Urkulluk uste du Botere Judiziala ezin dela Estatuaren lurralde-eraketa deszentralizatutik kanpo egon
Iñigo Urkullu lehendakariak Botere Judizialaren Kontseilu Nagusia berritu ez izana kritikatu du beste behin, eta "elkarrizketa eta organo judizialen, erakundeen eta herritarren arteko lankidetza" bultzatzeko deia egin du, "Botere Judizialak ez duelako Estatuaren lurralde-eraketa deszentralizatutik kanpo egon behar".
Urte judizialari hasiera emateko ekitaldian Urkulluk adierazi duenez, "deigarria da horrek eztabaida sortzea, are gehiago kontuan hartzen bada Botere Judiziala, definizioz, botere atomizatua eta ez-bateratua dela, epaile eta magistratu guzti-guztiek osatzen baitute".
Lehendakariaren ustez, "hori ez litzateke ahaztu behar Botere Judizialaren eta haren gobernuaren egokitzapen malgua bilatzerakoan, estatu konposatu batekin bat etorriz".
Urkulluk esan du Euskadin "urratsak ematen" jarraitzen dutela hartutako konpromisoei erantzuteko; izan ere, horren esanetan, "Justizian inbertitzea ongizatean inbertitzea da". Hala, dagoeneko martxan dauden zenbait proiektu azpimarratu ditu, 2022-2028 Euskadiko Justizia Plan Estrategikoa eta 2030 Egoitza Judizial Iraunkorren Plana, besteak beste.
Inbertsioen artean, berriz, hauek nabarmendu ditu: Bilboko Justizia Jauregi berria eta Bizkaiko Probintzia Fiskaltzaren egoitza berria, Gasteizko Justizia Jauregitik gertu zigorrak kudeatzeko zerbitzuaren bulegoa eta Donostiako epaitegietatik lankidetzan aritzeko zerbitzuen etorkizuneko lokal berriak.
Aurten ere, Botere Judizialaren Kontseilu Nagusia blokeatuta dagoela ekin dio Justiziak urteari. BJKNk ia bost urte daramatza jardunean. PPk Botere Judizialaren Kontseilu Nagusia berritzeko blokeoa jarri duenez, organoak behin-behinean jarraitzen du, nahiz eta Europako Batzordeak eta Europako Kontseiluak ohartarazi duten Botere Judiziala jardunean egoteak kinka larrian jartzen duela demokrazia.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.