Senatuak airean utzi ditu EAJ, Junts eta ezker konfederalaren taldeak, txosten juridiko baten zain
Senatuko Mahaiak (PPk gehiengoa du) txosten juridiko bat eskatu du EAJ, Junts eta Ezker Konfederala talde parlamentarioak osatzea onartzen duen aztertzeko; izan ere, talde horiek PSOEk senatariak lagatzea behar dute hamar kide izatera iristeko, araudiak eskatzen duen bezala; beraz, momentuz, ez dira talde parlamentario bezala osatu.
Hiru talde baino ez dira erregistratu, horien inguruko zalantzarik ez dagoelako: PP, PSOE eta Independentziaren aldeko Ezkerrak (EH Bilduk eta ERCk osatzen dute).
Beraz, airean geratu da EAJk bere bost senatariekin eta PSOEk utzitako beste bostekin talde propioa osatu ahal izango duen.
Halaber, erabakitzeko dago Junts per Catalunyako hiru senatariek eta Coalicion Canaria, BNG eta Agrupacion Herreña Independiente (AHI) alderdien hiru senatariek taldea osatuko duten, PSOEk lau senatari utzita.
Azkenik, ikusteko dago Ezker Konfederala talde parlemantarioa berriro osatuko den: Mas Madrid, Compromis, Agrupacion Socialista Gomera (ASG) eta Evissa/Formentera al Senat alderdien senatariak, Geroa Baikoa (Nafarroako Parlamentuak izendatuko du, eta aurreko legegintzaldian talde horretako kide izan zen) eta PSOEk gainerakoak utzita.
Gainera, EAJk eta Ezker Konfederalak gutxienez PSOEko senatari bat taldean geratzea behar dute, euren taldeek sei kide baino gutxiago ez izateko, bestela desegin egin beharko lirateke.
Javier Maroto Senatuko Mahaiko lehen presidenteordeak azaldu duenez, senatarien lagapenak ez du zalantzarik pizten, PPk ere baliatu baitu aukera hori, baina "kasu batzuetan senatari propioak baino senatari gehiago daude maileguan", eta ez dago horren aurrekaririk.
Gainera, PPk Senatuan duen jarrera eta Kongresuan duena bereizi ditu. Kongresuan, PPk ERCren eta Juntsen taldeen aurkako botoa eman zuen, eta Mahaiaren erabakiaren aurka egitea aztertuko dute.
Horrela, PPk, Senatuan duen gehiengo osoarekin, airean utzi du EAJren eta Juntsen talde parlamentarioak eratzea. Hala ere, alderdi horiekin hitz egin nahi dute, Alberto Nuñez Feijooren inbestidurari begira.
EAJren formularen aurrekariak
EAJk PPren erabaki "politikoa" salatu du, eta, jeltzaleen ustez, EAJk proposatu duen konfigurazioa bat dator Ganberaren araudiarekin.
Hala, jeltzaleen hitzetan, Marotok azaldutako egoera ez da EAJren kasuan ematen, eta, aurrekarien inguruan, gogorarazi du IX. legegintzaldian EAJk Senatari Nazionalisten Legebiltzar Taldea osatu zuela, bere lau ordezkari eta BNGko batekin, gehi PSOEko beste bostekin.
EAJk PPri leporatu dio "gehiengo osoaren boterea erakutsi nahi izatea", eta hauteskunde orokorren emaitzen berri eman zutenetik taldeak eratzeko prozesua "atzeratzeko estrategia" bultzatu duela adierazi du.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.