"Epaia berrikusteko EAEn izandako lehenengo eskaeraren aurka azaldu da Fiskaltza"
Carmen Adan Euskadiko fiskal nagusiak Radio Euskadiri eskainitako adierazpenetan aitortu duenez, sexu-eraso nahiz abusuengatik espetxeratutako hainbat kondenatuk euren zigor-kartzelaren berrikuspena eskatu dute dagoeneko EAEn. Ondorioz, EAEko Fiskaltza eskaera bakoitza "banan-banan" aztertzen ari da, bere txostena emateko, baina azken hitza epaileek izango dute.
Adanek azaldu duenez, zigor-espetxea berrikusteko EAEn izandako lehenengo eskaera Gipuzkoako kondenatu batena izan da, eta kasu horretan, EAEko Fiskaltza zigorra murriztearen aurka azaldu da. Epailearen esku dago orain azken erabakia.
'Bai bakarrik da bai' legearen ondorioz, sexu-abusuaren delitua desagertu egin da, sexu-erasoaren delitua bihurtzeko. Horren ondorioz, zigorrak murriztu egin dira, eta kondena irmoak berrikusi behar izan dira, baina errekurritutako epaietan ere eragina izango du. Bide hori Auzitegi Gorenean amaitzen da, baina lege berria aplikatzeko orduan maniobra-tarte mugatua izango du, kasu jakin batera mugatu beharko baita.
Carmen Adan Euskadiko fiskal nagusiak zehaztu duenez, EAEko epaitegiak aztertzen ari diren eskaera kopurua txikia da, baina "banan-banan, zuhurtziaz eta arreta handiz ikusiko dira, defentsek arrazoitutakoari adi egonda". "Auzi bakoitza banaka aztertzea funtsezkoa da, epaia zertan oinarritu zen ikustea, ebazteko zigorra berrikuskatzea egokitzen zaion ala ez", eta Fiskaltzak ere horrela jokatuko duela aurreratu du.
Bestalde, Adanek iragarri du behar besteko dokumentazioa jasotzen ari direla dagoeneko, "hala posible balitz", balizko irizpide batasuna ezarri ahal izateko.
Espainiar Estatuan: 12 zigor murriztu dira, eta 5 kondenatu, kalean
Estatu mailan, Espainiako epaitegiek gutxienez 12 zigor-murrizketa egin dituzte, 'Bai bakarrik da bai' legearen ondorioz, eta bost pertsona espetxetik atera. Diotenez, dozenaka epai berrikusi beharko dituzte, Zigor Kodearen erreforma "kondenatuarentzat mesedegarria" baita.
Zigor-murrizketak Madrilen izan dira (2), Balear Uhartean (2), Galizian (2), Andaluzian (1), Gaztela Leonen (1), Gaztela Mantxan (1) eta Murtzian (1). Horietatik bost aske geratu dira.
Zure interesekoa izan daiteke
Frantziako Fiskaltzak bete beharrik gabeko bost urteko zigorra eskatu du Josu Urrutikoetxearentzat
Frantziako estatutik behin betiko kanporatzea ere eskatu du fiskalak. Defentsak, berriz, ez kanporatzeko deia egin du. Auzia epaiaren zain geratu da. Uztailaren 2an emango dute jakitera.
Sanchezek eskatu du EB-Israel akordioa bertan behera uzteko, eta Netanyahuk Espainia kanporatu du Gazarako koordinazio zentrotik
Espainiako Gobernuko presidenteak ohartarazi du Israel nazioarteko zuzenbidea "nabarmen" urratzen ari dela Palestinan eta Libanon. Israelgo lehen ministroak, bestalde, Israelgo Armadako soldaduak difamatzea leporatu dio Espainiari.
Fiskaltzak ETAko buruzagi ohi Marisol Iparragirreri emandako erdi-askatasuneko erregimenaren aurka egin du
Fiskaltzak Espetxe Araudiaren 100.2 artikuluaren aplikazioa berrikusteko eskatu du; txostenak, baina, ez du Eusko Jaurlaritzaren erabakia eten.
Chivitek asteazkenean sinatuko du Hithiumen inbertsioa Nafarroan gauzatzeko akordioa, Pekinen
Horren helburua 400 milioi euroko inbertsioa eta 1.000 lanposturaino beharko dituen bateria enpresa ezartzeko urratsak aurreratzea da.
Fiskaltzak helegitea jarri du Konstituzionalean, Garcia Ortiz fiskal nagusi ohiaren aurkako epaiaren kontra
Ministerio Publikoaren arabera, Garcia Ortizen errugabetasun printzipioa urratu da prozesuan zehar eta ez dago froga nahikorik Alberto Gonzalez Amadorren abokatuak bidalitako mezu elektronikoa Fiskaltzak bidali zuela esateko.
Aitor Estebanek euskal selekzioen ofizialtasuna aldarrikatu du, “nazioarte mailan ikusgarritasuna izateko”
EAJren EBBko presidentea Mendozan izan da, Munduko Pilota Txapelketa antolatu duen hirian. Pilotako euskal selekzioaren ofizialtasuna lortu izanak duen “garrantzia” nabarmendu du bertan.
Euskal Hirigune Elkargoak larunbatean hautatuko du lehendakaria, eta gutxienez lau hautagai izango dira
09:00etan bilera hasi arteko epea duten arren, lau dira, momentuz, Elkargoa gidatzeko nahia adierazi dutenak: Jean Rene Etchegaray, Baionako auzapeza eta Elkargoko lehendakaria orain arteko bi agintaldietan; Alain Iriart, Hiriburuko ezker abertzaleko auzapeza; Peio Etxeleku, Kanboko auzapez jeltzalea, eta Pascal Lesellier, Baionako eskuin muturreko hautetsia.
Rufianek eta Monterok ezkerra batzea eskatu dute, Voxi aurre egiteko: "Bestela, banan-banan hilko gaituzte"
Gabriel Rufian ERCk Kongresuan duen bozeramaileak eta Irene Montero Podemoseko bigarrenak PSOEren ezkerretara dauden alderdien batasuna aldarrikatu dute, eta biek defendatu dute ezkerreko balizko fronte horien gidaritza euren alderdiek hartzea Estatuan eta Katalunian. "Betela, banan-banan hilko gaituzte", esan dute, Bartzelonan egin duten ekitaldia.
Carmen Panok Aldamaren aginduz Ferrazen 90.000 euro entregatu zituela berretsi du Gorenean
Enpresariak esan du 45.000 euroko bi ordainketa eraman zituela PSOEren egoitzara, eta Abalosek hidrokarburoen lizentzian egindako kudeaketengatik “etxe bat" nahi zuela adierazi du.
Otxandianok "haren kapital politikoa jartzeko" eskatu dio Pradalesi, "estatus politiko berriaren eztabaida erdigunean kokatzeko"
EH Bilduren Legebiltzarreko bozeramaileak gehiengo kualifikatuak eta giro politiko "nahiko aldekoa" direla aprobetxatzearen alde egin du, "herri akordioak, akordio nazionalak eta estatu ikuspegia duten itunak lortzeko" EAEn, bere ustez, eta egungo testuinguru historikoan, hori baita "herri honen interesak babesteko alternatiba zentzuzko bakarra".