EAEko Auzitegi Nagusiak Euskadiko mapa judiziala egingo du beharrak lehenesteko
EAEko Justizia Auzitegi Nagusiak konpromisoa hartu du Euskadiko mapa judiziala egiteko, beharrezko hobekuntzak atzeman, lehenetsi eta proposatzeko. Halaber, Justiziaren irisgarritasuna hobetzea jarri du erronka gisa, arrazoi pertsonalengatik edo testuinguruari lotutakoengatik irisgarritasuna zailago duten pertsonek zuzenbideaz baliatzeko eskubidea izan dezaten.
Astelehen honetan, EAEko urte judiziala abiatzekoekitaldia egin dute Bilbon, Iñaki Subijana Euskal Autonomia Erkidegoko Justizia Auzitegi Nagusiko presidentea buru zela, eta bertan azpimarratu duenez, Euskadiko justizia-sistemak "une anbibalentea bizi du".
"Makrojustizia alorrean itxaropentsu" agertu da, baina "mikrojustiziarekiko kezka" aitortu du, pertsonek formalizatutako gatazken eguneroko kudeaketari lotuta. "Erronka saihestezina da makrojustiziak mikrojustizia bustitzea", adierazi du Subijanak, "gizarte- eta ekonomia-zientziek detektatu duten zerbait saihesteko: datu makro positiboen eta errealitate mikro negatiboen arteko bizikidetza patologikoa".
Hitzaldian, Subijanak, besteak beste, Justizia "terapeutikoa" nabarmendu du, azken urteotan Adingabeen Epaitegietan patologia psikiatrikoak dituzten adingabeen kopuruak gora egin duela-eta atzemandako beharrari erantzun diezaion.
Halaber, EAEko Auzitegi Nagusiko presidenteak adierazi du "hainbat alderdi judizialetan epaiketak euskaraz egiteko proiektu pilotu bat abiatzea bideragarria ote den aztertzen" ari direla.
Bestalde, Subijanak berretsi egin du indarkeria matxista eta sexu indarkeriaren biktimak entzun, artatu, lagundu eta babesteko estrategia hobetzeko konpromisoa, eta herritarrek Justiziaren funtzionamenduarekin duten nahigabea ikusirik "ezin dugu geldirik egon", esan du. "Zuhaitz hostotsuek basoa ikustea eragotziko ez digutelakoan nago", adierazi du amaitzeko.
Zure interesekoa izan daiteke
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko ez du eperik izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko zabaldutako azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.
Garaikoetxearen pasadizo ezezagunenak: 28 egunez Gasteizko kale batek haren izena izan zuen eta telefonoa ziztatu zioten
Artxiboko hainbat datu eta erreportajek agerian uzten dituzte lehendakariaren ibilbidean oso ezagunak ez diren gertaerak. Adibidez, Gasteizko kale batek haren izena izan zuen 28 egunez eta telefono linea ziztatu egin zioten.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.
Zuzenean: Carlos Garaikoetxeari agurra, Ajuria Enean
Euskal gizartearen ordezkaritza zabala bertaratuko da Gasteizera, Ajuria Enea jauregira, Carlos Garaikoetxea lehendakariari azken agurra emateko. Besteak beste, honakoak joango dira: Imanol Pradales lehendakaria, bere aurreko hiru agintariak, Eusko Legebiltzarraren presidentea eta Mahaiko kideak. Politikari eta herritar ugari ere bertaratuko dira.