Guggenheimari buruzko erabakia patronatuarena da eta ez du hauteskundeekin zerikusirik, Jaurlaritzaren arabera
Bingen Zupiria Eusko Jaurlaritzako bozeramaileak gaur azpimarratu duenez, Urdaibain Guggenheim museoa eraikitzeko proiektuaren inguruan bi urteko gogoeta zabaltzeko erabakia patronatuak hartu zuen pasa den abenduan. Horren esanetan, museoari buruzko erabakia patronatuarena da eta ez du zerikusirik aurten egingo diren Eusko Legebiltzarrerako hauteskundeekin.
Kultura eta Hizkuntza Politikako sailburu ere badenak nabarmendu du Eusko Jaurlaritzak eta Bizkaiko Foru Aldundiak ez dutela ezer erabaki, eta patronatuak abenduko bileran erabakitakoa jakinarazi besterik ez zutela egin.
Gobernu bileraren osteko prentsaurrekoan Zupiriak esan duenaren arabera, bi urteko "hausnarketa epea" baliatuko dute proiektuaren garapenean aurrera egiteko, eta, besteak beste, kutsatutako lurzoruen inguruan, kudeaketa ereduan, eta hirigintza araudietan pausoak emateko. "Arlo horietan lan egiten jarraituko dugu proiektuaren inguruko behin betiko erabakia hartzeko", gehitu du.
Zupiriaren hitzetan, erabakia edozein dela ere, erreferentziazko esparru bikoitz bat kontuan hartuta egin beharko da. Batetik, patronatuak dagozkion erabakiak hartuko ditu eta, bestetik, lehendakaria eta ahaldun nagusiak Busturialderako plan estrategikoa bultzatuko dute.
Dena den, proiektu orok hiru helburu bete beharko dituela gogoratu du Zupiriak: ekonomia jarduerak eta enplegua sustatzea, Busturialdeko herritarren bizi kalitatea hobetzea, eta jarduera guztiak biosfera eta ingurumena errespetatuz eta bermatuz egitea.
Lehendakariak atzo iragarri zuen Bilboko Guggenheim museoaren patronatuak bi urteko hausnarketa egingo duela Urdaibaiko (Bizkaia) azpiegiturak aurrera jarraituko duen ala ez erabakitzeko.
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.