Abuztuaren 25a izango da talde parlamentarioak osatzeko azken eguna
Kongresuko Mahaiak ostiral honetan egin du XV. Legegintzaldiko lehen bilera, ostegunean Kongresua eratzeko batzarraren ostean, eta talde parlamentarioak osatzeko epea datorren ostiralean, abuztuak 25e, amaituko dela ebatzi du. Ondoren hilak 28an, astelehena, bilduko da Mahaia horiek sortzeko baimena emateko.
Araudiak ezartzen duenez, Kongresua eratu eta hurrengo bost egunetan osatu behar dira taldeak, baina Mahaiak astebeteko tartea eman du horretarako. Orain, alderdiek eta koalizioek euren talde parlamentarioei eman nahi dieten izena erregistratu beharko dute, eta haien bozeramaileak nortzuk izango diren jakinarazi.
PPk, PSOEk, Voxek, Sumarrek, EAJk eta EH Bilduk taldeak osatu ahalko dituzte Araudiak ezartzen dituen baldintza guztiak betetzen dituztelako.
Aitzitik, ERC eta Junts alderdiak ziurgabetasun egoeran daude; izan ere, bakoitzak zazpi eserleku izan arren, ez dute Kataluniako lau probintzietan behar diren botoen % 15 lortzen (bitan bakarrik lortu dute), ezta autonomia erkidego osoan ere. Beraz, defizit hori gainditzeko zerbait egin beharko dute.
Hala ere, alderdi independentistek talde propioak izango dituztela bermatuta daukate, Francina Armengol presidente izateko PSOErekin eta Kongresuko Mahairako hautagai aurrerakoiekin lortutako akordioei esker.
Behin Mahaiak abuztuaren 28an taldeei buruzko lehen erabakia hartzen dutenean, Ganberaren funtzionamendurako garrantzitsuak diren erabaki batzuk hartzen hasi ahalko dute, hala nola hemizikloko eserlekuen banaketa.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.