Elkarrekin Podemos-IUk eta PP+Csk osoko zuzenketa aurkeztuko diote Hezkuntza legearen proiektuari
Elkarrekin Podemos-IU (EP-IU) eta PP+Cs taldeek osoko zuzenketa aurkeztuko diote Hezkuntza legearen proiektuari, bi taldeon bozeramaileek, Miren Gorrotxategik eta Carlos Iturgaizek, hurrenez hurren, gaur prentsaurrekoan iragarri dutenez.
PP+Cs taldeak aspaldi adierazi zuen Bildarratzen asmoen kontra zegoela, eta, Voxekin batera, hezkuntza itunerako oinarrien testua sinatu ez zuen talde bakarra izan zen. Ezkerreko koalizioaren haustura gaur egin da ofizial, aurretik ere Jaurlaritzaren "etengabeko urraketak" salatu baditu ere.
Eguerdian prentsaurrekoa eskaini dute Legebiltzarrean Elkarrekin Podemos-IUko Miren Gorrotxategi, Iñigo Martinez eta Isabel Gonzalez legebiltzarkideek. Salatu dutenez, Jaurlaritzaren testuak ez du iaz gehiengo zabalez onartutako hezkuntza ituna errespetatzen, itunpeko sarea "unibertsal" bihurtzen du eta agerian uzten du eskola publikoa hezkuntza sistemaren ardatza izateko Jaurlaritzak duen "borondate eza".
EP-IUren bozeramailearen esanetan, ezkerreko koalizioa "erabat etsita" dago testuarekin, baina aitortu du "iragarritako dezepzioa" dela Jaurlaritzak azken urte honetan "hainbat aldiz urratu" duelako hezkuntza hitzarmena.
Gorrotxategiren arabera, itunak jasotzen zuen legeak "beste norabide bat" eman behar ziola hezkuntza politikari, baina zirriborroak "denak berdin jarraitzearen alde egiten du, eta kontzertazio unibertsala blindatzera dator". Horren esanetan, itunpeko ikastetxeei ezartzen zaien "benetako baldintza bakarra" sexuen araberako bereizketarekin amaitzeko konpromisoarekin bat egitea da.
Testuak itunpeko ikastetxeak "modu orokorrean eta anbiguoan" aipatzen dituela deitoratu du Gorrotxategik eta ez duela kontzertazioa baliorik gabe uzteko xedapenik gehitzen.
Gainera, lege proiektuari "segregazioarekin amaitzeko" konpromisoa falta zaiola uste du. Azaldu duenez, bere kontrako "balizko itun" bat jasotzen badu ere, ez du "neurri zehatzik" aipatzen. Segregazioaren aurkako borroka "etorkizunera atzeratzen da", gaineratu du.
Ikastetxe publikoek eta itunpekoek osatutako Euskal Hezkuntza Zerbitzu Publikoa kritikatu du, "ezin direlako bi sareak berdin tratatu, ez delako haren hitzetan gauza bera eskola publiko bat eta diru publikoarekin finantzatutako hezkuntza zentro bat. "Lege proiektu honetan titulartasun publikoa ez da garrantzitsua", salatu du Gorrotxategik.
"Testu orokorregia da, ez du ezer zehazten, ez dago eskola publikoa eta segregazioaren aurkako borroka indartzeko edukirik", gaineratu du. Halaber, iragarri du Elkarrekin Podemos-IU ez dela joango arratsaldean egingo den hezkuntza itunaren jarraipen batzordearen bilerara.
Hezkuntza Legearen proiektuak larrialdi nazionala sortzen duela ohartarazi du Carlos Iturgaizek
Carlos Iturgaiz Euskadiko PPko presidentearen iritziz, Hezkuntza Legearen proiektuarekin "larrialdi egoera nazionala sortzen da euskara inposatu eta gaztelera erbesteratzen delako".
Lege proiektua "aberrazioa, eskandalua eta gaztelaniaren kontrako atentatua da", Euskadiko PPko presidentearen esanetan. Horrez gain, esan du EH Bilduren "aginduetara" EAJk eta PSE-EEk bultzatutako testua izan dela.
PSE-EEk lege proiektuaren edukia kritikatu izana "hauteskunde giroko itxurakeria" besterik ez da bere esanetan.
Bestalde, Iturgaizek iragarri du "hartu beharreko neurriak" hartuko dituztela, Konstituzio Auzitegira joko duten argitu gabe.
Albiste gehiago politika
Epaileak ez du Cerdan aske utziko, frogak suntsitzeko arriskua dagoela argudiatuta
Hala ere, aurreratu du "aurreikuspenen arabera" prebentziozko espetxealdia ez dela aurten baino gehiago luzatuko.
Diez Antxustegi: "PP galduta dago eta EH Bildu ezkutatuta"
Joseba Diez Antxustegi EAJren bozeramaileak EH Bilduren "anbiguotasuna" kritikatu du, eta "konpromiso zehatzik" ez duela hartzen aurpegiratu dio.
Pello Otxandianok estatus berri bat adosteko "erabateko eta mugarik gabeko konpromisoa" eskaini dio lehendakariari
EH Bilduko Legebiltzarreko bozeramaile Pello Otxandianok bat egin du lehendakariak “garai ilunen” mehatxuaren inguruan egindako diagnostikoarekin. Ildo horretan, azpimarratu du EH Bildu prest dagoela, “mugarik gabe”, Euskal Herriaren eta euskal gizartearen defentsan lankidetzan egiteko: “Lehendakariak eta gobernuak gure erabateko kolaborazioa izango du testuinguru historiko honi aurre egiteko”.
Andueza: "Ez diogu aterik irekiko independentziari bide emango liokeen Estatutuaren erreformari"
Eneko Andueza PSE-EEren bozeramailearen ustez, "Estatutu berri bat ahalbidetu behar dugu, 46 urte hauetan garatu ahal izan ditugun aurrerapen guztiak jaso eta beteko dituena", eta pilota EAJren eta EH Bilduren teilatuan dagoela azpimarratu du.
PPk Jaurlaritzari leporatu dio ezkerrera egin izana
Javier de Andres Euskadiko PPko presidenteak adierazi duenez, "Euskadik arazo larria du ezker erradikalarekin". "Pradales jauna, EAJrekiko oso urruti gaude, eta hori ez da autogobernuarekiko dugun interpretazioagatik, baizik eta EAJk ezkerrera egin duen bideagatik, Bilduren eta PSEren presioei men eginez".
Jon Hernandez (Sumar): "Estatutuaren inguruko eztabaida ezin da modu abstraktuan egin, eskumenak nola erabiltzen diren ikusi behar da”
Politika orokorreko osoko bilkuraren arratsaldeko saioan, Sumarreko legebiltzarkideak ohartarazi du estatutu berriari buruzko eztabaida autogobernuaren benetako erabileran eta dauden eskumenetan oinarritu behar dela. Hernandezek azpimarratu du jokoan dagoena ez dela soilik legegintzaldi bat, Euskadik krisi klimatikoari, prekarietateari, desberdintasun sozialari eta etxebizitzari erantzuteko duen gaitasuna baizik.
Vox: "Langabezia-prestazioen kudeaketaren eskualdatzea txiringito berri bat sortzeko aitzakiarik onena izango da"
Amaia Martinez Voxeko legebiltzarkideak abiatu du Politika Orokorreko Osoko Bilkuraren arratsaldeko saioa. Migrazioaren gaia hizpide izan du behin eta berriz, eta Pradalesen Gobernuaren lehen urteari buruz "oso emaitza kezkagarriak" eman dituela esan du.
Sortuk bi pankarta eskegi ditu Cuelgamurosen, autodeterminazio eskubidea aldarrikatzeko
“Gora Euskal Herria askatuta” irakur daiteke pankarta batean, eta bi guardia zibilik ikus daitezke bestean, pertsona bat fusilatzen.
Vianako Printzea erakundeak bide eman dio Iruñeko Erorien Monumentuaren erreformari
Monumentuari buruzko xedapen espezifiko bat sartzeko memoria historikoaren araudia aldatu zuen Foru Legean oinarritzen da erabakia. Lege horrek monumentuari esanahi berri bat ematea derrigortzen du, haren erabilerak hezkuntza eta memoria demokratikorako helburuetara mugatzen ditu, eta frankismoa goraipatzeko elementuak kentzea ezartzen du.
Lehen Mailako Arretarako psikologo gehiago eta nerabeei zuzendutako ongizate-programa pilotu bat iragarri du Pradalesek
Emozioekin eta osasun arloarekin lotutako zenbait neurri zehaztu ditu lehendakariak Politika Orokorreko Osoko Bilkuran, "ongizatea euskal kontratu sozial berriaren parte izan behar delako".