Garcia-Barberena eta Alonso Iruñeko zinegotziek UPN utzi, eta PPren zerrendara batu dira
Maria Garcia-Barberena eta Fermin Alonso Iruñeko Udaleko UPNko zinegotziek euren alderdia utzi dute eta PPk datozen udal hauteskundeetan aurkeztuko duen zerrendara batu dira, independente modura. Egun, Kultura eta Berdintasun zinegotzia eta Proiektu Estrategikoetako, Mugikortasuneko eta Jasangarritasuneko zinegotzia dira. Gaur jakinarazi dutenez, Alderdi Popularraren zerrendan hirugarren eta bosgarren lekuan aurkeztuko dira maiatzaren 28ko bozetan. Biek ala biek Enrique Maya alkatearen esku utzi dituzte zinegotzi karguak.
Ohar bidez eman du ezagutzera PPk berria, eta Garcia-Barberenaren eta Alonsoren erabakiaren atzean dauden arrazoiak azaldu dituzte bertan. Besteak beste, Carlos Garcia Adanero popularrak Iruñeko Udalerako duen proiektuarekin "hobeto identifikatuta" sentitzen direla diote, "Nafarroako foru erregimena eta konstituzionalismoa" defendatzen dituelako. "Proiektu ilusionagarria, irekia, bateratzailea eta lidergo sendoa duena da, Iruñeko Udalak zentro-eskuineko alkatetza izateko behar duena", zehaztu dute idatzian.
Halaber, UPN uzteko beste arrazoietako bat alderdiaren zuzendaritzaren azken erabakiak direla esan dute, "Navarra Suma koalizioarekin alde bakarrez haustea ekarri zutenak", bereziki. Koalizioak Iruñeko Udalean egindako lan ona azpimarratzearekin batera, "UPNko militanteei errespetua" adierazi diete.
Bi zinegotzien hitzetan, legealdi hasieran Navarra Sumarekin hartutako konpromisoa "leialtasunez" bete dute, eta karguan geratzen zaien denboran bide horretan jarraituko dutela erantsi dute.
Gaiari buruz galdetuta, Javier Esparza UPN alderdiko presidenteak beste galdera batekin erantzun die kazetariei: "Kezkatu aurpegia al daukat?". Horren hitzetan, maiatzeko hauteskundeetan, "lehen indarra izango da UPN" eta iruindar guztiek dakite zer gertatuko den. Cristina Ibarrola (UPNren alkategia) edo Joseba Asiron (EH Bilduren alkategia) hautatu beharko dutela azpimarratu du.
Albisteak eragin dezakeen "morboa" ulertzen duela aitortu ondoren, bi zinegotzion erabakiak ez duela harritu esan du. "Nafarroan denok ezagutzen dugu elkar, ez da sorpresa bat izan eta naturaltasun osoz jarraituko dugu lanean", gehitu du.
Zure interesekoa izan daiteke
Lehendakaria agintaldiko politika orokorreko bigarren eztabaida prestatzen ibili da alderdikideekin
Bere agintaldiko politika orokorreko bigarren eztabaidari helduko dio bihar, osteguna, Imanol Pradalesek. Bertan, ekonomian jarriko du arreta, nazioarteko testuinguru korapilatsuaren eta inflazioaren igoeraren aurrean. Herritarrak kezkatzen dituzten beste arazo batzuk ere hartuko dituzte hizpide; hala nola etxebizitza, osasuna, hezkuntza, segurtasuna eta immigrazioa.
Espainiako Estatuaren egoera politikoa aztertu dute EH Bilduk eta ERCk Bilbon, aldebiko bilera batean
EH Bilduren ordezkaritzaren buru Arnaldo Otegi idazkari nagusia izan da, eta ERCrena, Oriol Junqueras presidentea. Koalizio abertzalea beste herrialdeetako alderdi subiranistekin eta Espainiako Estatuko ezker konfederalarekin egiten ari den aldebiko bilera-sortaren barruan kokatzen da gaurko hitzordua.
Melgosak migrazio-eskumenak eskatu ditu, kudeaketak bertan egiteko ahalmena izateko
Nerea Melgosa Ongizate, Gazteria eta Erronka Demografikoko sailburuak egiturazko plan bat eskatu dio Espainiako Gobernuari, "inprobisatzeari" utz diezaion. Era berean, gogorarazi du Euskadi solidarioa dela, baina migrazio-eskumenak transferitzea beharrezkoa dela.
Esteban, Anduezaren kritikei buruz: "Hauteskundeak hurbil daude, PSEk indartsu ikusten gaitu eta arrazoi dute"
Euskadi Irratian egindako elkarrizketan Aitor Esteban EAJren EBBko presidenteak adierazi du 2027ko hauteskundeen "aurrekanpaina giroa" aurreratu egin dela, eta "PSE horretan buru-belarri" ari dela.
Albiste izango dira: kontrolerako saioa Kongresuan, Chiviteren azalpenak Belateri buruz eta Zinemaldiko izarrak iristear
Gaurkoan Orain-en albiste izango direnen laburpena, bi hitzetan.
Madrilgo Ramon y Cajal Ospitalean itxaron-zerrendak manipulatu dituztela salatu dute
'El País' egunkariak argitaratu duenez, ebakuntzen itxaron-zerrendan zeuden herritarren lehentasuna aldatzea agindu zuten ospitaleko bi arduradunek, zirujaurekin hitz egin gabe.
Puigdemonten amnistia eskariari ezezkoa eman dio berriz Llarena epaileak, eta Konstituzionalaren erabakiaren zain geratu da
Goreneko epailearen ustez, Europar Batasuneko Justizia Auzitegi Nagusiak eman zuen epaiak ez du aldatzen politikari katalana Amnistia Legetik kanpo uzteko Llarenak berak finkatutako lehenengo arrazoiaren oinarria.
Egian migratzaile bati egindako erasoa gaitzetsi du Insaustik eta "motibazio arrazista" dagoen ikertzen ari direla esan du
Jon Insausti Donostiako alkateak gaur azpimarratu duenez, larria da pasa den astean Egia auzoan migratzaile bati egin zioten erasoa, eta gorrotoak hirian lekurik ez duela berretsi du. Biktima gizarte zerbitzuen sistemaren baitan zegoen, eta gaueko zerbitzuen eta "Otorduak" programaren erabiltzailea da.
Aburtok akordioak defendatu ditu eta "politika onaren alde" egin du
Juan Mari Aburto Bilboko alkateak elkarrizketan, akordioetan, zerbitzu publikoan eta bizikidetzan oinarritutako politika aldarrikatu du, Udalaren Egoerari buruzko azken osoko bilkuran.
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".