Larrea (Sumar): "Esfortzua egin dugu hautagai egokiena izateko, Alba Garcia espazio politikoko pertsona da"
Sumar Mugimenduak Alba Garcia Martin lehendakarigai proposatu berritan, hautagaitzaren defentsa sutsua egin du gaur Andeka Larrea alderdiko bozeramaileak. Horren hitzetan, Sumarrek "esfortzua" egin du pertsona "egokiena topatzeko", eta garrantzia kendu dio Elkarrekin Podemosen kide eta langilea izatearen kontuari: "Nik nahiago dut esan espazio politikoko pertsona bat dela", argitu du.
Larrea Euskadi Irratiko "Faktoria" saioan egin ditu adierazpenok. Azaldu duenez, Sumarren hautua "oso logikoa" izan da, eta atzora arte Euskadiko Podemosen kide zenak (baja aurkeztu zuen erabakia hartu eta berehala) espazio politiko horren aldeko "apustua" egin duela nabarmendu du. "Erabakia ez da Podemosen kontrakoa, berak (Alba Garcia) jarraitu nahi izan du espazio politiko horretan", erantsi du. Dena dela, aitortu du ulertzen duela alderdi morearen harridura, baina hortik aurrera, uste du "ez litzatekeela logikoa txartzat hartzea".
Are gehiago, Euskadiko Podemosekin, Ezker Anitzarekin eta Equorekin EAEko hauteskundeetarako akordioa lortzeko "aukerak" badaudela iritzi dio, eta "azken momentura arte" negoziatuko dutela azpimarratu du. Ituna "azkar" lortuko dutelakoan dago, eta ez luke nahi Podemos hortik kanpo geratzea: "Elkarrekin joatea behar-beharrezkoa da".
Larrearen aburuz, "zilegi" da Podemosek Miren Gorrotxategi hautagai proposatzea, eta alderdiaren barne hauteskundeak "errespetatzen" dituela adierazi du. "Orain tokatzen dena da negoziatzea", eta "diskrezioa" aldarrikatu du. Hautagaia ez ezik, indar bakoitzak balizko koalizioan izango duen pisua ere adostu behar dutela esan du, beste behin.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.