EAJk eta EH Bilduk ertzainak gizarteari egiten ari zaizkion "xantaia" eta "pultsua" salatu dituzte
EAJk eta EH Bilduk larunbat honetan salatu dute ertzainak "xantaia" eta "pultsua" egiten ari zaizkiola gizarteari, lan-baldintzak hobetzeko protestetan. PSE-EEk eta Elkarrekin alderdiak, berriz, elkarrizketaren alde egin dute, agenteen eta Segurtasun Sailaren arteko gatazka konpontzeko. PPk, bere aldetik, salatu du Gobernuak "porrot" egin duela "12 urte hitzarmenik gabe" daramaten agenteen lan-egoeraren kudeaketan.
Radio Euskadiko Parlamento en las Ondas saioan egindako eztabaida batean, legebiltzarkideek Eusko Jaurlaritzako Segurtasun Sailaren eta Ertzaintzako sindikatuen artean sortutako egoera aztertu dute, ostiraleko emaitzarik gabeko bileraren ostean.
Horren harira, Leixuri Arrizabalaga EAJko legebiltzarkideak esan du "pena" ematen duela Ertzaintzako profesionalen egoerak eta jarrerak. Soldata hobetzeari edo beste edozein arlori dagozkion aldarrikapenak "zilegitzat" jotzen dituela adierazi ondoren, ohartarazi du "xantaia" dela eta ez dela onargarria.
Ordezkari jeltzaleak gogorarazi duenez, Eusko Jaurlaritzak 37 hobekuntza-neurri proposatu ditu, eta sindikatuek neurri horiei buruz hitz egitea baztertu izana gaitzetsi du. "Mahai gainean jarri duten afera bakarra soldata igoera da, badakitenean legez kanpokoa dela eta ezin dela egin".
Bestalde, Nerea Kortajarena EH Bilduko legebiltzarkidea bat etorri da EAJko ordezkariarekin, lan-arlokotzat ez, baizik eta politikotzat jo duen gatazka batean Ertzaintza "xantaia" eta "pultsua" egiten ari dela salatzeko.
Era berean, "haserre" agertu da Josu Erkoreka Segurtasun sailburuak ertzainei 18 milioi euroko eskaintza ipini dielako mahai gainean, egoitzetako langileek greba egun ugari egin dituztenean eta "zainketen balioa eta zaintzen gaituztenak zaintzearen garrantzia beti alde batera utzi direnean".
Bestalde, Ekain Rico PSE-EEko legebiltzarkideak adierazi du irtenbidea "elkarrizketari eustea" dela, eta galdetu du zein akordiotara irits daitekeen "mahai batean ez bazaude eta elkarrizketa uzten baduzu".
Uste du "agerikoa" dela azken urteotan Ertzaintzaren lan-harremanek "okerrera" egin dutela, eta Segurtasun Sailak planteatutako 37 neurriak "positiboak" direla.
Elkarrekin Podemosen aldetik, Isa Gonzalez legebiltzarkideak azpimarratu du Ertzaintzaren lan-akordioak dagoeneko berrikusita behar lukeela, baina adierazi du ertzainek eskatutako soldata-igoera "errealitatetik kanpo" dagoela.
Halaber, defendatu du gatazka sindikatuetako negoziazio-mahaietan bideratzea, "legitimoki aukeratutako" ordezkarien bitartez, "horiek baitira hitza hartu behar dutenak". Era berean, salatu du "demagogian" ari dela erortzen 'Ertzainak indar bidez' deritzon mugimendu asindikala, eta aurpegiratu du mugimendu horretako ordezkariek jarrera "mehatxagarria eta harroputza" erakutsi dutela, "anonimoak direlako eta hedabideetan hitz egiten dutenean ez dutelako aurpegirik ematen".
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.