Udal gobernu berrirako akordioa asteburua baino lehen iragarri dezakete Iruñean
Iruñean aurrera doaz udal gobernu berria osatzeko talde politikoen arteko negoziaketak. Bilerak etengabekoak dira EH Bildu, Geroa Bai eta Zurekin Nafarroaren artean, eta akordioa oso gertu egon liteke, negoziazio iturri ezberdinen arabera. Asteburua baino lehen iragartzea da asmoa, Txema Mauleon Zurekin Nafarroako zinegotziak aurreratu duenez. Bera da bakarra publikoki adierazpenak egin dituena.
Datarik zehaztu ez badute ere, Mauleonek adierazi du norabide egokian doazela negoziaketak. "Programaren zertzelada batzuk baino ez dira falta", esan du, eta gaineratu du hartu emanak etengabekoak izaten ari direla akordioa ahalik eta agudoen ixteko.
"Nik espero dut aste honetan prozesua amaitzeko gai izango garela. "Balorazio positiboa egiten dugu, hiria aldatzeko eta eraldatzeko anbizio handiko programa izango dela uste baitut", esan du.
Bien bitartean, baina, Iruñeak datorren urterako izango dituen ordenantza fiskalak dira polemika iturri; izan ere, UPNk aurkeztutako proposamena aho batez onartu zuten alderdiek batzordean, baina udal bilkuran berretsi behar zenean, Cristina Ibarrolak bertan behera utzi zuen bilkura, zentsura mozioa aurkeztu zela argudiatuta.
EH Bilduk, Geroa Baik eta Contigo-Zurekin koalizioak elkarrekin idatzi bat sinatu zuten atzo, asteazkena, Iruñeko alkateari osoko bilkura lehenbailehen dei zezan eskatzeko, kontribuzio-zerga arautzen duen 1 zenbakiko ordenantza fiskalaren aldaketak behin betiko onartzeko.
Oposizioaren eskaerei muzin eginez, baina, Cristina Ibarrolak orain ez du ez ohiko bilkurarik deitu nahi, eta Iruñeak 250.000 euro galtzen baditu, Joseba Asironen ardura dela dio.
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.