UPNk bere historiako emaitzarik txarrenak izango lituzke eta Chivite berriz ere izango litzateke presidente
UPN izango litzateke alderdi bozkatuena Nafarroako Parlamenturako hauteskundeetan, baina inoiz izan dituen emaitzarik txarrenak lortuta, eta Foru Gobernuaren ateak itxita ikusiko lituzke horrela. Izan ere, alderdi ezkertiarrek egungo akordioei eutsiko baliete, Maria Chivite PSNko hautagaia berriz ere izango litzateke presidente, EITB Focus makroinkestaren arabera.
Maiatzaren 28ko hauteskundeak egiteko bi hilabete baino ez direnean falta egin dute EITB Focus inkesta, Nafarroan 1.200 pertsona baino gehiago elkarrizketatuta.
Hain zuzen ere, UPNk botoen % 23,1 eta 12 eserleku izango lituzke. 2019ko hauteskundeetan, alderdi erregionalista PPNrekin eta Ciudadanosekin batera aurkeztu zen hauteskundeetara, Navarra Suma koalizioan, eta bozen % 36,6 eta 20 ordezkari jaso zituzten batenak eta bestearenak batuta.
Geroa Bairi dagokionez, koalizioa hirugarren indar bozkatuena izan liteke, eta aurreko hauteskundeetako emaitzak berdintzea lor lezake. Nolanahi ere, inkestaren arabera, baliteke EH Bilduren pare egotea, ordezkari kopuruari erreparatuta.
EITB FOCUS
Maiatzaren 28ko hauteskundeetan, UPNk eta PPNk 18 parlamentari batuko lituzkete (PPNk 8 izango lituzke), baina Voxek ere egingo luke bat eskuineko blokearekin, bi eserlekurekin eta botoen % 4,4rekin sartuko bailitzateke Ganberan.
Eserlekuak zenbatuta, bigarren indarra PSN izango litzateke, baina Gobernua berriro bereganatzeko aukera handiak izango lituzke. 10-11 parlamentari eta botoen % 18,9 lortuko lituzke. Duela lau urte, 11 ordezkari eta bozen % 20,6 jaso zituen.
EITB FOCUS, Nafarroako Parlamentua, inkesta osoa (PDFa)
Testuinguru horretan, gobernagarritasunaren giltza EH Bilduk izango luke berriro. Duela lau urte baino eserleku bat gehiago jasoko luke, 8, eta % 15,1eko babesa bototan (duela lau urte, % 14,5ekoa izan zuen).
Azkenik, Zurekin Nafarroa koalizioak (Podemos eta Izquierda-Ezkerra) ez luke lortuko hobetzea 2019an bi alderdiek bananduta lortu zuten emaitza: 3 eserleku izango lituzkete, orain arte bezala, baina boto-portzentaje txikiagoarekin, % 6,3 (% 7,7koa izan zen aurrekoan).
Hautagaien ezagutza eta balorazioa
Bestalde, boto-emaileek hoberen baloratu duten hautagaia Maria Chivite sozialista da, 5eko nota emanda. Oso gertu Uxue Barkos (Geroa Bai) dago, 4,7rekin. Hauek geratu dira ondoren: Javier Esparza (UPN), 3,9; Laura Aznal (EH Bildu) eta Begoña Alfaro (Zurekin Nafarroa), 3,8; Javier Garcia (PPN), 3,3; eta Emilio Jimenez (Vox), 1,8.
Albiste gehiago politika
Vox: "Langabezia-prestazioen kudeaketaren eskualdatzea txiringito berri bat sortzeko aitzakiarik onena izango da"
Amaia Martinez Voxeko legebiltzarkideak abiatu du Politika Orokorreko Osoko Bilkuraren arratsaldeko saioa. Migrazioaren gaia hizpide izan du behin eta berriz, eta Pradalesen Gobernuaren lehen urteari buruz "oso emaitza kezkagarriak" eman dituela esan du.
Sortuk bi pankarta eskegi ditu Cuelgamurosen, autodeterminazio eskubidea aldarrikatzeko
“Gora Euskal Herria askatuta” irakur daiteke pankarta batean, eta bi guardia zibilik ikus daitezke bestean, pertsona bat fusilatzen.
Vianako Printzea erakundeak bide eman dio Iruñeko Erorien Monumentuaren erreformari
Monumentuari buruzko xedapen espezifiko bat sartzeko memoria historikoaren araudia aldatu zuen Foru Legean oinarritzen da erabakia. Lege horrek monumentuari esanahi berri bat ematea derrigortzen du, haren erabilerak hezkuntza eta memoria demokratikorako helburuetara mugatzen ditu, eta frankismoa goraipatzeko elementuak kentzea ezartzen du.
Lehen Mailako Arretarako psikologo gehiago eta nerabeei zuzendutako ongizate-programa pilotu bat iragarri du Pradalesek
Emozioekin eta osasun arloarekin lotutako zenbait neurri zehaztu ditu lehendakariak Politika Orokorreko Osoko Bilkuran, "ongizatea euskal kontratu sozial berriaren parte izan behar delako".
Estatutu berria adosteko dei egin die lehendakariak alderdiei, Euskadirentzat "garai zailak" datozela eta
"Orain alderdien garaia da; hitz egin, negoziatu eta adosteko garaia", azpimarratu du lehendakariak. Ildo horretan, iragarri du ekainean berriro alderdiekin bilera erronda egingo duela egindako ibilbidea aztertu, ebaluatu eta ondorengo urratsak aztertzeko. Autogobernuari lotuta, urtea amaitu arteko epea eman dio Pedro Sanchez Espainiako gobernuburuari Gernikako Estatutua osorik betetzeko.
"Gure garapena oztopatu dezakeen garai txarra" etor daitekeela ohartarazi du Pradalesek
Politika Orokorreko Osoko Bilkuran lehendakariak iragarri duenez, "erasoaldi autoritario baten aurrean gaude, eta gure autogobernua eta nortasuna zalantzan jartzen ari dira".
Pradales: "Euskal zerbitzu publikoak indartzeko dugun konpromisoa negoziaezina da"
Politika Orokorreko Osoko Bilkuran lehendakariak adierazi duenez, "gure erantzukizuna da euskal ongizate-ereduaren iraunkortasuna bermatzea eta eredu hori eraldatzen asmatzea". Bestalde, "negoziazioaren eta akordioaren" alde egin du, "lubakiak eta marra gorriak" alde batera utzita.
Espainiako Fiskaltzak Israelek Gazan egindako "krimenak" ikertuko ditu
Alvaro Garcia Ortiz Espainiako fiskal nagusiak Zigor Kodearen "urraketa larriak" aipatzen ditu, genozidioa eta gizateriaren aurkako delituak tartean.
Pradales: "Europak autonomia politikoa irabazi eta lidergo etikoa ezarri behar du"
"Europako eredua definitzen duten balioak defendatzearen" alde egin du lehendakariak Politika Orokorreko Osoko Bilkuran. "Orain da momentua. Amaitu da guztiak pozten saiatzeko denbora ", gaineratu du.
Gazako "genozidioa" salatzeko minutu bateko isilunearekin abiatu dute Politika Orokorreko Osoko Bilkura
Ikasturte politiko berriaren Politika Orokorreko lehen Osoko Bilkura egiten ari dira gaur Eusko Legebiltzarrean. Eguna Imanol Pradales lehendakariak abiatu du, "Gazako genozidioa" gaitzestuz. "Nazkatuta gaude [....]. Indarkeria horrek atsekabea, amorrua eta ezintasuna eragiten ditu ", salatu du.