Aintzane Ezenarro: "Mota guztietako indarkeria, ETArena barne, kritikatzeko gai izan beharko ginateke"
"Mota guztietako indarkeria, ETArena barne, kritikatzeko gai" izateko beharraz aritu da Aintzane Ezenarro Eusko Jaurlaritzako Memoriaren, Bizikidetzaren eta Giza Eskubideen Gogora Institutuaren zuzendaria, igande honetan Radio Euskadiko "Cronica de Euskadi Fin de Semana" irratsaioan eskainitako elkarrizketan. Dena dela, deitoratu duenez, "sentsibilitate politiko guztiak ez dira ETA kritikatzeko gai".
"Iraganari begirada kritikoa" egitea proposatu du Ezenarrok. ETAk bere ekintza armatua amaitu zuenetik ia 12 urte igaro diren honetan, "zintzotasun ariketa egiteko denbora nahikoa pasa da", Ezenarroren hitzetan. "Gertatutakoaren zergatiaren inguruan hausnarketa egin behar dugu, non geunden eta zertarako balio izan du hainbeste indarkeriak", adierazi du.
Kritika ezker abertzaleari
Zentzu horretan, ezker abertzaleari zuzendu zaio leporatuz ez duela "indarkeriak eragindakoaren gainean hausnarketarik egin". "Mota guztietako indarkeria kritikatzeko gai izan beharko ginateke: Estatuarena eta ETArena. Baina sentsibilitate politiko guztiak ez dira ETA kritikatzeko gai", deitoratu du. Hori dela eta, "zoru etiko komuna pendiente dugu. Arrazoi politiko batek ere ez du pertsona baten heriotza justifikatzen, eta oinarrizko ideia hori partekatu beharko genuke guztiok".
"Biktimak aintzat hartu behar ditugu, egun ditugun baino askoz gehiago", jarraitu du Ezenarrok", "horiek iraintzen jarraitzen dugulako askotan, berriro biktima egiten, alegia", ETAko kideak giza-eskubideen urraketen biktima gisa hartzen zituzten oroimen webguneei aipamena eginda. "Hausnarketa horretatik abiatuta, akats gutxiago egingo genituzke", ondorioztatu du.
Balizko hobi komun berria Zornotzan
Azkenik, hiruzpalau gudarirenak izan litezkeen hezurrak Zornotzako hilerrian aurkitu berri dituztela iragarri du Gogora Institutuko zuzendariak. "Agirre lehendakariaren garaiko txanponak ere aurkitu ditugu", azaldu du. Litekeena da gudari horiek gerra zibilean hil izana, eta geroago hilerri horretan lurperatuak izatea. Hobi komun bat ote den ikertzen ari dira, eta identifikatzeko lanei ekingo diete, ahal den neurrian, hezurrak senideei itzultzeko helburuz.
Orduñako eta Begoñako hobiratzeei buruz, Ezenarrok esan du datozen hilabeteetan hilotz gehiago identifikatzeko gai izango direla, DNA bankuan gordetako laginei esker.
Zure interesekoa izan daiteke
Zapaterok errekurritu egin du haren kontuak eta haren gertukoenak ikertzeko epaileak emandako agindua
Espainiako Gobernuko presidente ohiaren defentsak ohartarazi duenez, banku-kontuak ikertzeko baimen "orokor" batek "ikerketa prospektibo" bati bide eman diezaioke.
Espainiako inteligentzia zerbitzuek ez zuten Ceutako krisiaz ohartarazi, Gobernuaren arabera
Elma Sainz bozeramaileak ukatu egin du CNIren txostenik egon zenik.
Etxebarriak defendatu du Gasteizko Udala izan zela diskoteketako atezainen legea indartzeko eskatzen aurrena
Kerman Villate gaztearen gurasoek egindako adierazpenen ondoren, Maider Etxeberria Gasteizko alkateak ez du barne ikerketaren inguruan ezer esan. Soilik esan du Udalak "berehala" erantzun zuela, Eusko Jaurlaritzari diskoteketako segurtasun-langileen gaineko araudia indartzeko eskatuz, eta heriotza ez zela "inoiz gertatu behar izan" gaineratu du.
Hondartzetan mobilizazioa egin dute atzera ere Sarek eta Etxeratek, ETAko preso guztiak etxera itzultzea aldarrikatzeko
Ehunka pertsona bildu dira Bizkaiko eta Gipuzkoako 11 hareatzetan, oraindik ere erregimen itxian dauden presoei espetxe politika arrunta aplikatzea eskatzeko.
"Muga zabalik", "Haraga Ceuta": horrela hauspotu zuten sare sozialek Ceutako sarrera masiboa
Sare sozialek berebiziko garrantzia izan zuten milaka gazte Ceutan sartzera animatzeko orduan.
Ceutan, desagertutako senideen bila ari dira familia ugari, eta gorpuak identifikatzeko toki bat ireki dute
Oraingoz, 72 hildako zenbatu dituzte, baina urpekariek gorpu gehiago aurkitu dituzte.
Ceutako muga normaltasuna berreskuratzen ari da pixkanaka, baina hildakoak 67 dira jada
Migratzaile batzuek esan dute berriro saiatuko direla, eta "Poliziaren estrategia" kritikatu dute, saltokiei ixteko eskatu dietelako. 50.000 etorkin inguru itzuli dira Marokora.
Zergatik alda dezake hesi berriak Ceutako mugaren kudeaketa?
Azpiegitura berriak 500 metro ditu, eta berehalako itzulketen inguruko auzi juridiko bati erantzun nahi dio.
Marlaskaren arabera, Maroko "ez da mehatxua", eta Ceutara iritsitako migratzaileek ezingo dute euren egoera erregularizatu
Barne ministroak adierazi du Espainiako Gobernua lanean ari dela uztailaren 30ekoa bezalako sarrera masiborik berriro gerta ez dadin, baina onartu du ezin duela bermatu halakorik berriro ez gertatzea.
Sanchezek EBko Barne ministroen premiazko bilera eskatu du, Ceutako migrazio krisiaren harira
Espainiako Gobernuko presidenteak "kezka larria" helarazi dio Ursula von der Leyeni Europako zenbait gobernuren erreakzioagatik, eta Italiak iragarritako mugen itxiera gogor kritikatu du.