Urkulluk proposamen bat igorriko die NBEri eta EBri, garapen jasangarriaren helburuak lortzen laguntzeko
Iñigo Urkullu lehendakariak 'Now, 2030' proposamena aurkeztu du gaur. Dokumentu hori Nazio Batuen Erakundera (NBE) eta Europar Batasunera bidaliko du, Garapen Iraunkorreko Helburuak betetzen laguntzeko, alor horretan emandako aurrerapauso "eskasak" ikusita. Besteak beste, proposamenak "estatukoak ez diren" gobernuek prozesu horretan duten zeregina bultzatzea proposatzen du.
'Agenda 2030 Euskadi' Foroak gaur Miñaon (Araba) egindako bilera batean aurkeztu du dokumentu hori Urkulluk. Bertan, erakundeak, unibertsitateak, gizarte zibileko ordezkariak eta beste eragile publiko eta pribatu batzuek parte hartzen dute.
Lehendakariak foro horren aurrean aurkeztutako 'Now, 2030' proposamena Nazio Batuei bidaliko zaie, 2023ko irailerako aurreikusita dagoen Garapen Iraunkorreko Helburuen goi-bileraren testuinguruan, bai eta EBko erakundeei eta Garapen Iraunkorreko Helburuen sustapenean inplikatuta dauden nazioarteko sare eta erakundeei ere.
Proposamen horren helburuen artean dago, "pixkanaka eta etengabe", 2030 Agendaren helburuen balantzea hobetzea, "itxaroterik ez dagoelako".
Gainera, Nazio Batuetan 2023ko irailerako aurreikusita dagoen Garapen Iraunkorreko Helburuen goi-bilera dela eta, 2015ean 2030 Agenda sinatu zuten erakundeen gainean "exigentzia maila igotzeko" beharra planteatzen da.
Era berean, "Garapen Iraunkorreko Helburuen garapen eta betetze maila eskasaren" aurrean azterketa kritiko eta autokritikoan oinarritutako aitorpen instituzional eta internazionala sustatzearen aldeko apustua egiten da.
Proposamen honen bidez, halaber, 2030era arte Garapen Iraunkorreko Helburuen garapena eta betetzea bultzatzeko "erantzun global eta lokala" pizten lagundu nahi da.
Bestalde, agiriak azpimarratzen du komenigarria dela "tokiko, eskualdeko eta estatukoak ez diren gobernuek Garapen Iraunkorreko Helburuen ezarpenean duten zeregina bultzatzea".
Zure interesekoa izan daiteke
PPk irabazi ditu Andaluziako hauteskundeak baina gehiengo absolutua galdu du
PPk 58 eserleku zituen eta 53 eskuratu ditu oraingoan, gehiengo absolutua baino bi gutxiago. PSOEk 28 diputatu lortu ditu, aurreko hauteskundeetan lortutako 30 diputatuak baino bi gutxiago. Vox izan da hirugarren indarra, 14 eserlekurekin, eta ezkerreko Adelante Andalucia laugarren, 2 eserlekutik 8ra igarota. Por Andalucia ezkerreko koalizioak zituen 5 eserlekuei eutsi die.
Inkesten arabera, gehiengo osoa lortuko luke Juanma Morenoren PPk Andaluzian
PPk 58 eserleku zituen orain arte, eta 56-59 artean eskuratuko lituzke, bakarrik gobernatzeko beharrezkoak diren 55 eserlekuen gainetik. PSOE jaitsi egingo da, 30etik 26-29ra.
Itunpeko ikastetxeen harira sortutako krisia bideratzen saiatzeko bilera egingo dute astelehenean Nafarroako Gobernua sustengatzen duten alderdiek
Gimeno Hezkuntza kontseilariak itunpeko ikastetxeetan 14 ikasgela ixteko zuen asmoa bertan behera utzi zuten osteguneko bozketan Geroa Baik eta EH Bilduk. Abstenitu egin ziren eta UPNren lege proposamena atera zen aurrera.
Andaluziako parte hartzea % 52,14koa izan da 18:00etarako, 2022an baino 7,6 puntu handiagoa
6.812.902 andaluziar deitu dituzte Andaluziako hauteskunde autonomikoetan botoa ematera, 2022an baino 171.046 gehiago. Parlamentua 109 diputatuk osatuko dute, eta 25 alderdik eta 3 koaliziok aurkeztu dituzte hautagaiak.
Voxek salatu du Gasteizko bere egoitzari su ematen saiatu direla, harriak jaurti eta biharamunean
Azken orduetan jasandako bigarren erasoa da, Voxek salatu duenez. Larunbat goizaldean harriak jaurti zituzten Voxek Gasteizen duen egoitzako sarrerako atearen kontra.
Itxasok "zorroztasuna, umiltasuna eta memoria" eskatu dizkio EH Bilduri, etxebizitzaren inguruko proposamenen harira
Etxebizitza eta Hiri Agenda sailburuak "datu errealak" emateko eskatu dio koalizio abertzaleari, "azken hamarkadan Euskadik 15.000 etxebizitza babestu baino gehiago sustatu dituelako, eta ez 3.000, EH Bilduko zenbait buruzagik aste honetan bertan adierazi duten bezala".
Barkosek iritzi dio itunpekoen inguruko akordio politikoa izango litzatekeela "egokiena"
Zehaztu du Geroa Baik ez duela jarrera aldatu 2015etik, alegia, "gobernu plural eta aurrerakoi baten aldeko apustua" egiten jarraitzen duela, eta akordio programatikoa dela irtenbidea. "Horretan ari gara lanean, hezkuntza kalitatea hobetzeko eta euskararen alde egiteko", nabarmendu du.
Anduezak dio EH Bilduk ez duela erantzunik euskal herritarren lehentasunetarako, "marketin kanpaina asko egin arren"
Eneko Andueza PSE-EEko idazkari nagusiak esan du EH Bilduk ez duela erantzunik euskal herritarren lehentasunei eta beharrei erantzuteko, "marketin kanpaina asko egin arren". Gainera, koalizio soberanistari leporatu dio "diagnostiko eta plan asko egin arren, ezer gutxi egitea benetako herri proiektu bat falta zaielako". Anduezak baieztatu du koalizio subiranista espezialista dela arazoak konpondu beharrean areagotzen, zaborraren kudeaketarekin, atez-atekoarekin, egin zuten bezala.
Eusko Jaurlaritzak "kea saltzen" duela salatu du Sumar Mugimenduak, eta inkesta bat egingo du herritarren "kezkak jasotzeko"
Sumar Mugimenduak salatu duenez, Eusko Jaurlaritzak "dena ondo doala esaten digu, baina kea saltzen ari zaizkigu". Hori dela eta, euskal herritarren "benetako kezkak" jasotzeko inkesta ireki bat martxan jarriko dutela iragarri du.
EH Bilduk 60.000 etxebizitza mobilizatzea eta eraikitzea proposatu du hamar urtean, horietatik 30.000 berriak
Etxebizitzaren aldeko aliantza publiko-komunitario handia iradoki du, arrazoizko prezioak bermatzeko, euskal erakundeek, banku-fundazioek eta borondatezko gizarte-aurreikuspeneko erakundeek (BGAE) osatua, eta, horrela, Araban, Bizkaian eta Gipuzkoan etxebizitza publikoa sustatzeko.