretara dauden alderdien batasuna aldarrikatu dute, eta biek defendatu dute ezkerreko balizko fronte horien gidaritza euren alderdiek hartzea Estatuan eta Katalunian. "Betela, banan-banan hilko gaituzte", esan dute, Bartzelonan egin duten ekitaldia.
Carmen Panok Aldamaren aginduz Ferrazen 90.000 euro entregatu zituela berretsi du Gorenean
Enpresariak esan du 45.000 euroko bi ordainketa eraman zituela PSOEren egoitzara, eta Abalosek hidrokarburoen lizentzian egindako kudeaketengatik “etxe bat" nahi zuela adierazi du.
Otxandianok "haren kapital politikoa jartzeko" eskatu dio Pradalesi, "estatus politiko berriaren eztabaida erdigunean kokatzeko"
EH Bilduren Legebiltzarreko bozeramaileak gehiengo kualifikatuak eta giro politiko "nahiko aldekoa" direla aprobetxatzearen alde egin du, "herri akordioak, akordio nazionalak eta estatu ikuspegia duten itunak lortzeko" EAEn, bere ustez, eta egungo testuinguru historikoan, hori baita "herri honen interesak babesteko alternatiba zentzuzko bakarra".