Chiviteren inbestidura saioa datorren astelehen eta asteartean izango da azkenean
Maria Chivite sozialista Nafarroako Gobernuko presidente berriro izendatzeko inbestidura saioa astelehenean eta asteartean izango da azkenean, abuztuak 14an eta 15ean, eta ez asteburu honetan, Unai Hualde Foru Parlamentuko presidenteak proposatu bezala. Hala jakinarazi du Ganberako Mahaiak eta Bozeramaileen Batzordeak gaur goizean. Astelehen goizerako deitu dute hitzordua, 09:30erako.
Araudiaren arabera, Parlamentuko buruak inbestidurarako proposamena Mahaiari helarazten dionetik saioa egiten denera arte gutxienez hiru eguneko tartea izan behar da. Hualderen proposamenak ez zuen epe hori errespetatzen, eta UPNk, PPk eta Voxek araudia ez urratzeko eskatu dute. Egoera aztertuta, Bozeramaileen Batzordeak bilkura datorren asterako deitzea erabaki du, epeak murriztu gabe.
Gauzak horrela, eta gaur bertan EH Bildu abstenitu egingo dela baieztatu ondoren, Chivite asteartean aukeratuko dute presidente, bigarren bozketan, gehiengo soilarekin. Lehenengo bozketa astelehen arratsaldean egingo da, eta hor gehiengo osoa beharko luke.
Saioa egiteko egunaren inguruko erabakia iritsi aurretik, Radio Euskadin goizean egindako elkarrizketan, Ramon Alzorriz PSNko Antolakuntza idazkariak mahai gainean jarri du saioa datorren astean egiteko aukera. "UPNren kasketagatik egun bat atzeratu behar bada, atzeratu egingo dugu", azaldu du.
Negoziazio luze eta korapilotsuak izan ostean, astelehenean itxi zuten PSNk, Geroa Baik eta Zurekin Nafarroak datozen lau urteotarako gobernu-ituna.
Ondo bidean, asteartean izendatuko dute Chivite presidente
Nafarroako Parlamentuak ohar bidez azaldu duenez, astelehen goizeko saioa hautagaiaren hitzaldiarekin abiatuko da. Buruzagi sozialistak osatu nahi duen gobernuaren programa politikoa azalduko du, denbora mugarik gabe, eta Parlamentuaren konfiantza eskatuko du.
Arratsaldean, 16:30ean, berrabiaraziko dute saioa. Parlamentuko taldeen ordezkariek hartuko dute hitza, gehienez ere 30 minutuz, taldekide kopuruaren araberako hurrenkeran, handienetik txikienera. Chivite nahi beste aldiz mintzatu ahalko da. Dena delako ordezkariari bakarka erantzuten badio, horrek ihardesteko eskubidea izango du, eta baita berriro erantzuteko ere, 10 minutuz.
Eztabaida bukatutakoan, 18:30 aldera egingo dute bozketa. Hautagaiak gehiengo osoa behar du: 26 boto. Hautagaiak beharrezko babesa lortuz gero, presidente izendatuko dute. Gehiengorik lortu ezean, ordea, 24 orduren buruan egingo dute bigarren bozketa: asteartean, 18:30 aldera. Bigarren horretan, nahikoa da gehiengo soila (baiezkoak ezezkoak baino gehiago izatea). Dena ondo bidean, Chivite astearte arratsaldean hautatuko dute berriz Nafarroako presidente.
Ganberak konfiantza ematen badio, Maria Chivitek hilaren 17an hartuko du kargua, 11:30ean.
Zure interesekoa izan daiteke
PSNk "erabateko errespetua" agertu dio Rodriguez Zapateroren errugabetasun presuntzioari
Esther Iso PSNko Antolakuntza idazkariak adierazi duenez, presidente ohiarekiko "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.