Tourra 2023an Bilbotik abiatuta "aspaldiko ametsa egia bihurtuko" dela esan du Urkulluk
Datorren urtean Euskal Herriko bideetan barrena ibiliko den Frantziako Tourraren bidez, Eusko Jaurlaritzak munduari azaldu nahi dio "Euskadi zer den eta zer izan nahi duen". Mezu hori utzi du Iñigo Urkullu lehendakariak Bilbotik abiatuko den txirrindulari probaren datorren urteko edizioaren aurkezpen ekitaldian.
Aspaldiko ametsa "egia bihurtu" dela esanez abiatu du bere hitzartze laburra Gasteizko Gobernuko buruak, eta Tourra Bizkaiko hiriburutik abiatzeak sortzen dizkion "emozioak" partekatu nahi dituela esan du. Euskadiren "berezitasunak" munduari erakusteko aukera gisa ikusten du Urkulluk kirol ekitaldia: "kultura eta hizkuntza propioa dituen herria, begirada gure mugetatik harago jarrita duena eta berritzeko prest dagoena". "Sakonki europarra eta europazalea", gehitu du. Halaber, "txirrindularitzaren balioak" Euskadiren balioak ere badirela nabarmendu du, eta zentzu horretan, lantaldean aritzeko ahalmena, atzean geratu denari laguntzeko prestutasuna eta garaipenak modu kolektiboan ospatzeko gaitasuna zerrendatu ditu.
Tourraren hurrengo edizioa hartzeko "gogotik" lanean ari direla esan ondotik, kirol ekitaldiaren inguruko "familia osoari" 'Grand Départ' izenez ezaguna den irteera Bilbotik bertatik jarraitzeko gonbita egin dio lehendakariak. "Euskadin etxean bezala izango zarete", esanez amaitu du.
Urkullurekin batera, Parisko Kongresuen Jauregian egin den ekitaldian, Arabako, Bizkaiko eta Gipuzkoako diputatu nagusiek — Ramiro Gonzalez, Unai Rementeria eta Markel Olano, hurrenez hurren— eta EAEko hiru hiriburuetako alkateek —Gorka Urtaran, Juan Maria Aburto eta Eneko Goia— ere hartu dute parte. Han izan dira, baita ere, Eusko Jaurlaritzako Kultura sailburua, Bingen Zupiria, eta Turismo sailburua, Javier Hurtado.
2023ko Tourra uztailaren 1ean abiatuko da Bilbotik, eta 530 kilometro zeharkatuko ditu EAEn barrena.
Bestalde, Parisera egiten ari diren bisita honetan, erakundeetako ordezkariek Eusko Jaurlaritzak Parisen izango duen egoitza berriaren inaugurazioan ere hartuko dute parte gaur arratsaldean.
Zure interesekoa izan daiteke
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko ez du eperik izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko zabaldutako azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.
Garaikoetxearen pasadizo ezezagunenak: 28 egunez Gasteizko kale batek haren izena izan zuen eta telefonoa ziztatu zioten
Artxiboko hainbat datu eta erreportajek agerian uzten dituzte lehendakariaren ibilbidean oso ezagunak ez diren gertaerak. Adibidez, Gasteizko kale batek haren izena izan zuen 28 egunez eta telefono linea ziztatu egin zioten.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.
Zuzenean: Carlos Garaikoetxeari agurra, Ajuria Enean
Euskal gizartearen ordezkaritza zabala bertaratuko da Gasteizera, Ajuria Enea jauregira, Carlos Garaikoetxea lehendakariari azken agurra emateko. Besteak beste, honakoak joango dira: Imanol Pradales lehendakaria, bere aurreko hiru agintariak, Eusko Legebiltzarraren presidentea eta Mahaiko kideak. Politikari eta herritar ugari ere bertaratuko dira.