EH Bilduk erabakitzeko eskubidea lortzeko "aukera guztiak aprobetxatzearen" alde egin du
EH Bilduk hainbat batzar deitu ditu larunbat honetarako Hego Euskal Herriko lau lurraldeetan, ikasturte berriari begira dituzten erronkak oinarri politikoekin partekatzeko. Alderdi abertzaleak EAJri erantzun dio erabakitzeko eskubidearen alde duen borondate politikoa "argia" dela, eta adierazi du "ditugun aukera guztiak aprobetxatzeko eta aukera berriak sortzeko" asmoa duela.
Koalizio subiranistak azaroaren 12an Bilbon egitekoa den manifestazio deialdiari erreferentzia eginez adierazi duenez, "euskal olatuak traba guztiak gaindituko dituela badakigu, herri honen indarra eta ilusioa geldiezinak direlako".
Gipuzkoa
Nekane Zinkunegi EH Bilduko Gipuzkoako arduradun politikoak hitz egin du koalizioak Orion egin duen batzarrean. Bertan, alderdiko hainbat kargudunek hartu dute parte, hala nola Juan Karlos Izagirre eta Maddalen Iriarte hautagaiek.
Bere hitzaldian, "aste honetako argazkia paradoxikoa" izan dela adierazi du, eta Bizkaiko eta Gipuzkoako Batzar Nagusietan egin diren Politika Orokorreko bilkurak aipatu ditu. "Hurrengo eguneko prentsa titularretan, bi lurraldeen arteko aldea nabaria zen: Unai Rementeriak azpiegiturez hitz egiten zuen, Markel Olanok erabakitzeko eskubideaz", nabarmendu du.
Buruzagi abertzaleak zalantzan jarri du "kurtso politikoaren hasiera edo hauteskunde fasearen aurretiko hasiera" izan daitekeela, baina, edonola ere, "zalantzak argitzeko", EAJri zuzenean galdetu diote "erabakitzeko eskubidearen aldeko jarrera horrek non duen muga". "Sozialistek, zuen gobernukideek, ezar dezaketen betoan?", galdetu du.
Adierazi duenez, EAJren erantzuna da "erabakitzeko eskubidea gauzatzeko hiru elementu behar direla: borondatea, proposamena eta aukera". Horren aurrean, EH Bilduren borondate politikoa "argia" dela azpimarratu du Zinkunegik.
EH BIlduren ordezkaritza, Orion. Argazkia: EH Bildu
Nafarroa
Bestalde, Laura Aznal hautagaiak "Nafarroa bidezkoago eta demokratikoago" baten aldeko apustua egin du Antsoaingo Antzokian, "pertsona guztien eskubideak bermatzeko.
"Bizi ditugun krisien antzera, aurrean ditugun erronkak ere askotarikoak eta garrantzitsuak dira, eta azken gertakariek are gehiago agerian utzi dute. Erronka handiak ditugu arlo ekonomikoan, sozialean, klimatikoan eta energetikoan", nabarmendu du. Ildo horretan, Aznalek berretsi du EH Bilduk "Nafarroako herritar guztien eskubideak bermatzeko eta beharrak asetzeko lanean jarraitzeko" asmoa duela.
Araba
Arabako EH Bilduk "aberastasunaren banaketa", sektore energetikoetan esku hartzea eta "etxebizitza, osasun, hezkuntza eta zaintza politiketan premiazko irtenbideak" lehenetsiko dituzten neurri fiskalak eskatu ditu.
Aguraingo Harresi Aretoak 70 buruzagi bildu ditu eta, besteak beste, ikasturte honetarako plan politikoari heldu diote. Koalizioaren kezka nagusia "krisi ekonomikoak sortu duen egoera larriari erantzutea" dela adierazi dute taldetik, eta lehentasuna "zerbitzu publikoak eta oinarrizko eskubideak defendatzea" izango dela gaineratu. "Bizitza duinak bermatzeko beharrezko neurriak bultzatuko ditugu", ziurtatu du Ibon San Saturnino EH Bilduren lurralde horretako arduradun politikoak.
Agurainen egindako batzarra. Argazkia: EITB Media
Bizkaia
Bukatzeko, EH Bilduk Bizkaian duen ordezkaritza Zornotzako Zelaieta Zentroan bildu da, eta bertan Maria del Riok hartu du hitza. Gogorarazi du hurrengo hitzordua azaroaren 12an izango dela Bilbon, "euskal olatua osatzeko".
Zure interesekoa izan daiteke
Espainiako Gobernuak EBri eskatuko dio apur dezala Israelekin duen elkartze akordioa
"Nazioarteko zuzenbidea urratzen duen gobernu bat —eta ondorioz, Europar Batasunaren printzipioak eta balioak urratzen dituena— ezin da Europar Batasuneko bazkide izan; horren sinplea eta horren erraza da", azpimarratu du Sanchezek Andaluziako hauteskunde kanpainaurreko ekitaldi batean.
Eskuinaren garaia amaitzen ari dela eta Bartzelonan aro berria hasi dela aldarrikatu du Sanchezek
Espainiako presidenteak eta Lula da Silva Brasilgo presidenteak New Yorkeko alkatearen eta Tim Walz gobernadorearen babesarekin itxi dute 'Global Progressive Mobilisation' topaketa.
Trebiñu Arabaren parte izan dadila aldarrikatu dute Argantzunen, Trebiñu Egunaren ospakizunean
EAJren presidente Aitor Estebanek ziurtatu du bere esku dagoen guztia egiten jarraituko duela Trebiñuko herritarrei "ahotsa emateko", eta Araban sartzeko duten "nahia" bete dadin.
Korrikak dirulaguntzak jasotzeko baldintzak betetzen ote dituen aztertuko du Gasteizko Udalak
Euskararen aldeko lasterketan ETAko presoen argazkiak erakutsi zirela eta, finantzazio publikoa etetea eskatu du gaur, mozio bidez, Alderdi Popularrak. Mozioa atzera bota du Udalbatzak, baina Maria Nanclares zinegotzi sozialistak iragarri du kasua aztertuko dutela, udal ordenantzaren araberakoa ote den jakiteko.
Sanchezek eta Lulak, "gerrari ezetz" esanez, olatu erreakzionarioari aurre egitea eskatu dute
Pedro Sanchez Espainiako presidenteak eta Luiz Inacio Lula da Silva Brasilgo presidenteak argi utzi dute bat datozela egungo une geopolitikoaren aurrean, "gerrari ezetz" esanez. Sanchezek adierazi du bi herrialdeen arteko harremana aldebikoa baino askoz haratago doala, eta azpimarratu du munduaren ikuspegi bera dutela.
Pradalesek ukatu egin du Euskadik "etengabeko tentsio-giroa" bizi duela, eta "moderazioa" eskatu dio PPri
Imanol Pradales lehendakariak ukatu egin du Euskadik "etengabeko tentsio-giroa" bizi duela, Javier de Andres Euskadiko PPko presidenteak horrela ziurtatu ondoren. Lehendakariak "introspekzioa, moderazioa eta neurria" izatea gomendatu dizkio Javier de Andresi. PPk "erradikaltasuna, mehatxuak eta larderia bultzatzea" egotzi dio EAJri.
Pradalesek "herri akordioak" ez babestea leporatu dio EH Bilduri, eta "bustitzeko" eskatu dio
Imanol Pradales lehendakariak EH Bilduri aurpegiratu dio legegintzaldiaren bi urte hauetan "herri mailako" akordio handi bakar bat ere babestu ez izana, eta "bustitzeko" eskatu dio. Otxandianok, bestalde, ohartarazi du Eusko Jaurlaritzan bazkide diren bi alderdien arteko "desadostasunak", euskara bezalako gaietan, "oztopo" direla aurrera egiteko.
Etxebizitza finkatu da euskal gizartearen arazo nagusi gisa: burbuilaren garaiko mailara iritsi da kezka
Eusko Jaurlaritzaren azken Soziometroak agerian utzi du gora egin duela prekaritatearekiko eta arazo ekonomikoekiko kezka. Delinkuentziaren inguruko kezka, berriz, apaldu egin da.
Armengolek Koldoren bitartez hitz egiten zuen Abalosekin, eta haur-maskarei buruz galdetu zion: "Konponduko dizut"
Ikertzaileen arabera, Koldo bitartekari gisa ari zen Abalosekiko hurbiltasunari esker, Balearretako Gobernuaren eta ikertutako gaizkile-sarearekin lotutako interesen arteko komunikazioa erraztuz. Besteak beste, PCR testekin, haur-maskarekin edo pandemian egindako inbertsioekin lotuta zeuden kudeaketa horiek.
PPk eta Voxek akordioa lortu dute Guardiola Extremadurako presidente izendatzeko
Asmoa da inbestidura saioa datorren asteartean, hilaren 21ean, eta asteazkenean, hilaren 22an, egitea, eta Maria Guardiola Extremadurako presidente izendatzea berriro apirilaren 24an. Akordioak 61 puntu eta 74 neurri ditu, eta bi aldeek jarrerak hurbildu dituzte, "egon daitezkeen ezberdintasun ideologikoetatik harago".