Sanchezek "zuhurtzia" eskatu dio Feijoori, eta “kaleak astintzeko egiten ari den saioa baretzeko" esan dio
Joan den asteazkenean abiatu zuen Pedro Sanchez Espainiako Gobernuko jarduneko presidente sozialistak bilera erronda, bere inbestidurarako babes bila. Yolanda Diaz Sumarreko buruarekin bildu zen aurrena, eta gaur Alberto Nuñez Feijoo PPko ordezkaria hartu du. Aurreikusita bezala, ez da adostasunik egon, eta Sanchezek ez dio ezta eskatu ere egin Feijoori inbestidurarako babesik. Uztailaren 23ko hauteskundeen emaitzak errespetatzeko galdegin dio.
Ia ordubete iraun duen bileraren ondotik, Patxi Lopez PSOEren Kongresuko eleduna agertu da hedabideen aurrera, batzarraren nondik norakoak azaltzera. Horren hitzetan, Sanchezek "zuhurtzia" eskatu dio Feijoori, eta "kaleak astintzeko egiten ari den saio etsia baretzeko" esan dio. Sozialistek uste dute PPk liskarra sustatu nahi duela kalean, ekimen ezberdinen bidez.
Feijoo ere agertu da prentsaurrean, eta, hark salatu duenez, independentisten sostengua jasotzearen truke zenbat ordaintzeko prest dagoen galdetu dionean, eufemismoekin erantzun dio jarduneko presidenteak. Ildo horretan, urtarrilaren 14rako hauteskundeak deitzeko eta amnistiaren aurrean herritarren iritzia zein den jakiteko esan dio.
Bihar BNG eta EAJ alderdietako ordezkarien txanda izango da. Hain zuzen, 11:30ean Nestor Rego BNGko diputatuarekin elkartuko da Sanchez, eta 13:00etan, Aitor Esteban jeltzaleek Madrilen duten bozeramailearekin.
Bi alderdiok aurrez esana dute PSOErekin negoziatzeko eta Sanchezen inbestidura babesteko prest daudela, betiere Euskadirako eta Galiziarako dituzten eskariak kontuan hartzen badira.
Zure interesekoa izan daiteke
Epaileak ukatu egin dio Begoña Gomezi NATOren goi-bilerara joatea, baina Londresera bidaiatzeko baimena eman dio
Gomezen defentsak uztailaren 7tik 10era Espainiatik irtetea eskatu zuen, NATOk Turkian egitekoa duen goi-bilerara joateko eta, ondoren, Londresera, alabaren graduaziora.
Hamasek Gazako gobernua utzi du eta Palestinako batzorde teknokrata bati eman dio boterea
Hamas desegin ondoren, organo horrek eskualdea kudeatu beharko du, su-etenean jasotako jarraibideei jarraituz.
Lehendakari bat aurrenekoz txupinazoan: "Beste herritar bat bezala, kalean ibiltzea da nire helburua"
Lehen aldia da jardunean dagoen lehendakari bat San Fermineko txupinazoan udaletxean dagoela gonbidatu gisa eta ETBko saio berezian izan da. "Jendeak gozatzea, bakean eta errespetuz", hori espero du Imanol Pradalesek.
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".