Gipuzkoa: EAJk mantendu egingo luke EH Bildurekiko aldea
EAJk irabaziko lituzke Gipuzkoako Batzar Nagusietarako hauteskundeak, eta mantendu egingo luke, gainera, EH Bildurekiko aldea, EITB Focus makroinkestaren arabera.
Euskadin inoiz egindako inkesta handiena da EITB Focus, eta maiatzaren 28ko udal eta foru hauteskundeak egiteko bi hilabete baino ez direnean falta egin dute.
Foru hauteskundeen kasuan, EAEko lehia estuena Gipuzkoakoa izango litzateke. EAJk eta EH Bilduk, biek ala biek, hazkundea izango lukete eserlekutan eta bototan, baina neurri berean egingo lukete gora, eta, horrenbestez, bien arteko aldea duela lau urteko berdina izango litzateke. Hain zuzen ere, 1,2 puntu eta eserleku bat gehiago izango lukete.
Horren ildotik, alderdi jeltzaleak botoen % 37,1 izango lituzke (21 batzarkide), eta koalizio abertzaleak, aldiz, % 33,1 (18 ordezkari).
Indar politikoek azken legegintzaldiko akordioak berretsiko balituzte, Eider Mendoza jeltzalea izango litzateke ahaldun nagusia, Markel Olanoren ordez (aurten ez da hautagai izan).
EITB FOCUS, Batzar Nagusiak, inkesta osoa (PDFa)
Bestalde, PSE-EEk errepikatu egingo luke duela lau urteko ordezkari kopurua, 9, baina boto-asmoan 1,4 puntu behera eginda, % 15,9raino.
Elkarrekin koalizioaren kasuan (Podemos Euskadi, Ezker Anitza-IU, Berdeak Equo eta Aliantza Berdea alderdiek osatzen dute), jaitsiera are malkartsuagoa izango litzateke, ordezkarien erdiak galduko bailituzke (4tik 2ra pasatuko litzateke) 2019an Elkarrekin Podemosek izan zituen emaitzekin alderatuta.
Azkenik, PPk mantendu egingo luke egungo ordezkaria, baina botoetan 0,6 puntu behera eginda. Voxek bozen % 1,4 jasoko lituzke eta ez luke lortuko Gipuzkoako Batzar Nagusietan sartzea.
Balorazioa
Maddalen Iriarte (EH Bildu) lurraldeko hautagai ezagunena eta baloratuena da. Izan ere, herritarren % 65,3k ezagutzen dute, eta 6,1eko nota ematen diote.
Bigarrena Eider Mendoza (EAJ) da, gertu balorazioan (5,8), baina urrun ezagutza mailan (% 38,7).
Gainerako hautagaiei dagokienez, Miren Echevestek (Elkarrekin) % 32,7ko ezagutza maila du, eta 4,9ko nota; Jose Ignacio Asensiok (PSE-EE), % 32,6ko ezagutza maila eta 4,8ko nota, eta Mikel Lezamak (PP), % 23,8ko ezagutza maila eta 2,9ko nota.
Bihar, udal hauteskundeak
Asteartean, EITB taldeko hedabideek EITB Focus makroinkestaren hirugarren zatia publikatuko dute, udal hauteskundeetarako boto aurreikuspenarekin.
Gipuzkoaren kasuan, Donostiako, Irungo, Tolosako eta Eibarko emaitzak eskainiko dituzte.
Metodologia
EAEn, 6.649 pertsona elkarrizketatu dituzte udal eta foru hauteskundeei buruzko EITB Focus berezia prestatzeko. Horietatik, 1.543 Araban izan dira; 2.483, Bizkaian, eta 2.623, Gipuzkoan. Nafarroan, aldiz, 1.204.
Inkestak otsailaren 27a eta martxoaren 17a bitartean egin zituzten EAEn, eta otsailaren 22a eta 27a bitartean Nafarroan.
Konfiantza mailari eta beste hainbat adierazle estatistikori buruzko informazio sakonagoa ezagutzeko, kontsultatu ikerketaren PDFa.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.