BJKN berritzeko prozesuan Bruselak bitartekari lana egitea adostu dute Sanchezek eta Feijook
Alberto Nuñez Feijoo PPko buruzagiak Bruselaren bitartekaritza eskatu dio Pedro Sanchez Espainiako Gobernuko presidenteari Botere Judizialaren Kontseilu Nagusia (BJKN) berritzeko prozesuan, eta buruzagi sozialistak onartu egin du eskaera.
PPko iturrietatik azaldu dutenez, Feijook Espainian "hiruko" batzarrak egiteko proposatu du, "Europar Batasuneko agintari publikoen" parte-hartzearekin, eta Sanchezek ontzat eman omen du eredua.
Dagoeneko popularrak eta Gobernuko kideak batzarrak izaten ari dira, bakoitza bere aldetik, komisario arduradunekin gai hori jorratzeko.
"Beraz, bilera horiek egiten jarraitzea baina hiru aldeak presente egotea" da Feijook mahai gainean jarri duena.
Kongresuan Sanchezekin batzartu ostean emandako prentsaurrekoan Feijook azaldu duenez, buruzagi sozialistak ez du "atzera egiteko borondaterik", eta akordioak bilatze aldera "maniobrak egiteko tartea independentistek uzten diotena" da.
Feijook, era berean, atsekabez hartu du Sanchezek Amnistia Legearekin aurrera egiten jarraitzeko erakutsi dion asmoa.
Dena dela, horren arabera, batzarra "egokia" izan da eta PP, konstituzionalista den heinean, "errespetuz" joan da, "Espainiako lehenengo alderdi gisa".
Feijook argi adierazi du espero zuena jaso duela batzarrean: "Oso gutxi espero genuen eta gutxi jaso dugu. Ezin dut esan harritzen nauenik, baina kezkatu egiten nau". Azkenik, azpimarratu du "oso zaila" dela "alderdi konstituzionalista batentzat" Pedro Sanchezekin akordioak lortzea.
Telefonica eta "gutxituak"
Bestalde, PPko buruak jakinarazi du Sanchezek errefusatu egin duela Telefonicaren akzioen erosketan atzera egitea, baina ez omen du baztertu legean aldaketak egitea konpainia "gainerako operadoreen antzeko baldintzetan jartzeko".
Beste akordio bat ere lortu dute; izan ere, Konstituzioaren 49. artikuluan "pertsona gutxituak" barik "desgaitasuna duten pertsonak" jartzea adostu dute.
Gainera, Konstituzioan aldaketa hori egiterakoan zuzenketaren bat sartu nahi izanez gero, bi alderdien oniritziarekin egitea ere hitzeman dute, eta inolaz ere ez egitea erreferendum bat.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.