Pedro Rollan, Senatuko presidente PPren gehiengo osoz
Pedro Rollan hautagai popularra aukeratu dute Senatuko presidente, PPren gehiengo absolutuari esker.
Kongresua eratzeko saioarekin batera egin dute osoko bilkura hau ere. Aurretik, JxCatek eta ERCk akordio bana lortu dute PSOErekin, Francina Armengol sozialista Behe Ganberako presidente izan dadin. 10:00ak pasata hasi da XV. legegintzaldiko Senatua eratzeko saioa.
Hautetsontzi eta boto-paperen bidez egindako hiru bozketa sekretutan egin dute, Ganbera osatzen duten senatariek deituta.
Rollanek (hauteskunde orokorretan senatari bozkatuena) aldeko 142 boto lortu ditu; 114 senatarik (sozialistak, tartean), berriz, boto zuria eman dute.
PPko hautagaiak lortutako 142 botoek gehiengo osoa (130) eman diote. Izan ere, Goi Ganbera osatzen duten 266 senatarietatik 259 baino ez daude izendatuta, zazpi senatari autonomiko izendatzeke baitaude oraindik.
Senatuko Mahaiaren osaketa
PPk eta PSOEk Senatuko Mahaia osatzen duten lau idazkaritzak banatu dituzte, Javier Maroto izango delarik lehen presidenteordea.
Hirugarren eta laugarren idazkaritzak izateaz gain, PSOEk bigarren presidenteordea eskuratu du, Guillermo Fernandez Vara Extremadurako presidente ohia buru duela.
Bozketaren emaitzek Eva Ortiz PPko senatari valentziarrari eman diote lehen idazkaritza, 142 botorekin; bigarrena, berriz, Maria del Mar Blanco Madrilgo parlamentari popularrarentzat izan da, 139 botorekin.
Maria de los Angeles Luna Kordobako PSOEko senataria izango da hirugarren idazkaria, 112 botorekin, eta Francisco Manuel Fajardo Lanzaroteko senatari sozialista, laugarrena, 110 botorekin.
Bestalde, Mahaiko idazkari izateko bosgarren hautagaiak, Angel Pelayo Gordillo Voxeko senatariak, bere senatarien hiru botoak baino ez ditu lortu.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.