Urtasunek uste du Urdaibaiko Guggenheim Museoa zabaltzeak "arazo larriak" sortuko dituela ingurumenean
Espainiako Kultura ministro Ernest Urtasunek uste du Guggenheim Museoa Urdaibaiko erreserba naturalera zabaltzeak "arazo larriak" sortzen dituela ingurumenaren eta hirigintzaren ikuspuntutik, baina gaineratu du euskal erakundeei dagokiela erabaki hori hartzea.
Hala adierazi du Urtasunek Kongresuan, Gobernuaren kontrolerako saioan, Javier de Andres PPko diputatu eta EAEko hauteskundeetarako lehendakarigaiak museoaren handitzeari buruz duen iritzia galdetu ostean.
Testuinguru horretan, Kultura ministroak gogorarazi du museoaren patronatuak, zuzendaritza eta euskal erakundeak bertan direla, 2025era arteko tartea eman duela handitzearekin aurrera jarraituko duten erabakitzeko.
"Nire Ministerioaren iritziz, kulturak eta ingurumenak eskutik joan behar dute beti. Beraz, argi eta garbi, bi gauza esango dizkizut. Bata, hori euskal erakundeei dagokien erabakia da eta horretan nik errespetu handia izango dut, baina, nire iritzia galdetzen badidazu, zabaltze horrek, ingurumenaren eta hirigintzaren ikuspuntutik, arazo larriak sortzen ditu", adierazi du Urtasunek.
Erantzunaren ostean, De Andresek gaitzetsi egin dio baieztapen hori egitea, Espainiako Gobernuak proiektu horretarako "40 milioi euro eman dituenean".
Lehendakaritzarako PPren hautagaiak galdetu dio ea badakien "Urbaibairen babes eremua murriztu dela, hain zuzen ere, proiektu hori egin ahal izateko". "Ez da bateragarria esatea hori euskal administrazioen gauza bat dela eta 40 milioi jartzea, hau da, proiektuaren kostuaren erdia. Uste duzu hau dela diru publikoa administratzeko modua?", galdetu dio.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea. Eta okerragoa dena, gaineratu du, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.