Eusko Legebiltzarrak bide eman dio enpresen deslokalizazioa saihesteko EH Bilduk egindako lege proposamenari
PP+Cs eta Vox ez beste Eusko Legebiltzarreko talde politiko guztiek bide eman diote enpresen deslokalizazioa eragozteko EH Bilduk aurkeztutako lege proposamenari. Zehazki, EH Bilduk proposatu du EAEtik alde egiten duten enpresak azken 10 urteetan jasotako dirulaguntza publiko guztiak itzultzera derrigortzea.
Eusko Legebiltzarreko osoko bilkurak EH Bilduren lege proposamena tramitera onartzea erabaki du, EAJ, EH Bildu, PSE-EE eta Elkarrekin Podemos-IUren aldeko botoekin eta PP+Cs eta Voxen kontrako botoekin. Duela bi aste, dirulaguntzen legearekin batera izapidetzearen alde hitz egin zuen Eusko Jaurlaritzak.
Tramitazio garaian, Eusko Legebiltzarreko taldeek zuzenketak aurkeztu ahalko dizkiote testuari.
Koalizio subiranistak planteatu du kostuak murrizteko edo zerga gutxiago ordaintzeko ekoizpena edo egoitza fiskala beste lurralde batera eramaten duten enpresei azken 10 urteotan jasotako laguntza publiko guztiak itzularaztea eta interesak ordainaraztea (dirulaguntza bakoitza jaso duen unetik gaur arte).
Gainera, enpresa horiek eta beren bazkideek ezingo dute 10 urtez EAEko sektore publikoaren laguntzarik jaso, Eusko Jaurlaritzak deslokalizazioa egon dela berresten duen egunetik aurrera.
EH Bilduren ekimena defendatu duen Iker Casanova legebiltzarkidearen esanetan, deslokalizazioak eragiten dituen "ondorioen" aurrean horrelako lege bat onartzea beharrezkoa da, eta Gamesaren eta General Electricen kasuak ekarri ditu gogora.
Eusko Jaurlaritza sustengatzen duten EAJk eta PSE-EEk dirulaguntzen lege proiektua aipatu dute. EAJren iritziz, "kontu handiz" hartu behar dira neurriak Euskadiko inbertsioei kalte egin ez diezaieten. Ildo beretik, PSE-EEk nabarmendu du arazo horri ezin zaiola "ikuspegi zigortzaile hutsetik" heldu.
Elkarrekin Podemos-IUko David Soto legebiltzarkidearen hitzetan, eztabaida "estrategikoa" da, PP+Cs alderdiko legebiltzarkideak kritikatu du EH Bilduren lege proposamenak "enpresen kudeaketa eta erabaki ahalmena mugatu" nahi duela, eta Amaia Fernandez Voxeko ordezkariak esan du EH Bildu ez dela gai horren inguruan "lezioak emateko egokiena".
Zure interesekoa izan daiteke
PPk zalantzan du gehiengo osoa Andaluziako hauteskundeetan, faborito nagusia bada ere
6.812.902 dira Andaluziako hauteskunde autonomikoetan botoa emateko eskubidea duten andaluziarrak —2022an baino 171.046 gehiago—. Parlamentua 109 diputatuk osatuko dute, eta 25 alderditako eta hiru koaliziotako hautagaitzak aurkeztu dira.
Barkosek iritzi dio itunpekoen inguruko akordio politikoa izango litzatekeela "egokiena"
Zehaztu du Geroa Baik ez duela jarrera aldatu 2015etik, alegia, "gobernu plural eta aurrerakoi baten aldeko apustua" egiten jarraitzen duela, eta akordio programatikoa dela irtenbidea. "Horretan ari gara lanean, hezkuntza kalitatea hobetzeko eta euskararen alde egiteko", nabarmendu du.
Anduezak dio EH Bilduk ez duela erantzunik euskal herritarren lehentasunetarako, "marketin kanpaina asko egin arren"
Eneko Andueza PSE-EEko idazkari nagusiak esan du EH Bilduk ez duela erantzunik euskal herritarren lehentasunei eta beharrei erantzuteko, "marketin kanpaina asko egin arren". Gainera, koalizio soberanistari leporatu dio "diagnostiko eta plan asko egin arren, ezer gutxi egitea benetako herri proiektu bat falta zaielako". Anduezak baieztatu du koalizio subiranista espezialista dela arazoak konpondu beharrean areagotzen, zaborraren kudeaketarekin, atez-atekoarekin, egin zuten bezala.
Eusko Jaurlaritzak "kea saltzen" duela salatu du Sumar Mugimenduak, eta inkesta bat egingo du herritarren "kezkak jasotzeko"
Sumar Mugimenduak salatu duenez, Eusko Jaurlaritzak "dena ondo doala esaten digu, baina kea saltzen ari zaizkigu". Hori dela eta, euskal herritarren "benetako kezkak" jasotzeko inkesta ireki bat martxan jarriko dutela iragarri du.
EH Bilduk 60.000 etxebizitza mobilizatzea eta eraikitzea proposatu du hamar urtean, horietatik 30.000 berriak
Etxebizitzaren aldeko aliantza publiko-komunitario handia iradoki du, arrazoizko prezioak bermatzeko, euskal erakundeek, banku-fundazioek eta borondatezko gizarte-aurreikuspeneko erakundeek (BGAE) osatua, eta, horrela, Araban, Bizkaian eta Gipuzkoan etxebizitza publikoa sustatzeko.
Hauteskundeak, Andaluzian: zer du jokoan alderdi bakoitzak M17an?
Gauerdian amaituko da hauteskunde kanpaina Andaluzian. Inkesta guztiek Juanma Moreno PPko hautagaia jotzen dute irabazle, baina ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin, azken unera arte ahalegindu nahi du azken urteotan galdutako boto-emaileak berreskuratzen.
Euskadiko zerga turistikoa 6 egunekoa izango da, eta etxebizitza turistikoak gehiago zergapetuko ditu
Podemosek zazpi zuzenketa adostu ditu EAJrekin eta PSE-EErekin, tasa turistikoa "progresiboagoa, malguagoa eta udalentzat erabilgarriagoa" izan dadin.
Pradalesek Osasun ministroari egotzi dio medikuen grebaren erantzukizuna
Monica Garcia Espainiako Gobernuko Osasun ministroa defendatzea aurpegiratu dio Imanol Pradales lehendakariak Jon Hernandez Sumarreko legebiltzarkideari, medikuen greba "berak eragindakoa" izan arren.
Etxebizitza planarekin lursailak eta etxebizitza pribatuak "desjabetu" nahi dituen argitzeko eskatu dio Pradalesek EH Bilduri
Imanol Pradales lehendakariak Eusko Legebiltzarreko kontrol saioan erantzun dio EH Bilduk etxebizitza eskuratzeko krisiari buruz egindako galderari. Pello Otxandianok esan duenez, etxebizitzaren alorrean "gauza asko egin behar dira", baina "nagusia" prezioak jaistea da, "errenta ertaineko langileei benetan eskuragarriak diren etxebizitzak" eskaintzeko.
Euskadin inbertsio ekonomiko iraunkorra arintzeko legea iragarri du Pradalesek
Ekimenaren helburua "autobide arautzaile bat" sortzea da, epe administratiboak legezko berme guztiekin murriztea eta herrialdearen garapen ekonomikorako lehentasunezkotzat jotzen diren proiektuak bizkortzea ahalbidetuko duena.