JxCatek eta PSOEk amnistiari buruzko proposamen gehiago trukatu dituzte akordioa ixteko ahaleginean
JxCatek eta PSOEk negoziatzen jarraitu dute astelehenean Bruselan, Pedro Sanchezen inbestidura desblokeatzeko akordio baten bila.
Ostiralean harremanak gelditu eta asteburu honetan negoziazioei berriro ekin ondoren, JxCateko buruzagiak Bruselako Prentsa Klubean bildu dira gaur goizean, Sofitel hoteletik 300 metro eskasera. Ostatu horretan zegoen, hain zuzen, PSOEko hirugarrena, Santos Cerdan.
EFE albiste agentziak kontsultatutako negoziazio iturrien arabera, egunean zehar bi dokumentu trukatu dituzte amnistiaren legeari buruzko akordioa ixteko, eta JxCatek eskatu du 'proces' auziarekin zuzenean lotuta ez dauden baina "disidenteei edo aurkari politikoei kalte egiteko legeen erabilera estrategikoa" dakarten 'lawfare' kasuak sartzea amnistia legean, Carles Puigdemont Generalitateko presidente ohiak atzo azaldu zuenez.
Prozesua noiz itxi dezaketen iragartzeari uko egin dioten arren, negoziazioaren iturriek testuaren dentsitateari egotzi diote prozesuaren "geldotasuna", alderdi bateko eta besteko lege-aholkulariek berrikustea eskatzen baitu, eta gaineratu dute negoziazioak "azkarrago" egingo lukeela aurrera gai politikoa soilik balitz.
Ildo horretan, erantsi dute idatziaren alde "teknikoak" orraztea falta dela, arauaren irismena eta konstituzionaltasuna jokoan daudelako.
Santos Cerdan PSOEko Antolakuntza idazkaria Bruselara joan da gaur Puigdemontekin akordioa burutzeko eta, hala, Pedro Sanchez Espainiako Gobernuko jarduneko presidentearen inbestidura ahalbidetzeko. Cerdanekin batera, Juntseko kideak ere joan dira Belgikako hiriburura; izan ere, Puigdemontekin elkartzeko asmoa adierazi dute Sanchezen balizko inbestidura baterako negoziazioak areagotzeko. Bertan dira, besteak beste, Jordi Turull alderdiko idazkari nagusia, Laura Borras Juntseko presidentea eta Carles Puigdemont Generalitateko presidente ohia.
Ingurumari horretan, PSOEko zuzendaritzak uste du "gertuago" dagoela Pedro Sanchezen inbestidura. Ildo horretan, sozialistek euren militanteen gehiengoak akordioak babestu dituela nabarmendu dute.
Sanchez Espainiako Gobernuko presidente izendatzeko PSOEren eta Juntsen arteko akordioa lortzear zirela zirudien ostegunean, baina aurreikuspenak hoztu egin ziren. Ostiralean beste bilera bat egin zuten, Bruselan, Santos Cerdan PSOEko Antolakuntza idazkariak eta Carles Puigdemont Generalitateko presidente ohi eta Junts alderdiko eurodiputatuak, Pedro Sanchezen inbestidura bermatuko zuen akordio bat ixten saiatzeko, baina bilera hori ere akordiorik gabe amaitu zen.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.