PCEren mendeurrena dela-eta Correosek atera behar zuen seilua bertan behera uztea lortu du ultraeskuinak
PCE Espainiako Alderdi Komunistaren mendeurrena dela-eta Correosek astelehen honetan jaulki behar zuen seilua ez da salgai jarriko oraingoz. 135.000 ale zauden prest 0,75 euroan saltzeko.
Espainiako eskuineko alderdien adierazpenek hauspotuta, harrabotsa eragin du gaiak Twitterren, eta erabakiaren kontrako kanpaina bizia garatu du eskuin muturrak. Hala, Abogados Cristianos elkarteak emisioa geldiarazteko eskaera aurkeztu zuen, eta Madrilgo epailea batek eskaera onartu egin zuen atzo. Elkarte hori da 2014an Sevillako "aluaren prozesioa" "irain erlijiosoengatik" salatu zuena, baita Willy Toledo aktorea ere, oso ezaguna izan zen prozesu judizial batean. Toledo absolbitu egin zuten azkenean.
Epailearen erabakiaren ondotik, Manos Limpias ultraeskuineko sindikatuak ere beste eskaera bat aurkeztu zuen Madrilgo epaitegian, Juan Manuel Serrano Correoseko presidentearen aurka, prebarikazio delitua egotzita.
Kritikak eta defentsa
Mugimendu judizial horien aurretik, Rafael Hernando PPko senatariak zigilua erretiratzea eskatu zuen "komunismoa, nazismoa eta faxismoa ideologia totalitarioak baitira eta Europako Parlamentuak gaitzetsi egiten ditu milioika hildako eragiteagatik". Argudio bera erabili zuten Ciudadanoseko ordezkariek ere, eta Voxek "Paracuelloseko sarraskiaren 86. urteurrena gogoratzea" proposatu zuen alternatiba gisa.
Aitzitik, ezkerreko alderdietako ordezkariek gogor kritikatu dute erabakia, eta demokraziaren eraikuntzan zein Espainiako Konstituzioan PCEk izandako papera goraipatu dute, besteak bestea, Alberto Garzonek (IU), Yolanda Diazez (Unidas Podemos), Gabriel Rufianek (ERC), Pablo Iglesiasek eta Jose Luis Abalos ministro ohiak (PSOE):
Zure interesekoa izan daiteke
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.