Iruñeko Udalean Ibarrolaren aurkako zentsura-mozioa adosteko bidearen gakoak
EH Bildu, PSN, Geroa Bai eta Contigo-Zurekin indarrek asteazken honetan Iruñeko Udalean Cristina Ibarrola UPNko alkatearen aurka aurkeztutako zentsura-mozioa gauzatzen joan da azken hilabeteetan, joan den maiatzaren 28ko hauteskundeen ostean, eta Nafarroako sozialistek koalizio subiranistarekin adosteko irizpide aldaketaren ondorio da.
Hauek dira Iruñeko Udalak zentsura-mozio honekin izango duen Alkatetza aldaketa ulertzeko gakoetako batzuk:
- 2019ko eta 2023ko udal hauteskundeak
2019ko udal hauteskundeetan, Enrique Maya erregionalistak lortu zuen Iruñeko alkatetza zerrenda bozkatuenaren (Navarra Suma) hautagai gisa, PSNk Maite Esporrin hautagai sozialistari botoa ematea erabaki baitzuen. Ez zen legealdi erraza izan Mayarentzat, ezin izan baitzuen aurrekontu proiekturik onartu.
Lau urte geroago, 2023ko maiatzaren 28an, Cristina Ibarrola UPNko hautagaia alkate izendatu zuten, oposizioko taldeek ezin izan zutelako akordiorik lortu; izan ere, Elma Saiz hautagai sozialistak berretsi zuen ez zituela babestuko ez UPNko hautagaia ez EH Bildukoa. Sozialistek boto zuria eman zuten.
- Adosteko gaitasun eza Iruñeko Udalean
UPNren Alkatetza ahalbidetu arren, oposizioko taldeek, PSN barne, ezer adosteko gaitasun eza leporatu diote Ibarrolari. Hiriarentzat garrantzitsuak diren proiektuetan desadostasun sakonak izan dira, eta eztabaidan zentsura-balizko mozioa egon da beti.
- EH Bilduren abstentzioa eta babesa Maria Chiviteren eta Pedro Sanchezen inbestiduretan
EH Bilduk abuztuan erabaki zuen abstenitzea Nafarroako Parlamentuan, Maria Chivite sozialistaren inbestidura ahalbidetzeko. PSNk, ondoren, koalizio subiranistarekin negoziatu ditu zerga erreformaren eta aurrekontuen proiektuak, baina ukatu egin du EH Bildurekin inbestidura edo legealdi akordioa dagoenik.
Geroago, azaroan, EH Bilduko diputatuek Pedro Sanchezen inbestiduraren alde botoa eman zuten Kongresuan, "ultraeskuinak Estatuko Gobernuan sartzea eragozteko" helburuarekin. Orduan ere ez zen inolako ordainik aipatu.
- Nafarroako Udal eta Kontzejuen Federazioko presidentetza, EH Bilduren esku
Urrian, Tafallako alkatea, Xabier Alcuaz (EH Bildu) Nafarroako Udal eta Kontzejuen Federazioko presidente hautatu zuten Ezohiko Batzar Nagusian, PSNren aldeko botoekin.
Koalizio subiranistaren lehen presidentea da erakundearen 40 urte baino gehiagoko historian, eta PSNren erabaki horretan ikusi zuten askok Iruñeko Udalean gerta zitekeenaren lehen zantzua.
- Elma Saiz, Gizarte Segurantzako ministroa
Azaroaren amaieran, Elma Saiz PSNren Iruñeko alkategaiak Inklusio, Gizarte Segurantza eta Migrazio ministro kargua hartu zuen.
Estatuko politikara egindako urratsak EH Bildurekin Iruñean lortutako akordioa erraztu duela dirudi, Saizek hauteskunde kanpaina osoan zehar azpimarratu baitzuen PSNren botoek ez zutela balioko UPNren edo EH Bilduren hautagaiak alkate egiteko.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.