Polizia gehiegikerien balorazio batzordeak beste 66 biktima aitortzeko eta erreparatzeko proposatu du
Polizia gehiegikerien 12/2016 Legearen bidez sortutako Balorazio Batzordeak bere hirugarren txostena argitaratu du gaur. Guztira, 66 espediente proposatu ditu oraingoan, biktimek aitortza eta erreparazioa jasotzeko. Horien artean, Joxi Zabala GALen biktima dago.
2022ko uztailetik 2023ko ekainera bitartean, batzordeak 131 espediente aztertu ditu; horietatik 66 onartu eta 64 atzera bota ditu, eskaera legez ezarritako epetik kanpo aurkeztu delako. Azkenik, eskatzaile batek prozedura eten, eta bertan behera uztea erabaki du.
Oraingo honetan aitortza jaso duten 66 pertsonetako 49 tratu txarren edo torturen biktimak izan dira polizia-etxeetan; 7 Poliziak edo eskuin muturreko taldeek egindako tiroen ondorioz hil ziren; 1 eskuin muturreko talde batek emandako kolpeen ondorioz hil zen, bortxatu ondoren; 4 pertsona balaz zauritu zituzten eta 1 gomazko pilota batek zauritu zuen; 3 pertsona larri zauritu ziren ostikaden edo bestelako kolpeen ondorioz; eta 1 bahitu, torturatu eta desagerrarazi ostean hil zuten.
Azken txostena astelehenean aurkeztuko dute Eusko Legebiltzarreko batzordean. Onartu ondoren, urriaren 31n egingo dute biktima horiek aitortzeko ekitaldia.
Bestalde, Batzordeak Joxi Zabalaren amaren eta anai-arreben testigantza "hunkituta" jaso zuela azpimarratu du txostenean; GALek 1983an egindako bahiketa, bortxazko desagerpen, tortura eta hilketa "izugarriaren" biktima izan zen Zabala. Hala, "publikoki ezaguna delako", kasu honetan baztertu egin dute, txostenetan egin ohi den gisara, biktimaren identitateari buruzko aipamena kentzea.
Argitu dute, halaber, Batzordeak orain arte ez duela iritzirik eman Josean Lasaren kasuari buruz, haren senideek ez zutelako eskaerarik aurkeztu arauak aurreikusitako epean (2021eko abenduan amaitu zen). Epea igarota, hala ere, jakin badakite eskaera bat aurkeztu dela horren ildotik, eta, horregatik, uste dute berriro ireki beharko litzatekeela eskaerak aurkezteko epea, "biktimen alde, pertsona horiei behar bezala erantzuteko".
Balorazio Batzordeak giza eskubideen urraketen beste 46 biktima aitortu zituen iaz, eta 35 gehiago lehen txostenean.
Zure interesekoa izan daiteke
PSNk "erabateko errespetua" agertu dio Rodriguez Zapateroren errugabetasun presuntzioari
Esther Iso PSNko Antolakuntza idazkariak adierazi duenez, presidente ohiarekiko "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.