Albiste izango dira: Gutxieneko soldata, protestak Ipar Euskal Herrian eta Frantzian eta Tourra Euskadin

Gaurkoan albiste izango direnen laburpena, hitz bitan.

Eraikuntzako bi langile, artxiboko irudi batean. Argazkia: EFE

EITB MEDIA

2023/03/23 - 08:55

Azken eguneratzea

2023/03/23 - 08:55

Honako gai hauek hartuko dituzte gaur, martxoak 23, hedabideetako lerroburu nagusiak:

- Gutxieneko soldata: Espainiako Estatuan indarrean dagoena baino Lanbide arteko Gutxieneko Soldata handiagoa (LGS) bultza dezala eskatzea adostu dute EAJk, EH Bilduk eta PSE-EEk. EH Bilduk mozioa aurkeztu zuen astelehenean, 1.400 euroko gutxieneko soldata ezartzea eskatzeko.

- Protestak Ipar Euskal Herrian eta Frantzian: Bederatzigarren greba eguna Frantzian eta Ipar Euskal Herrian, pentsioen erreformaren kontra. Emmanuel Macronen Gobernuak errefoma onartu zuenetik lehendabiziko mobilizazio handia izango da.

- Tourra Euskadin: Hasi da Tourrerako atzera kontaketa: Bilboko Udalare parean dagoen Tissot erlojuaren botoia sakatu zuten atzo iluntzean Juan Maria Aburto Bilboko alkateak eta Christian Prudhomme Tourreko zuzendariak, beste hainbat ordezkarirekin batera.