"Bai bakarrik da bai" legearen babes bila "ohiko bazkideengana bakarrik" joko dutela ziurtatu du Cerdanek
Behin "Bai bakarrik da bai" legearen erreforma Kongresuan erregistratuta, ahalik eta babesik gehien lortzea da orain PSOEren helburua. Horretarako ate joka hasita daude sozialistak, baina "ohiko bazkideengana" joko dute bakarrik, "gobernukideengandik hasita". Hala ziurtatu du Santos Cerdan PSOEren Antolakuntza idazkariak, Radio Euskadin egindako elkarrizketan. Horren hitzetan, aurkeztu duten proposamenak ez du "onarpenaren atala ukitzen", Unidas Podemosek hori leporatu dien arren. "Emakume guztien eskubideak defendatzera eta akatsak zuzentzera datorren legea da", gaineratu du.
Babes horien bila PPrengana hurbilduko diren galdetuta, goitik bera ukatu du aukera hori buruzagi nafarrak. Popularrek "beste lehentasun batzuk" dituztela ziurtatu du. "Noski, alde bozkatuko balute, hori ezin dugu ekidin", zehaztu du.
Halaber, argi utzi du Unidas Podemosekin duten gobernu akordioa ez dagoela kolokan, "ohiko zailtasunak" gora behera. "Momentu zailak" bizi izan dituztela aitortuta, "abiagune ezberdinak" dituzten bi alderdiren arteko "ohiko ezberdintasunetan" kokatu ditu oztopo horiek.
Azkenik, maiatzeko hauteskundeak ere izan ditu hizpide, eta etor litezkeen akordio eta aliantzetan "betiko formulei" eustearen alde agertu da. Horretarako, "alderdi aurrerakoiekin", tartean EH Bildurekin, lanean jarraituko dutela adierazi du. "Herritarren bizitzak hobetzeko lanean jarraituko dugu. Zentzu horretan, oso pozik nago Nafarroan eta Espainian lortutako akordioekin", amaitu du.
Zure interesekoa izan daiteke
Epaileak ukatu egin dio Begoña Gomezi NATOren goi-bilerara joatea, baina Londresera bidaiatzeko baimena eman dio
Gomezen defentsak uztailaren 7tik 10era Espainiatik irtetea eskatu zuen, NATOk Turkian egitekoa duen goi-bilerara joateko eta, ondoren, Londresera, alabaren graduaziora.
Hamasek Gazako gobernua utzi du eta Palestinako batzorde teknokrata bati eman dio boterea
Hamas desegin ondoren, organo horrek eskualdea kudeatu beharko du, su-etenean jasotako jarraibideei jarraituz.
Lehendakari bat aurrenekoz txupinazoan: "Beste herritar bat bezala, kalean ibiltzea da nire helburua"
Lehen aldia da jardunean dagoen lehendakari bat San Fermineko txupinazoan udaletxean dagoela gonbidatu gisa eta ETBko saio berezian izan da. "Jendeak gozatzea, bakean eta errespetuz", hori espero du Imanol Pradalesek.
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".