Podemosek Diazi leporatu dio beraiek Gobernutik kanpo uzteko "ezinbesteko laguntzailea" izatea
Moncloak datorren legegintzaldian Gobernua osatuko duten 22 ministroak nortzuk izango diren iragarri ondotik, espero zen bezala, Pedro Sanchezek Podemos alderdia bere kabinetetik kanpo uztea erabaki du, Yolanda Diaz bigarren presidenteordearen plataformaren mesedetan.
PSOEK bost ministerio utzi dizkio Sumarri, Podemosek aurreko legegintzaldian zituen zorroen kopuru bera, baina, oraingoan, Podemos ez da Ministroen Kontseiluko kide izango, eta Ione Belarra, Podemoseko idazkari nagusia, eta Irene Montero, kanpo geratuko dira.
Ana Redondok ordezkatuko du Irene Montero Berdintasun Ministerioan, eta orain arte Unidas Podemoseko buru izan den Ione Belarraren ministerioa, berriz, Eskubide Sozialena eta 2030 Agendarena, Pablo Bustinduyrentzat izango da.
Podemosek gogor kritikatu du erabakia, eta Yolanda Diazi leporatu dio beraiek Gobernutik kanpo uzteko Sanchezen "ezinbesteko laguntzailea" izatea", PSOE "eroso" egotea ahalbitzen duen organigrama bat sustatu duelako.
Hala adierazi dute Pablo Fernandez eta Isa Serra Estatuko bozeramailekideek prentsaurrekoan, eta adierazi dute, Sumarren aurrean autonomia mantenduko dutela Kongresuan, euren ibilbide orriak adierazi moduan.
Nacho Alvarez alderdi morearen ordezkari izateko eskaintza "trikimailu hutsa" eta "maniobra nahiko zakarra" izan zela iritzio diote; izan ere, horien esanetan, ibilbide-orri berriari buruzko kontsultan Irene Monterok Osasun Sailean errepikatzea bozkatu zuten.
Ione Belarra Podemoseko buru eta orain arte Eskubide Sozialen ministro izandakoak uste du Sumarrek Podemos ministerioetatik kanpo uztea "bidegabekeria" eta "akats politiko larria" dela.
"Gaur berretsi egin da Pedro Sanchezek eta Yolanda Diazek Podemosi betoa jartzeko hartutako erabakia. Erabaki bidegabea ez ezik, akats politiko larria ere bada ", adierazi du 'X' sare sozialean.
Zure interesekoa izan daiteke
Oscar Tellez Vox Navarrako kidea inputatu du Fiskaltzak, gorroto delitua egotzita
Salaketaren arabera, Tellezek TikTok eta Instagram plataformetan argitaratutako edukiek migratzaileen aurkako gorroto delitua sustatzen dute.
Agurainen atxilotutako adin txikikoa erregimen itxian sartzea agindu du epaileak, jihadismoarekin lotura duelakoan
16 urteko gaztea astelehenean atxilotu zuten, talde terroristako kide izatea, terrorismoa goratzea eta doktrinatzea egotzita.
PP eta EH Bildu "kezkatuta" agertu dira Getxoko Udaleko miaketarekin
Eduardo Andradek (PP) adierazi du "lotsagarria" dela Getxo horrelako gai batengatik hedabideetan agertzea. Dena argitu ondoren, "erantzukizunak eskatu beharko dira", gaineratu du. EH Bilduko Mikel Bildosola, berriz, kezkatuta agertu da, ez dakitelako kasu isolatu bat izan den edo "honen atzean gehiago dauden".
Getxoko Udalak dio "aktiboki" ari dela ikerketan laguntzen, eta "irregulartasunak" ukatu ditu
Asteazken honetan, Ertzaintzak miaketak egin ditu Getxoko Udaleko zenbait bulegotan, epailearen aginduz, herriko jauregi babestu bat eraisteari buruzko ikerketa baten barruan. Ohar batean, alkateak "gardentasun eta erantzukizun mezua" helarazi du, eta "Udalaren esku dagoen guztian, legearen arabera" jokatu dela esan du.
Ertzaintzak Getxoko udaletxea miatu du, jauregiaren auzian
Ikerketa sekretupean dago eta biharko aurreikusita zeuden deklarazioak bertan behera utzi dituzte.
EH Bilduren ustez, eztabaidak hainbeste mediatizatzen direnean atzetik "arrazoi partidistak daude, eta ez herritarren interesak"
Nerea Kortajarena EH Bilduren legebiltzarkide eta Programa idazkariak Euskadi Irratian adierazi duenez, "puntu honetara iritsita, argi geratzen da herritarren ongizatea eta eskubideak bermatzeko behar dugun instrumentu potenteena estatus politiko berri bat litzatekeela".
Francori eta Molari emandako ohorezko tituluak baliogabetuko dituzte Arabako Batzar Nagusiek
EH Bildu, EAJ, PSE-EE eta Elkarrekin Araba taldeek foru arau proposamen bat aurkeztu dute, diktadoreari eta militarrari emandako probintziako aita eta ohorezko diputatu nagusia tituluak kentzeko.
Bizkaiko Foru Aldundia Ministerioarekin negoziatzen ari da Urdaibain inbertsioa mantendu dezan, museoaren proiektua bertan behera geratu den arren
EH Bildu eta PP taldeek eskatuta Batzar Nagusietako Batzorde Instituzionalean egindako agerraldian, Elixabete Etxanobe Bizkaiko ahaldun nagusiak esan du museoen proiektua bertan behera uztea eragin zuen irizpide aldaketa "erantzukizunak" gidatu zuela, horren kontrako prozesu judizialek eta egiteke dauden tramitazioek zortzi urte inguru atzeratuko zutela egiaztatu baitzuen.
EBri Israelekin duen elkartze akordioa etetea eskatzeko, Europako Herritar Ekimena abiatu du EH Bilduk
Milioi bat sinadura bildu nahi dituzte, eta dagoeneko martxan da horretarako web orria. Datozen asteotan, berriz, koalizioko kideak herriz herri arituko dira sinadurak biltzen.
Eusko Jaurlaritzak ohartarazi du transferentzien batzordea "kolokan" dagoela, gaiek "irekita" jarraitzen dutelako
Horregatik, Maria Ubarretxena bozeramaile eta Gobernantza, Administrazio Digital eta Autogobernuko sailburuak seriotasuna eskatu dio Espainiako Gobernuari, eta bi gobernuen artean uztailean sinatutako akordio instituzionalak errespetatzeko. Gainera, adierazi du Eusko Jaurlaritza prest dagoela "azken unera arte" lan egiteko eta akordio bat lortzeko "beharrezkoak diren" orduetan.