Europako justiziak immunitatea kendu die Puigdemonti, Comini eta Ponsatiri
Eurodiputatu gisa dagokion immunitatea kendu dio Europako Auzitegi Orokorrak Carles Puigdemont Kataluniako presidente ordeari. Halaber, immunitatea galduko dute Toni Comin eta Clara Ponsati Generalitateko kontseilari ohi eta JxCATeko beste bi eurodiputatuek ere.
Kataluniako presidente ohiak eta kontseilari ohiek jarritako helegitea atzera bota du Europako Auzitegi Orokorra, Auzitegi Gorenaren eskaera onartuz, Espainian noizbait prozesu independentistaren auziagatik epaitu ahal izateko.
Puigdemontek, Cominek eta Ponsatik erabakia baliogabetzea eskatu zuten, Auzitegi Gorenak hori eskatzeko eskumenik ez duela eta Kataluniako Justizia Auzitegi Nagusiak epaitu behar dituela uste dutelako.
Hala ere, erabakia ez irmoa eta helegitea jar dakioke Europako Justizia Auzitegian, eta Puigdemontek iragarri du errekurtsoa aurkeztuko dutela.
"Hemen ez da ezer amaitzen, alderantziz. Dena aurrera doa. Helegitea aurkeztuko dugu Europako Justizia Auzitegian eta gure oinarrizko eskubideak, kataluniarrenak eta europarrenak ere badirenak, azkeneraino defendatuko ditugu", azpimarratu du Twitterreko bere kontuan argitaratutako mezu batean.
Europako Auzitegi Orokorraren erabakia baloratzeko Bruselan eskaini duen prentsaurrekoan, Puigdemontek aitortu du ez zuela erabaki hori espero, baina helegitea aurkeztuko dutela. Immunitatea galduta, Kataluniara itzultzea "lehen bezain urrun edo hurbil" dagoela nabarmendu eta datorren astean Estrasburgora joango dela gaineratu du, Europako Parlamentuaren osoko bilkuran parte hartzeko.
Gonzalo Boye abokatuak, bere aldetik, kautelazko neurriak eskatuko dituztela adierazi du behin betiko ebazpena iritsi bitartean. Kasu horretan, Pablo Llarena Auzitegi Goreneko epaileak euroagindua igorrita ere, babestuta egongo lirateke.
Erreakzioak
Pere Aragones Kataluniako Generalitateko presidenteak babesa helarazi die Puigdemont, Comin eta Ponsatiri, eta Europan oraindik bidea dagoela egiteko ziurtatu du. "Errepresioaren aurrean, erreferenduma antolatzea ez dela delitua defendatzen jarraitzen dugu", adierazi du Twitterren zabaldutako mezu batean.
Isabel Rodriguez Espainiako Gobernuko bozeramailearen iritziz, TGUEren ebazpenak "Gobernuaren jarrera berresten du, eta Europako erakundeak eta Europako Parlamentuaren ebazpena babesten ditu".
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.