Urkullu (EAJ), Kortajarena (EH Bildu) eta Gorrotxategi (EP), herritarrentzat gainditu duten bakarrak
Iñigo Urkullu lehendakaria (EAJ), Nerea Kortajarena EH Bilduko legebiltzarkidea eta Miren Gorrotxategi Elkarrekin Podemos-IUko bozeramailea dira Eusko Legebiltzarreko buruzagi politikoen artean herritarren balorazio onena jaso dutenak, baita gainditu duten bakarrak ere, 10etik 5,5, 5,1 eta 5eko nota lortuta, hurrenez hurren, betiere 2023ko hirugarren eta azken Soziometroaren arabera.
Eusko Jaurlaritzako Prospekzio Soziologikoen Kabineteak gaur, ostegunarekin, kaleratu du azaroko inkestaren bigarren partea. Aurrenekoan, duela astebete argitaratutako zatian, EAEko hauteskundeei begirako boto-asmoari buruz galdetu zieten herritarrei. Oraingoan, buruzagi politikoen balorazioa egiteko eta EAEko arazo nagusiak zeintzuk diren aipatzeko eskatu diete, besteak beste.
Galdeketa azaroaren 21etik 24ra egin zuten telefono bidezko 3.000 elkarrizketa eginda. Iñigo Urkullu EAJko hautagai izango ez zela jakin aurretik egin zuten, horrenbestez. Buruzagi jeltzalea da herritarren artean begikotasun handiena sortzen duen politikaria (10etik 5,5), baina bi hamarren galdu ditu aurreko inkestako notarekin alderatuta. Kortajarena ere gainditu dute herritarrek, 5,1eko notarekin (aurretik Maddalen Iriarteren balorazioa eskatu zuten), baita Gorrotxategi ere, 5 batekin, aurreko balorazioa hobetuta.
Eneko Andueza PSE-EEko idazkari nagusi eta legebiltzarkideak 4,6ko nota lortu du, hamarren bat gora eginda. Sailkapen horretan urrun ageri dira Amaia Martinez (3,7ko nota jaso du, zazpi hamarren gehitu ostean), eta Javier de Andres (2,9 atera du, Carlos Iturgaizen nota hobetuta).
Buruzagiak ez ezik, alderdi politikoak ere baloratzeko eskatu zaie herritarrei. EAJ da sinpatia gehien sortzen dituena, 10eko eskalan 5,2 puntu eskuratuta (Urkulluk lortutako nota baino lau puntu gutxiago). Ondoren ageri dira, nota onenetik txarrenerako hurrenkeran, honako hauek: PSE-EE (4,4), EH Bildu (4,2), Elkarrekin Podemos (3,7), Ciudadanos (2,0), PP (1,9) eta Vox (0,7). Nabarmentzekoa da guztiek egin dutela hobera, maiatzeko inkestan atera zuten notarekin alderatuz gero.
Lan merkatua eta Osakidetza, arazo handienak
Euskadiren arazo nagusiei dagokienez, gizartearen lehen kezka lan-merkatuarekin lotutako arazoak dira berriz ere, maiatzeko neurketarekin alderatuta garrantzia nabarmen galdu badute ere. Herritarren % 47k aipatu dute lana hiru arazo nagusien artean; maiatzean, berriz, % 56k izan zuten hori ahotan.
Tarte handi batera, osasungintza da gehien aipatzen den bigarren arazoa, herritarren % 28k aipatu baitute (maiatzean baino apur bat gutxiago izan dira). Atzetik datoz etxebizitzarekin lotutako arazoak (% 19) eta arazo ekonomikoak (% 17), aurreko inkestan baino 10 puntu gutxiagorekin.
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.