Itxita jarraitzen duten mugako lau pasabideak urriaren 30ean irekiko dituztela iragarri du Frantziak
Julien Charles Pirinio Atlantikoetako prefetak iragarri duenez, Ipar eta Hego Euskal Herriaren arteko mugan itxita jarraitzen duten lau pasabideak urriaren 30ean irekiko ditu Frantziako Gobernuak. Horrela, Hendaiako Avenida zubia, Izpegiko lepoa eta Aldudeko eta Larraingo pasabideak berriz zabalduko dituzte, bi urte baino gehiagoz itxita egon ondoren.
Bederatzi pasabide blokeatu zituzten 2021eko urtarrilaren 14n, eta egun lauk jarraitzen dute itxita: Izpegiko pasabidea (baigorritarrek erabiltzen dutena), Iturzaeta (larraindarrentzat), Kintokoko muga-puntua (Aldude eta Urepeleko herritarrentzat ezinbestekoa) eta Hendaiakoa. Akaso, azken hau izango da joan-etorri gehien hartzen dituena eta, hortaz, oztopo gehien sortu dituena.
Espainiak eta Frantziak lantalde bat sortzea adostu zuten 2023ko urtarrilaren 19an, bi estatuetako segurtasun indarren talde bateratuak sortzeko eta mugako pasabideak berriro zabaltzeko. Frantziako Gobernuak segurtasun arriskuak argudiatuz itxi zituen pasabideak.
Kotte Ezenarro Hendaiako alkatea prefetarekin bildu zen 2023ko otsailean, eta Jean Dominique Iriart Larraingo auzapezak gutuna idatzi zion prefetari, blokeoa kentzea exijitzeko. "Schengengo Ituna bera urratzen dute, askatasuna zalantzan dago", esan zuen.
2022ko azaroaren 30ean, oraindik zortzi pasabide itxita zirenean, Pirinioetako Lan Elkartea osatzen duten zazpi lurraldetako ordezkariek (Euskadi, Nafarroa, Akitania Berria, Okzitania, Katalunia, Aragoi eta Andorra) muga zabaltzea eskatu zieten Espainiako eta Frantziako Gobernuei.
Albiste gehiago politika
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kentzeagatik". Hitzok esan ditu alkateak Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.