Elkarretaratze jendetsua Madrilgo Cibelesen, amnistia legearen aurka
Ehundik gora foro eta elkarte zibikok deituta, Madrilgo Cibeles plaza jendez lepo bete dute gaur amnistia legearen aurka eta Konstituzioaren alde. Mobilizazioan parte hartu dute, besteak beste, Alberto Nuñez Feijoo PPren presidenteak eta Santiago Abascal Voxen buruak.
"Ez nire izenean: ez amnistiarik, ez autodeterminaziorik. Askatasunaren, batasunaren eta berdintasunaren alde!" lelopean, antolatzaileek salatu dute Pedro Sanchezen inbestidura "ustela" izan dela, eta amnistiaz gain, erreferenduma ere aurreikusten duela. Horregatik, herritarrei parte hartzeko deia egin diete, espainiarrak "izan edo ez izan" daudelako Amnistia Legea eta PSOEk independentistekin egin dituen itunak direla eta.
Deitzaileen artean daude Foro Libertad y Alternativa, Unión 78, Foro España Cívica, Cataluña Suma, Pie en Pared, S'ha Acabat!, NEOS, Asociación por la Tolerancia, Convivencia Cívica Catalana, De Español a Español por la Constitución, OLE (Otra Ley Electoral), Resiste España, Nuevo Espíritu de Ermua eta urtarrilaren 21ean 'Espainiaren, Demokraziaren eta Konstituzioaren alde' Cibelesen beste elkarretaratze bat deitu zuten beste dozenaka elkarte.
'Sanchez espetxera', "Sanchez aberrisaltzaile traidorea' eta 'Pedro Sanchez da XXI. mendeko Judas' zioten pankartak ikus zitezkeen Madrilgo plaza ezagunean, eta "Puigdemont espetxera", "Sanchez dimisioa" eta "Gogoko dut fruta" bezalakoak entzun dira.
Alberto Nuñez Feijoo PPren presidenteak "espainiarren artean murrurik ez eraikitzeko" eskatu dio Pedro Sanchez Espainiako Gobernuko presidenteari, eta "demokraziaren alarmak pizuta" daudela ohartarazi badu ere, herritarrei "beldur" ez izateko eskatu die, Espainian sistema demokratikoa indarrean dagoelako.
Bestalde, Abascalek esan du buruzagi popularrarekin batzartu nahi duela Espainiako Gobernuko presidentearen "kolpeari" eman beharreko "erantzun instituzionala koordinatzeko".
Elkarretaratze bera Iruñean
Bestalde, milaka lagun bildu dira Iruñean ere, Nafarroako Sociedad Civil, Pompaelo eta Doble 12 elkarteek deituta, amnistia legearen eta balizko autodeterminazio lege baten aurka. Mobilizazio horretan UPNko hainbat kide izan dira, hala nola, Javier Esparza UPNko presidente bera, Alberto Catalan diputatua edo Alejandro Toquero Tuterako alkatea. PPko eta Voxeko zenbait kidek ere parte hartu dute, besteak beste, Javier Garcia popularra edo Emilio Jimenez Voxeko parlamentaria.
Zure interesekoa izan daiteke
Podemos Euskadik akordioa lortu du EAJrekin eta PSE-EErekin EAEn tasa turistikoa ezartzeko
Alderdi moreak aurreratu duenez, bihar emango dituzte itunaren xehetasunak, Donostian egingo duten prentsaurrekoan. Turismo egonaldien gaineko zergaren Foru Arauaren proiektua tramitazio bidean dago Arabako, Bizkaiko eta Gipuzkoako batzar nagusietan.
Euskadiko Gardentasun Legearen gakoak: informazio publikorako sarbidea, kontrol handiagoa eta kexa-postontzia
Gardena izeneko organo independenteak legea betetzen dela bermatuko du. Sektore publikoko administrazio, organismo eta erakunde guztiak eta pribatuak hartuko dituen jarduera-eremua izango du, baldin eta ez betetzea Euskadira mugatzen bada.
Zurekin Nafarroa: “Hautsi egin da Geroa Bairengan geneukan konfiantza”
Carlos Guzman Zurekin Nafarroaren Parlamentuko bozeramaileak adierazi duenez, Geroa Bairekin zuten konfiantza "hautsi" egin da, UPNk hezkuntza itunduaren inguruan egindako lege proposamenaren bozketan abstenitu egin baita.
Geroa Baik esku hartzeko eskatu dio Chiviteri, gobernukideak berriro adiskidetu daitezen
Pablo Azcona Geroa Bairen bozeramaileak Maria Chivite Nafarroako presidenteari eskatu dio "egoera bideratzeko, leheneratzeko, egonkortasuna bermatzeko eta gobernukideek elkar uler dezaten bermatzeko". Horretara mintzatu da, UPNk proposatutako itunpeko hezkuntzari buruzko lege proposamena onartu ostean.
Nafarroako gobernukideak banatuta atera dira legegintzaldi honetan izan den eztabaida tirabiratsuenetik
Lehen presidenteordeak biltzera deitu ditu PSN, Geroa Bai eta Contigo-Zurekin, "legealdia amaitu arte, eta gero ere bai, sinatutako konpromiso politikoa aztertzeko eta, hala badagokio, berresteko". Testuinguru horretan, "konpromisoa" eskatu die alderdiei.
Nafarroako Parlamentuak urtebeteko luzamendua onartuta, itunpeko sareko 14 ikasgelak ez dira itxiko datorren ikasturtean
UPNk bultzatutako ekimenak erregionalisten, PPren eta Voxen aldeko botoak jaso ditu. EH Bildu eta Geroa Bai abstenitu egin dira, eta PSNk eta Contigo Zurekin alderdiek kontra bozkatu dute.
Geroa Baik eta PSNk ikasgelen auzian itxitako akordioa kolokan, iragarri eta ordu gutxira
Geroa Baik ohartarazi du ez dagoela adostutakoa betzeko bermerik, PSNk "jarrera aldatu ezean". Sozialistek koalizioari eskatu diote "hausnartzeko" eta "konpromisoari eusteko".
Euskal Gardentasun Legeak aurrera egin du, oposizioaren babesik gabe
Gardentasunaren Euskal Lege berriak informazio publikorako sarbidea, herritarren parte-hartzea eta lobbyen jarduera arautuko ditu. Araua EAJren eta PSEren babesarekin atera da aurrera, eta oposizio osoak baztertu du, uste baitute ez dela nahikoa eta anbiziorik gabekoa dela.
PSNk eta Geroa Baik behin betiko hautsi dituzte hezkuntza itunen inguruko negoziazioak
PSNren, Geroa Bairen eta EH Bilduren arteko elkarrizketak hautsi egin dira Nafarroako Parlamentuan, eta ez dago akordiorik itunpeko sareko 14 unitate ixtea saihesteko. Zuzenketen bozketak erabakiko du orain UPNk hezkuntza itunen inguruan bultzatutako lege proposamenak aurrera egiten duen ala ez.
Albiste izango dira: Itunpeko ikasgelen itxierari buruzko osoko bilkura, Xi Jinping eta Donald Trumpen arteko bilera eta Orioko balea harrapatu zutela 125 urte
Gaurkoan Orain-en albiste izango direnen laburpena, bi hitzetan.