Aizpurua, Aberri Egunera begira: "Konpromiso kolektiboa inoiz baino beharrezkoagoa da"
Igandean Iruñean egingo duten Aberri Egunaren atarian, EH Bilduren Kongresuko eledun Mertxe Aizpurua Radio Euskadiko "Boulevard" saioan izan da. "Maite dugun herria" leloa aukeratu dute aurtengo hitzordurako, eta horri buruz esan du "esamolde" hori bat datorrela "EH Bilduk herri honetan egin nahi duenarekin". Konpromiso kolektiboa inoiz baino garrantzitsuagotzat jo eta Aberri Egun bateratu baten alde egin du: "Nazionalistak ez diren indarrak ere batu beharko lirateke, herritarrak hobeto bizi daitezen. Ez da amets bat, pentsatzen dut ez dela hain zaila".
Maiatzeko hauteskundeak mintzagai hartuta eta PSNren eta UPNren arteko balizko itunak ahotan, zera esan du: "Ikusi beharra dago zer gertatzen den. Argi daukat Joseba Asiron izango dela boto gehien lortzen dituen alkategaia. Arduraz jokatu behar dugu. Lehenengo urratsa da eskuinari ateak ixtea, hortik aurrera hitz egingo dugu hitz egin beharrekoari buruz", adierazi du nafar sozialistek UPNren alde egingo balute Madrilen PSOE babesten jarraituko ote luketen galdetuta. "Ferrazen badaki zer gerta daitekeen", zehaztu du.
Yolanda Diazen eta Podemosen arteko "krisiaz" ere jardun du. "Nik, pertsonalki, honek guztiak izan ditzakeen ondorioak aintzat hartzea eskatuko nieke. Bidea batera ez egiteak, hondamena ekar liezaioke ezkerrari. Elkarren beharra dute, eta, hortaz, elkar ulertu beharra daukate, egoerak okerrera egitea eta lau urteko legealdia ilusio batean geratzen nahi ez badute", erantsi du.
Azkenik, Arturo Espejo guardia zibilaren aferaz hitz egin du, jazotakoa "iraingarria" dela iritzita. Aizpuruak uste du Espainiako Gobernuan badagoela gertatu denarekin ados ez dagoenik ere. "Ondo dago babesa erakustea, baina babes moral hori itzalean uzten dute gisa horretako kargu igoerek. Errealitatea onartu beharra dago, eta ezin dira horrelako gauzak jasan", bukatu du.
Zure interesekoa izan daiteke
Arabak eta Gipuzkoak turismo-tasa ezartzea onartu dute
Bizkaiak joan den astelehenean onartu zuen, eta modu horretan, EAEko hiru lurralde historikoetan 2027ko urtarrilaren 1etik aurrera hasiko dira zerga berria kobratzen.
AEBk Plus Ultrako akziodun baten komunikazioak nola lortu zituen argitzeko eskatu du Zapaterok
Abokatuaren esanetan, AEBren eta Espainiaren arteko informazio-trukeak "arrazoizko zalantzak" sortzen ditu berme prozesalen errespetuan.
Kongresuaren gehiengoak errefusatu egin du Bardeako jarduera militarra bertan behera uztea
EH Bilduk, EAJk, Podemosek eta Sumarrek legez besteko proposamen bat eraman dute Behe Ganberara, bertan behera uzteko eta ingurua birmoldatzeko plan bat ezartzeko.
Sanchezek gobernuan jarraituko duela adierazi du, Feijook dimititzeko eskatu dion arren
Asteazken honetan egin den Kongresuko kontrol-saioan, Feijook dimisioa emateko eta "zabor-aldia ez luzarazteko" eskatu dio Sanchezi. EH Bilduk, bestalde, legealdiarekin jarraitzearen alde egin du, baina "paralisi" egoeratik irteteko eskatu dio.
Osasun arloko gatazkaren aurrean Ministerioak eta Jaurlaritzak egindako kudeaketak kritikatu ditu Laura Garridok
Euskadiko Alderdi Popularraren buruak azaldu duenez, Ministerioak ez du egin beharrekoa egin, baina Jaurlaritzak badu nahikoa eskumen arazoari aurre egiteko. Horrez gain, argitu duenez, itunpeko osasun-zerbitzuetara jotzea ez da neurri berri bat, 2009tik dekretu batean jasotako eskubidea baizik. Ziurtatu duenez, Osakidetzan arazo estrukturalak daude, besteak beste, mediku eskasiari aurrez heldu ez zaiolako.
Pradales, Espainiako Gobernuari: "Gobernatzea ez da irautea soilik"
Lehendakariak egonkortasun politikoa eta lankidetza defendatu ditu Euskadik aurrera egiteko: uztaila baino lehen transferitzeke dauden eskumenak ixtea eskatu du, eta ohartarazi du ustezko ustelkeria kasuak ezin direla aitzakia izan gobernatzeari uzteko.
Enrique Maya Iruñeko alkate ohiari eraso egin diote Alde Zaharrean
Maya onik dago, eta Iruñeko Udaltzaingoaren iturrien arabera, oraingoz ez dute inor atxilotu.
EAJk inkestetan lider izaten jarraitzen duela erantzun dio Ansolak Otegiri, herritarren beharrei "erantzuna ematen dielako"
Iñigo Ansola EAJren Bizkaiko presidenteak Arnaldo Otegiren hitzei erantzun die gaur Radio Euskadin, eta Aitor Esteban ez duela "batere urduri" ikusten esan du. EAJk inkestetan lider izaten jarraitzen duela defendatu du, herritarren beharrei "erantzuten" dielako. Bestalde, Bilboko etorkizuneko erronkei aurre egiteko Mikel Hidalgo hautagai "perfektua" dela esan du Ansolak.
Donostia Europako hiri "oparo eta zoriontsuena izatea" du helburu Jon Insaustik
Hiriak eta hiritarrek etorkizunean izango dituzten beharrei buruz hausnarketa egin du Donostiako Udalak Victoria Eugenia antzokian, Donostiarra 2040 Topera! izenburuarekin. Jon Insausti alkateak onartu du "donostiarrek donostiarrontzat egindako hiria" lortzea dutela erronka nagusi.
Marlaskak esan du Nafarroako Unibertsitatean izandako istiluen osteko polizia-operazioa "proportzionala" izan dela
Josu Estarrona EH Bilduren senatariak egindako galdera bati erantzunez, Fernando Grande-Marlaska Barne ministroak esan du joan den astean Nafarroan egindako polizia-operazioa "egokia eta proportzionala" izan zela, "2025eko urriaren 30ean Nafarroako Unibertsitatearen inguruan Vito Quilesen ekitaldi baten aurka izandako istiluengatik". Guztira, 28 pertsona atxilotu zituzten.