Espainiari "egonkortasuna, bizikidetza eta aurrerapena" eskaintzeko akordioa itxi dutela esan du Sanchezek
Pedro Sanchez Espainiako Gobernuko jarduneko presidenteak azaldu duenez, akordio berri bat sinatu dute Sumarrekin, "espainiarrei egonkortasuna, bizikidetza eta aurrerapena" eskaintzeko.
Buruzagiak azken legealdian egindako lana aldarrikatu du, Gobernu "aurrerakoia" berriz errepikatzeko, Sumarren eta PSOEren arteko itun berria sinatzeko ekitaldian. "Bi egun eman zizkiguten, bost urte eman ditugu eta beste lau egongo gara", adierazi du agintariak.
Bere hitzaldian, Sanchezek bi indar politikoetako negoziazio taldeak zoriondu ditu. Horren ostean, agintariak gogorarazi du duela bost urte Mariano Rajoyren aurkako zentsura-mozioarekin "Espainiak norabidea aldatu" zuela, "hamarkada batez krisiari aurre egiteko politikak huts egin ostean". "Gure herriak itxaropenez begiratu zion berriro etorkizunari", aldarrikatu du.
Jarduneko presidentearen ahotan, koalizio gobernuak "historiako nazioarteko testuinguru zailenetako bati" aurre egin behar izan dio. Zentzu horretan, covid-19aren pandemia eta haren biktimak gogorarazi ditu. Hala ere, "pandemiaren krisia ezohiko abiaduran gainditu dugu", eta Exekutiboak erronka horiei "erantzukizunez" erantzun diela uste du.
Hala, Sanchezek nabarmendu du gaur egun ia 10 milioi emakumek egiten dutela lan Espainiako Estatuan, "gure herriaren historian sekula ikusi ez dugun zerbait". Onartu duenez, "asko dago egiteko", baina azpimarratu du urtebetean behin-behinekotasuna murriztu egin dela. Era berean, pobrezia murriztu dela azpimarratu du.
Larrialdi klimatikoari dagokionez, buruzagiak ziurtatu du berriztagarrien potentzia % 78 handitu dela azken legealdian, ibilgailu elektrikoen kopurua hirukoiztu egin dela eta berotegi-efektuko gasen isuriak % 14 jaitsi direla.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.