Chiviteri Cabanillasen egindako erasoa gaitzetsi du Iruñeak aho batez, UPNko zinegotzi baten abstentzioarekin
Iruñeko Udalak gaitzetsi egin du gaur Maria Chivite Nafarroako presidenteak Cabanillasen jasandako erasoa, nekazarien protesta batean, UPNren eta PPren babesarekin, astelehenean Parlamentuan egin ez bezala. Bi alderdiek ez zuten erasoaz hitz egin nahi izan, istiluez baizik.
Testua PSNk aurkeztu du Presidentetza Batzordean, eta talde guztien babesa jaso du. Hala ere, Aitor Silgado UPNko zinegotzia abstenitu egin da.
Adierazpenak arbuiatu eta gaitzetsi egiten du Maria Chivite Foru Erkidegoko presidenteak Cabanillasen iragan ostiralean jasandako erasoa, eta errefusatu egiten du, halaber, erasoaren egileen eta haiei babesa ematen dietenen jokabide antidemokratikoa. Era berean, berretsi egiten du Estatu demokratikoarekiko, erakundeekiko eta haiek ordezkatzen dituztenekiko errespetua, eta Foruzaingoak egindako lanari babes osoa ematen dio.
UPNk adierazpena "arintzen" saiatu da onartu ez den zuzenketa baten bidez, baina azkenean alderdi erregionalistak aldeko botoa eman du. Hala ere, gainerako talde politikoen kritikak jaso ditu. Horrela, PPko eta UPNko zinegotziek desberdin bozkatu dute asteartean; izan ere, bi alderdi horietako parlamentariek ez zuten erasoaz hitz egin nahi izan astelehenean, Foru Ganberan.
Javier Labairu UPNko bozeramaileak azaldu duenez, "Cabanillasen gertatutakoa indarkeria ekintza gaitzesgarriak dira, ezin da indarkeria justifikatu".
Carlos Garcia Adanero PPko zinegotziaren ahotan, "Chivite egiten ari denaren guztiz aurka egon daiteke, baina ezin da beste alde batera begiratu eraso bat gertatzen denean. Onartezina da Foru Gobernuko presidenteari horrela eraso egitea".
Gainerako taldeek erasoa gaitzetsi dute, astelehenean Foru Ganberako Bozeramaileen Batzordean egin zuten bezala.
Iruñeko Udalean onartutakoa Tuteran erabakitakoaren kontrakoa da; izan ere, PSNk Maria Chiviteri egindako erasoaz hitz egiten zuen mozioa atzera bota dute, eta istiluez hitz egiten zuena onartu dute. Hori dela eta, Alejandro Toquero erregionalistak zuzendutako Udalak Javier Esparza bere alderdiko presidenteak astelehenean markatutako ildoari jarraitu dio.
Bestalde, ohar baten bidez, UPNk "erabat" gezurtatu du egunotan Maria Chiviteren aurka Nafarroako hainbat tokitan izan diren ekintzen atzean egon izana.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.