Ertzaintzaren Tolosako kargari lotuta, foam piloten erabilera berrikusi behar dela uste du Gorrotxategik
Ertzaintzak jaurtigai batek Tolosan zauritutako 16 urteko mutilaren kasuari lotuta, foam piloten erabilera berrikusi beharra dagoela nabarmendu du Miren Gorrotxategi Elkarrekin Podemos-IUk Eusko Legebiltzarrean duen bozeramaileak. Horren esanetan, "ez du funtzionatzen, ezin da erabili, arrisku handiegia da horretan jarraitzeko". Ildo horretan, Iñigo Cabacasen oroimena ekarri behar dela uste du, "horrelako zeozer gertatu zelako".
Eusko Legebiltzarreko hauteskundeei begira, gaur-gaurkoz Elkarrekin Podemosen lehendakarigaia denak ez du guztiz baztertu espazio politiko handiagoa ordezkatzeko aukera. Hautagaitzak erregistratzeko momentua iritsi arte denbora dagoela eta, hortaz, Podemos eta Sumar elkarrekin aurkeztea posible dela adierazi du. Hala ere, Euskadi Irratiko "Faktoria" saioan egin dioten elkarrizketan azaldu duenez, orain arte Sumarrek atea itxi dio aukera horri. "Ez dakit norbaitek zabalduko ote duen, ez hitzez, ekitez; hori gertatuko balitz, bide hori jorratuko genuke, baina egia da, momentuz, atea itxi egin digutela", gehitu du.
Aipaturiko hauteskunde hitzordu horretara, ezker ez independentista "ahalik eta indartsuen" joatea da Gorrotxategiren helburua. Juan Lopez de Uralde buru duen Aliantza Berdearekin batera aurkezteko aukeraz galdetuta, espazio berean dagoen beste sujetu bat izaki, aukerak badaudela aitortu du.
Oraindik Iñigo Urkullu lehendakariak hauteskundeak noiz egingo diren argitu ez badu ere, Gorrotxategik uste du apirilean egingo direla, eta, hortaz, bi asteko epean desegingo dela Eusko Legebiltzarra.
Bestalde, "inoiz baino argiago" ikusten du ziklo aldaketa gauzatzeko eta ezkerreko gobernu bat osatzeko aukera. Gorrotxategik gaineratu duenez, ezkerreko gobernu bat babestuko luke Elkarrekin Podemosek, baina ez litzateke ezkerrekoa izango EAJ bertan balego. Bestalde, lehenago edo berandua, EAEko ezkerrak batuko diren eguna iritsiko dela uste du, "normaltasunaren seinale".
Zure interesekoa izan daiteke
Epaileak ukatu egin dio Begoña Gomezi NATOren goi-bilerara joatea, baina Londresera bidaiatzeko baimena eman dio
Gomezen defentsak uztailaren 7tik 10era Espainiatik irtetea eskatu zuen, NATOk Turkian egitekoa duen goi-bilerara joateko eta, ondoren, Londresera, alabaren graduaziora.
Hamasek Gazako gobernua utzi du eta Palestinako batzorde teknokrata bati eman dio boterea
Hamas desegin ondoren, organo horrek eskualdea kudeatu beharko du, su-etenean jasotako jarraibideei jarraituz.
Lehendakari bat aurrenekoz txupinazoan: "Beste herritar bat bezala, kalean ibiltzea da nire helburua"
Lehen aldia da jardunean dagoen lehendakari bat San Fermineko txupinazoan udaletxean dagoela gonbidatu gisa eta ETBko saio berezian izan da. "Jendeak gozatzea, bakean eta errespetuz", hori espero du Imanol Pradalesek.
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".