Solana: "Erronka nagusia da hiruko gobernua ez dadila izan Chiviteren gobernua, aldebakarrez jokatuko duena"
Adostutakoarekin "gustura" eta, batez ere, bere "kontzientziarekin lasai" dago Maria Solana Geroa Baiko parlamentaria, Nafarroako Gobernu berria osatzeko negoziazioetan "nafarren interesak azkenera arte sutsu defendatu" dituelako. Aitortu du hirukoa berretsiko duten taldeen —PSN, Geroa Bai eta Zurekin Nafarroa— arteko ezadostasunak "asko" eta "potoloak" direla, baina bere koalizioak datozen lau urteetan "bake politikoa eta egonkortasuna" bilatuko dituela. Solanaren hitzetan, itunean jasota geratu den aniztasuna errespetatzea izango da erronka, eta ez PSNk "aldebakarrez" jokatzea. "Hiruko gobernua ez dadila izan Chiviteren gobernua", zehaztu du.
Luzeak izan dira negoziazioak, eta korapilo asko askatu behar izan dituzte akordioa sinatzeko bidean, Solanak azaldu duenez. "Oposizioan geratzea" ere ez omen du baztertu koalizio abertzaleak, baina "PSN mugiarazteko edota geldiarazteko, Geroa Bai gobernuan egotea zein inportantea den ikusi behar da". "Azken lau urteak oso gogorrak izan dira, oso kritikatuak izan gara, eta hauteskundeetan zigortuak. Baina oso garrantzitsua da gure papera Nafarroako Gobernuan. Zer egiteko gai da PSN gu gabe?", galdetu du.
Agertoki horretan, "kontrol mekanismoak indartzea izan da guretzat hasiera hasieratik lehentasuna", akordioan jasotakoa "betetzen ari dela berma dadin". Aurreko legealdian adostutako puntuetako asko ez zirela bete adierazi du, "eta PSNk berak ere aitortu du hori". Horregatik, uste du "autokritika egitea eta arazoak onartzea" ondo dagoela, baina harago joan behar dela nahitaez, "kontrola zorroztuta, arazoak izanez gero lehenbailehen esku hartzeko".
Ezadostasunen artean, bereziki nabarmendu ditu euskararen alorrekoak. "2010eko PSN baino urrunago dago euskaratik egungo PSN", adierazi duenez. "Kezka" agertzearekin batera, akordioan euskara sustatzeko "aurrerapausoak" badirela gehitu du. "Esaterako, hezkuntzan defendatu dugu eta hala jasota geratu da euskarazko ereduan matrikulatzeko eskaera guztia kontuan hartuko dela. Borondate hori jaso dugu behintzat", zehaztu du. Nolanahi ere, "zonifikazioa gainditzeko" Euskararen Legea aldatzea ez dute lortu.
Gaur bildu dira PSNko, Geroa Baiko eta Zurekin Nafarroako ordezkariak EH Bildukoekin akordio azaltzeko. Solanaren hitzetan, "ez da inongo eskaintzarik egongo", hori Maria Chivite sozialistak behin eta berriz "errepikatu" duenez. "Horretan bai izan da irmoegia PSN", nabarmendu du.
Azkenik, Geroa Baik bere gain hartuko dituen lau kontseilaritzak nork gidatuko dituen erabakitzeke dutela ziurtatu du.
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.